Home / Author Archives: admin

Author Archives: admin

आचारसंहिता उल्लंघन गरेको भन्दै देवयानीलाई चौतारामा अवरोध सिन्धुपाल्चोकको आकाशमा सेनाको गस्ती, कमाण्डो प्रहरी परिचालन

८ मंसिर, चौतारा । मौन अवधिमा चुनावी सभा गरेको भन्दै राप्रपा प्रजातान्त्रिकका अध्यक्ष पशुपति शमशेर जबराकी छोरी देवयानीलाई सिन्धुपाल्चोकमा वामपन्थी कार्यकर्ताले अवरोध गरेका छन् ।

 

बुबालाई चुनाव जिताउन केही दिनदेखि सिन्धुपाल्चोकमा खटिएकी देवयानीलाई वामपन्थी कार्यकर्ताले आक्रमण प्रयास गरेपछि सुरक्षाकर्मीले स्कर्टिङ गरेर काठमाडौं पठाएका छन् ।

शुक्रबार विहान चौतारा नगरपालिकाको कल्लेरीस्थित कांग्रेस नेता यज्ञप्रसाद दंगालको घरमा स्थानीय भेला गरेको भन्दै वामपन्थी कार्यकर्ताले आपत्ति जनाएका थिए ।

सो क्रममा विवाद हुँदा एकजनाले पानीको जार उठाएर देवयानीमाथि प्रहार गरेको प्रत्यक्षदर्शीले बताएका छन् ।

मौन अवधिमा निर्वाचन आचारसंहिता उल्लंघन गरेको भन्दै एमाले र माओवादीका कार्यकर्ताले बिरोध जनाएका हुन् । पानीको जारले देवयानीलाई लाग्न पाएन । उनलाई तत्कालै लोकतान्त्रिक गठबन्धनका कार्यकर्ताले सो ठाउँबाट भगाएको बताइएको छ ।

देवयानीलाई सशस्त्र प्रहरीले स्कर्टिङ गरी सैनिक क्याम्पमा राखेको थियो । त्यहाँ पनि वामपन्थी कार्यकर्ताले नाराबाजी गरेपछि उनलाई सुरक्षा सहित काठमाडौं पठाइएको प्रहरीले जनाएको छ ।

तत्कालीन युवराज दिपेन्द्रकी प्रेमिका देवयानीसँग विहे गर्न तत्कालिन महारानी ऐश्वर्याले नमानेपछि दिपेन्द्रले दरवार हत्याकाण्ड गराएको भनिँदै आएको छ । दरवार हत्याकाण्डको केही समयपछि देवयानीको विवाह भारतका एक रजौटासँग भएको थियो ।

यसैबीच, सिन्धुपाल्चोकको आकाशमा सेनाले हेलिकोप्टरबाट समेत गस्ती गरिरहेको छ ।

अति संवेदनशील जिल्ला मानिएको सिन्धुपाल्चोकमा चुनाव शान्तिपूर्ण रुपमा गराउन नेपाल प्रहरीका एसएसपी सहित १३ जना डीएसपीको टोली कमाण्डोसहित परिचालन भएको छ ।

प्रदेश नं. १ मा निर्वाचनको सुरक्षाः १० हजार बढी प्रहरी परिचालन विप्लव समूहका १ सय ३ जना पक्राउ

८ मंसिर, बिराटनगर । एक नम्बर प्रदेशमा पहिलो चरणमा मंसिर १० गते हुने प्रतिनिधिसभा र प्रदेशसभाको निर्वाचन सुरक्षाका लागि १० हजार बढी सुरक्षाकर्मी परिचालन गरिएको छ ।

 

एक नम्बर प्रदेश अन्तर्गत पर्ने १४ जिल्ला मध्ये पहिलो चरणमा हिमाली एवं पहाडी गरी ७ वटा जिल्ला मंसिर १० गते निर्वाचन हुँदैछ ।

