Home / खेलकुद (page 4)

खेलकुद

आयोजक फ्रान्स लाइ हराउदै पोर्चुगल बन्यो युरोपको च्याम्पियन

काठमाडौः आयोक फ्रान्सलाई पराजित गर्दै पोर्चुगलले युरोकप फुटबल प्रतियोगिताको उपाधि उचाल्न सफल भएको छ ।

निर्धारित ९० मिनेटसम्म दुबैतर्फबाट गोल