प्रदेश नम्बर १ का प्रहरी प्रमुख एवं प्रहरी अतिरिक्त महानिरीक्षक पशुपति उपाध्ययले निर्वाचन सुरक्षाका लागि नेपाल प्रहरीका ५ हजार वढी प्रहरी परिचलन गरिएको जानकारी दिए ।

त्यसैगरी, निर्वाचन सुरक्षाका लागि थप ५ हजार ३ सय म्यादी प्रहरी परिचालन गरिएको उनले बताए ।

मंसिर १० गते पहिलो चरणमा सोलुखुम्बु, संखुवासभा, भोजपुर, ओखलढुंगा, ताप्लेजुङ, पॉचथर र खोटाङमा निर्वाचन हुँदैछ ।

उपाध्ययले विगतमा जस्तै यस पटकको निर्वाचनमा पनि जिल्ला सुरक्षा योजना अनुसार ती जिल्लाको निर्वाचन सुरक्षाको व्यवस्था मिलाइएको जानकारी दिए ।

उनले पहिलो र दोश्रो चरणमा हुने निर्वाचनका लागि प्रदेश नम्बर एक अन्तर्गत पर्ने १४ जिल्लाका लागि नेपाल प्रहरी र म्यादी प्रहरी गरी कुल ३० हजार बढी परिचालन गरिने बताए ।

जसमा १६ हजार म्याद ८ सय म्यादी प्रहरी र १३ हजार बढी नेपाल प्रहरी परिचालन हुनेछन् ।

एक नम्बर प्रहरी प्रमुख उपाध्ययले पहिलो चरणमा निर्वाचन हुने हिमाली जिल्लामा भौगोलिक विकटता बढी भएकाले सोही अनुसार निर्वाचन सुरक्षाको व्यवस्था गरिएको बताए ।

उपाध्ययले भने, ‘ताप्लेजुङ र सोलुखुम्बु जिल्लाका धेरै मतदान केन्द्र र स्थलमा भौगोलिक विकटता छ, त्यस्ता मतदान स्थानमा अन्य सुरक्षा निकायको समन्वयमा निर्वाचन सुरक्षाको प्रबन्ध मिलाएका छौ ।’

उनले पहिलो चरणमा निर्वाचन हुने हिमाली एवं पहाडी जिल्लासँग जोडिएका स्थान र विगतका अपराध भएका ठाउँका मतदान केन्द्रलाई संवदेनशीलमा राखिएको बताए ।

एउटा मतदानस्थलमा कम्तिमा २० देखि ४९ जनासम्म जनपथ प्रहरी र आवश्यकता अनुसार म्यादी प्रहरी परिचालन गर्ने योजना छ । त्यसमा प्रहरीकै मोबाइल टोली, सशस्त्रको टोली र नेपाली सेनाको संयुक्त टोली समेत परिचालन गरिनेछ ।

विप्लव समूहका १ सय ३ पक्राउ

निर्वाचन विथोल्ने गतिविधिमा सम्लग्न भएको आशंकामा प्रहरीले १ सय बढीलाई नियन्त्रणमा लिएको प्रहरीले जनाएको छ ।

एक नम्बर प्रदेश अन्तर्गत पर्ने जिल्लाहरुबाट उनीहरुलाई नियन्त्रणमा लिएको हो ।

नेपाल प्रहरीको एक नम्बर प्रदेश कार्यालय, बिराटनगरका अनुसार चुनाव बिथोल्ने कार्यमा उनीहरु सम्लग्न भएको आशंकामा नियन्त्रणमा लिएको बताइएको छ ।

एक नम्बर प्रदेशका जिल्लाहरु भोजपुर, इलाम, सुनसरी, धनकुटा लगायतका जिल्लाबाट उनीहरुलाई नियन्त्रणमा लिएको जनाइएको छ ।

source:onlinekhabar

चिम्पाञ्जीसहितका दुर्लभ पशुपंक्षी तस्करीका लागि नेपाली मार्गको प्रयोग नेपाल हुँदै भारत, चीन र बंगलादेश पुर्‍याइन्छन् पशुपंक्षी

 

 

७ मंसिर, काठमाडौं । वन्यजन्तुको चोरी तथा तस्क

 

 

रीमा संलग्न गिरोहले चिम्पाञ्जीलगायत दुर्लभ पशुपंक्षीको ओसारपसारका लागि नेपाललाई ‘ट्रान्जिट पोइन्ट’ बनाइने गरेको खुलेको छ ।

भन्सार एजेन्ट र क्वारेन्टाइनका कर्मचारीसँगको सेटिङमा नेपाली मार्गको प्रयोग गरी दुर्लभ पशुपंक्षी तथा वन्यजन्तु भारत, चीन, बंगलादेशलगायत मुलुक पुर्‍याइने गरेको खुलेको हो ।

 

प्रहरीको केन्द्रीय अनुसन्धान ब्युरो (सीआईबी)ले तस्करीमा संलग्न गिरोहलाई काठमाडौंबाट पक्राउ गरेर अनुसन्धान थालेसँगै यो विषय सार्वजनिक भएको हो ।

तस्करहरुले नाइजेरियाबाट हवाई मार्गमार्फत् टर्कीको इस्तानबुल हुँदै नेपालसम्म ल्याउने गर्छन् । यहाँबाट सडक मार्गमार्फत् भारत, चीन, बंगलादेश पुर्‍याउने गरेको अनुसन्धानले देखाएको छ ।

पाकिस्तानीदेखि नेपालीसम्म संलग्न

नेपाली मार्गबाट दुर्लभ वन्यजन्तुको अवैध खरिद बिक्री र ओसारपसारमा संलग्न भएको आरोपमा एक पाकिस्तानी नागरिकसहित आठ जना पक्राउ परेका छन् ।

पक्राउ पर्नेमा पाकिस्तानको कराँचीका ५५ वर्षीय जावेद अस्लाम खान, भारत बिहारका ५४ वर्षीय मोहम्मद फइम, उत्तरप्रदेशका ३५ वर्षीय चाँदबाबु मोहम्मद शरिफ शहीद, बिहारको पटना घर भई काठमाडौं स्वयम्भु बस्दै आएका ३४ वर्षीय मोहम्मद उस्मान, भक्तपुर सल्लाघारी बस्ने ४० वर्षीय सञ्जीव भारी र बारा घर भई बुढानीलकण्ठ बस्दै आएका भन्सार एजेन्ट ४२ वर्षीय राजकुमार तिवारी छन् ।

वन्यजन्तु र पशुपंक्षीको ओसारपसारमा सहयोग गर्ने त्रिभुवन अन्तर्राष्ट्रिय विमानस्थलस्थित भन्सारका कर्मचारीसमेत अनुसन्धानमा तानिएका छन् ।

झापाको भद्रपुर–८ घर भई विमानस्थल भन्सारमा कार्यरत नायब सुब्बा ३१ वर्षीय चुडामणि दाहालमाथि अनुसन्धान भइरहेको छ ।

हालसम्मको अनुसन्धानमा उनले चिम्पाञ्जी आएका बाकसको सतही जाँच गरी भन्सार एजेन्ट राजकुमारसँगको मिलेमतोमा सामान पास गर्ने गरेका थिए ।

गत मंगलबार त्रिभुवन अन्तर्राष्ट्रिय विमानस्थलको पशु क्वारेन्टाइन कार्यालयका एक कर्मचारीसमेत अनुसन्धानका क्रममा पक्राउ परेका छन् ।

अछाम घर भई कालिमाटी बस्दै आएका पशु स्वास्थ्य प्राविधिक ४२ वर्षीय धिरेन्द्रबहादुर शाह पक्राउ परेका हुन् ।

उनले पशुपंक्षीको क्वारेन्टाइन जाँच नगरी जाँच गरेको पत्र भन्सार एजेन्टलाई उपलब्ध गराउने गरेको खुलेको सीआईबीले जनाएको छ ।

दुई चिम्पाञ्जीसहित १२२ पशुपंक्षीको उद्धार

विभिन्न देशमा बिक्रीका लागि नेपाल ल्याइएका एक सय २२ पशुपंक्षीको सीआईबीले उद्धार गरेको छ ।

त्यसमा दुई चिम्पाञ्जी, दुर्लभ प्रजातिको बाँदर आठ, गोल्डेन फेजन चरा सात, रिङ्नेट फेजन चरा दुई, दुर्लभ प्रजातिको परेवा ३८ र दुर्लभ प्रजातिको सुगा ६५ छन् ।

सीआईबी प्रमुख डीआईजी पुष्कर कार्कीका अनुसार नाइजेरियाबाट ल्याइएको चिपाञ्जी कम्तिमा १२ देखि १३ हजार डलरमा बिक्री हुँदै आएको खुलेको छ ।

यसरी हुन्छ ओसारपसार

अन्तर्राष्ट्रिय रुपमा पशुंपक्षीको ओसारपसार र बिक्रीमा संलग्न संगठित गिरोह पक्राउ गरेको यो पहिलो घटना भएको डीआईजी कार्कीले बताए ।

उनले भने, ‘यसमा अन्यको संलग्नताबारे अनुसन्धान भइरहेको छ ।’

भन्सार र क्वारेन्टाइन कर्मचारीको सहयोगमा हालसम्म अवैध व्यापार चलिरहेको खुलेको छ ।

‘निजी सवारी साधन प्रयोग गरी विभिन्न नाका हुँदै अन्य मुलुक पुर्‍याइने गरेको खुलेको छ,’ डीआईजी कार्कीले भने, ‘धेरैलाई लोपोन्मुख पशुपंक्षीबारे जानकारी नहुने भएकाले गिरोहले सडक मार्गबाट ओसारपसार गरिरहेका थिए ।’

नाइजेरियाबाट ल्याइने पशुपंक्षी सबैभन्दा बढी भारतमा बिक्री गर्ने गरिएको छ ।

नेपाल सहज रुट !

नेपाली अधिकारीहरुलाई सजिलै प्रलोभनमा पारी गिरोहले दुर्लभ पशुपंक्षीको तस्करीका लागि नेपाललाई सहज रुट बनाएको छ ।

नेपाल बाघ, रेड पान्डाजस्ता दुर्लभ वन्यजन्तुको स्रोत भएकाले पनि उनीहरुले नेपाललाई रुट बनाएको हुनसक्ने प्रहरीको शंका छ ।

केही वर्षदेखि यस्तो अवैध धन्दाबारे चर्चा हुँदै आएको थियो । कहिलेदेखि तस्करी शुरु भएको थियो भन्ने यकिन छैन ।

गुम्बामा तीन दिन झारफुक, चौथो दिनदेखि यौनधन्दा ! अघिल्लो जुनीमा मेरै थियौ भन्दै अस्मिता लुट्दै

७ मंसिर, काठमाडौं । काठमाडौंकी अञ्दाजी २६/२७ वर्षकी युवती सबिना (नाम परिर्वतन) लाई केही महिनाअघि छालामा एलर्जी भयो । दक्षिणकालीमा रहेका एकजना लामाले यस्तो समस्या झारफुक गरेरै निको पार्छन् भन्ने उनले साथीभाइबाट सुनिन् ।

 

साथीभाइको विश्वासमा रोग चट्ट निको हुने सम्भिmँदै सविना दक्षिणकालीमा ती लामासमक्ष पुगिन् ।

दक्षिणकाली-१, चाल्नाखेलमा थियो, टासी छुल्ठिम घोम्बो कासुङ नामक गुम्बा । त्यहाँ उपचार गर्ने तान्त्रिक भनिएका व्यक्ति थिए, रिम्पोछे छुल्ठिम दोर्जे योन्तान (योञ्जन) ।

तीनदिन झारफुक, चौथो दिनदेखि यौन शोषण

पहिलो दिन ती व्यक्तिले झारफुक गरे । दोस्रो दिन आफूले छुँदै पनि रोग निको हुने भन्दै युवतीलाई छुन खोजे । उनी अलि हच्किइन् ।

तेस्रो दिन पनि झारफुक भयो ।

‘तान्त्रिक दैविक शक्ति छ भन्ने सुनेर त्यहाँसम्म पुगेकी थिएँ’, ती महिला भन्छिन्, ‘अरुले रोग पूरै निको भएको समेत सुनाएका थिए ।’

तर, चौथो दिन उनले उनी यौन दुराचार शिकार बन्न बाध्य भइन् ।

‘त्यो दिन तिमी मेरो पूर्वजन्मको अर्धाङ्गिनी हौं र यो जन्ममा पनि मेरै हौं भनेर ती व्यक्तिले भने’, उनी सम्झिन्छिन्, ‘त्यसरी पूर्वजन्म र अहिलेको जन्मको कुरा गरेर मलाई रनभुल्लमा पार्‍यो ।’

त्यो दिनलाई उनलाई पहिलेको कोठामा लगिएको थिएन । कोही नभएको सुनसान कोठामा थिइन्, उनी । ती तान्त्रिकले उनलाई शारीरिक सम्बन्ध राख्न बाध्य बनाए ।

कसैलाई बताए रोग बल्झिने धम्की !

छुँदै निको हुने भन्दै ती व्यक्तिले युवतीलाई नग्न बनाउन थाले । र, पटक पटक यौन सम्पर्क गरे । कसैलाई सम्पर्क राखेको कुरा भने ठूलो क्षति हुने भन्दै तान्त्रिकले त्रास देखाउँथे ।

‘कसैलाई सुनाउँदा रोग फेरि बल्झिने भन्थ्यो’, पीडित युवती भन्छिन्, ‘रोगको उपचार गराउन मसँगै यौन सम्पर्क राख्नुपर्छ समेत भन्ने गर्थ्यो ।’

एक दिन ती युवतीले परिवारसमक्ष समस्या सुनाउन पुगिन् । उनलाई तान्त्रिक भनिएका व्यक्तिको व्यवहार ठीक लागिरहेको थिएन । र, उनले आफन्तलाई यो कुरा सुनाइन् ।

त्यसपछि यो घटना सीआइबीसमक्ष पुग्यो । अहिले सीआइबीले ती तान्त्रिकलाई पक्रेर उनीमाथि अनुसन्धान थालेको छ ।

१० वर्षदेखि युवतीहरुलाई यौन शोषण गरेको आशंका

धर्मगुरु भनिएका ५६ वर्षीय रिम्पोछे छुल्ठिम दोर्जे योन्तान (योञ्जन) को स्थायी घर सिन्धुलीको दुम्जा हो । उनी काठमाडौंमा १० वर्षअघि आएर गुम्बा सञ्चालन गरी बसेका थिए ।

पहिल्यैदेखि ती गुरु महिलाप्रति आशक्त रहेको अनुसन्धानका क्रममा खुलेको छ । काठमाडौं आएदेखि नै धर्म गुरुको आवरणमा महिलामाथि यौन शोषण गर्ने गरेको प्रहरीको आशंका छ ।

आफूसँग दैवी शक्ति छ भनेर प्रचार गर्दै जुनसुकै रोग निको पार्ने भनेर उनले युवती तथा महिलाहरुलाई भेला पार्ने गरेका थिए ।

युवतीहरुलाई भेला पार्न उनले वेवसाइटको समेत प्रयोग गर्दै आएका थिए ।

छालामा एलर्जी, एपीलीप्सी र छारे रोग भएका बिरामीलाई पूरै निको पार्ने भन्दै प्रचार गरिएको भेटिएको केन्द्रीय अनुसन्धान ब्यूरो सीआइबीका डीआइजी पुष्कर कार्की बताउँछन् ।

उनका अनुसार ती व्यक्तिले पुरुषलाई हत्तपत्त गुम्बाभित्र छिर्न नदिने गरेका थिए । थुप्रै महिलाहरु ती धर्मगुरुको शिकार बनेको हुन सक्ने प्रहरीको आशंका छ ।

अनुसन्धानका क्रममा ती व्यक्तिले विवाह भएकालाई महिलालाई ‘पूर्वजन्ममा आफ्नै अर्धाङ्गिनी र अहिले भुलबस अर्कैको भएको’ भन्दै यौन शोषण गर्ने गरेको प्रहरी बताउँछ । विवाह नभएका युवतीलाई भने ‘अघिल्लो जन्ममा पनि आफ्नै र अहिलेको जन्ममा पनि आफ्नै भएको’ भन्दै यौन सम्पर्क गर्न बाध्य बनाउने गरेको प्रहरीको भनाइ छ ।

अनुसन्धानको क्रममा ती व्यक्तिले विवाह गरेको समेत खुलेको छ । उनले श्रीमतीलाई झापामा राखेर होटल व्यवसाय समेत सञ्चालन गरिरहेको प्रहरीको आशंका छ ।
श्रीमतीसहित उनका छोराहरु झापामा रहेको बताइन्छ ।

स्रोत : अनलाइन खबर

एउटा बाइकमा ५८ जना चढेर विश्व कीर्तिमान

भारतीय सेनाले एउटा नयाँ कीर्तिमानी कार्य गरेर विश्व कीर्तिमान कायम गरेको छ । इण्डियन आर्मीका ५८ जवानहरु एउटै मोटरसाइकलमा एकैपटकमा चढेर कीर्तिमान राखेका हुन् । बैैैैगलोरको यलाहांकामा रहेको भारतीय वायुसेनाको क्याम्पमा यस्तो कीर्तिमानी कार्य भएको हो ।

५ सय सीसीको रोयल इनफिल्ड मोटरसाइकलमा ५८ जना सैनिकहरु एकैपटकमा चढेर १२ सय मिटर टाढासम्म मोटरसाइकल गुडाएका थिए ।

 

मोटरसाइकलमा यतिधेरै यात्रुलाई अटाउनका लागि दायाँ–बायाँ दुवैतर्फ टेक्ने ठाउँ जोडिएको थियो । तौल बढी नहोस् भनेर सैनिकले १ सय मिलिमिटर पानी तथा बिस्कुट मात्र खाएका थिए ।

स्मरण रहोस्, भारतीय वायु सेनाको आर्मी सर्भिस कप्र्सले विभिन्न २० विधामा विश्व तथा राष्ट्रिय कीर्तिमान राखिसकेको छ ।

एजेन्सी

५ वर्षमा हजार मेेगावाट बिजुली निकाल्ने बुटवल पावरको घोषणा, ३ खर्बसम्म लगानी गर्ने

६ मंसिर, काठमाडौं । बुटवल पावर कम्पनी (बीपीसी)ले चीनका ३ वटा कम्पनीसँगको साझेदारीमा १ हजार मेगावाट विजुली उत्पादन गर्ने घोषणा गरेको छ । त्यसका लागि ५ वर्षभित्र २ देखि ३ खर्बसम्म लगानी गर्ने जानकारी कम्पनीले दिएको छ ।

चीनको सिचुवान प्रोभिन्सल इन्भेस्टमन्ट ग्रुप, चेङ्दु सिंचेन इन्भेस्टमेन्ट ग्रुप र छिमयुआन इन्जिनियरिङ कन्सल्टेन्सी लिमिटेसँग साझेदारीको घोषणा गरेको हो ।

 

शुक्रबार राजधानीमा एक विषेश समारोहका बीच बुटवल पावर कम्पनीसहित चार कम्पनीले पहिलो प्रोजेक्टका रुपमा १०० मेगावाटको तल्लो मस्र्याङ्दी जलविद्युत आयोजना बनाउने घोषणा गरेका छन् ।

अबको ५ वर्षमा चार कम्पनीहरुले २ देखि ३ अर्ब अमेरिकी डलर खर्चेर एक हजार मेगावाट विजुलीको उत्पादन गर्ने लक्ष्य लिएको बताएका छन् ।

चीनका सबै लगानीकर्ता कम्पनीहरु स्थानीय क्षत्रेमा जलविद्युत क्षत्रेमा निकै सफल कम्पनी भएको जानकारी बुटवल पावर कम्पनीका पद्म ज्योतिले जानकारी दिए ।

०२० सालमा स्थापित बुटवल पावर कम्पनीले भने अहिले ३७.६ मेगावाटको ‘कावेली ए’ र ३० मेगावाटको न्यादी हाइड्रो पावर निर्माण गरिरहरेको छ । कम्पनीले १२ मेगावाटको झिमरुक र ९.४ मेगावाटको आधिखोला हाइड्रोपावर सञ्चालन गरिरहेको छ ।

मंसिर १३ बाट वतनिया एयरको नेपाल-कुवेत सीधा उडान सेवा

६ मंसिर, काठमाडौं । नेपाल र कुवेतबीच पहिलोपटक सीधा हवाई उडान सुरु हुने भएको छ । कुवेतको वतनिया एयरवेजले आगामी बुधबारबाट कुवेत सिटीबाट काठमाडौं र काठमाडौंबाट कुवेतसिटीसम्म दोहोरो सीधा हवाई सेवा थाल्न लागेको हो ।

कुवेत नेपाली कामदारको प्रमुख गन्तब्यमध्ये एक हो । अहिलेसम्म नेपाली कामदारलाई साउदी अरब भएर कुवेत पुग्नुपर्ने बाध्यता छ ।

 

वतननियाले मंसिर १३ गतेबाट न्यारोबडी एयरबसमार्फत सेवा थाल्न लागेको हो । नेपाल नागरिक उड्डय प्राधिकरणले रातको ११ बजे त्रिभुवन अन्तर्राष्ट्रिय विमानस्थलमा आएर पौने १२ बजे कुवत फर्किने गरी सेवा सञ्चालनको अनुमति दिएको हो ।

नेपाल र कुवेतबीच सन् २००६मा हवाई सम्झौता भएको थियो । कुवेतसँग सीधा हवाई समबन्ध स्थापना भएपछि युरोप र अफ्रिका जानेहरुलाई पनि सहज हुनेछ ।

वतनियालाई प्रारम्भिक रुपमा ३ महिनामा लागि उडान अनुमति दिइएको प्राधिकरणमा महानिर्देशक सञ्जीव गौतमले जानकारी दिए ।

वतनियाले सेवा प्रारम्भ गरेपछि नेपाल फर्किने र नेपालबाट कुवेत उड्ने कामदारलाई निकै सहज हुनेछ ।

कुवेत अहिले धेरै नेपाली कामदार जाने मुलुकमध्ये ५ औं स्थानमा पर्छ । त्यसैकारण दैनिक एउटा उडान गर्ने गरी वतनियाले अनुमति लिएको हो ।

अहिले खाडी मुलक जान कतार, दुबई, इत्तिहाद, ओमन, नेपाल, हिमालय लगायतका एयरलाइन्सले सीधा उडान गरिरहेका छन् ।

स्मार्टफोनमा फुलस्क्रिन भिडियो हेर्न युट्युबको नयाँ फिचर

एन्ड्रोइड स्मार्टफोनका लागि युट्युबले पिन्च टू जूम नामक नयाँ फिचर ल्याएको छ । यो फिचरको सहयोगले स्मार्टफोनको पूरै स्त्रिmनभर भिडियो देखिनेछ, अर्थात् किनारामा देखिने कालो धर्सो अब हेर्नुपर्ने छैन । यो नयाँ फिचरले १८ः९ स्क्रिनवाला स्मार्टफोनमा समेत काम गर्ने बताइएको छ ।

 

यसअघि यो फिचर केवल पिक्सेल टू एक्सएल प्रयोगकर्ताका लागि उपलब्ध थियो । जुन १२.४ भर्सनसँगै प्रयोग गर्न सकिन्थ्यो । अब यो एन्ड्रोइडको १२.४४ भर्सनका प्रयोगकर्ताका लागि पनि उपलब्ध भएको छ ।

पिन्च टू जूम फिचर विना सामसुङ ग्यालेक्सी एस एट, एलजी भी ३०, सामसुङ ग्यालेक्सी नोट एटका प्रयोगकर्ताले युट्युब भिडियो पूरा स्क्रिनभर हेर्न पाउँदैनथे । यो महिना आइओएसका लागि यु ट्युब अपडेट गरिएको थियो र यसमा आइफोन एक्सका लागि फूल स्क्रिन भ्युइंग सपोर्टको विकल्प दिइएको थियो । एजेन्सी

चुनावी सभामै ढलेका जनवादी गायक खुसीराम पाख्रिनको निधन

५ मंसिर, चितवन । भरतपुरको चुनावी सभामै ढलेका जनवादी गायक खुसीराम पाख्रिनको निधन भएको छ ।

 

चितवनको भरतपुरमा वाम गठबन्धनले गरेको चुनावी सभामा सहभागी उनीलाई हृदयघात भएको थियो । उनलाई तत्कालै नारायणी सामुदायिक अस्पतालमा लगिएको थियो । तर, उपचारका क्रममा निधन भएको माओवादी केन्द्रका नेता नारायण दाहालले जानकारी दिए ।

पाख्रि नले चुनावी सभा सुरु हुनु अघि दुई वटा गीत समेत गाएका थिए ।

२००९ सालमा गोरखाको खरिवोटमा जन्मिएका पाख्रिन नेकपा माअोवादीका पूर्व सभासदसमेत हुन् । २०६४ सालकाे संविधानसभा निर्वाचनमा उनी माअोवादीबाट समानुपातिक सभासद बनेका थिए ।पछिल्लो समय पाख्रिन माअोवादी केन्द्रका केन्द्रीय सल्लाहकार थिए ।

नेकपा (चाैम)बाट राजनीतिक यात्रा सुरू गरेका पाख्रिनले माअोवादी जनयुद्द सुरू भएयता सांस्कृतिक समूहमा रहेर काम गरेका थिए । उनी इच्छुक सांस्कृतिक प्रतिष्ठानका अध्यक्ष पनि हुन् ।

उनका श्रीमति, २ छोरा र २ छोरी छन् ।

प्रचण्ड आफैंले दिए छोरा प्रकाशलाई दागवती फोटो फिचर

३ मंसिर, काठमाडौं । प्रकाश दाहालको पार्थिव शरीरमा बुबा पुष्पकमल दाहाल प्रचण्डले दागवती दिएका छन् ।

उनको पशुपति आर्यघाटमा अन्त्येष्टि गरिएको हो ।

त्यसअघि एमाले नेता माधवकुमार नेपाल, नयाा शक्तिका डा. बाबुराम भट्टराई, माओवादीका नारायणकाजी श्रेष्ठ लगायतका नेताहरुले प्रकाशलाई अन्तिम श्रद्धाञ्जली दिएका थिए ।

दाहालको हृदयाघातका कारण आइतबार निधन भएको थियो ।

माओवादी पोलिटब्यूरो सदस्य समेत रहेका प्रकाशको हृदयाघातका कारण आइतबार विहान निधन भएको थियो । घरमै अचेत अवस्थामा भेटिएका उनलाई नर्भिक अस्पताल लगिएको थियो तर, चिकित्सकहरुले मृत घोषणा गरे ।

  • प्रकाश दाहालका छोरा  (सिर्जनाबाट)  प्रसिद्ध माओवादी नेता डिलाराम आचार्यसँग
  • प्रकाश दाहालकी पत्नी सिर्जना (बीचमा)

स्रोत : अनलाइन खबर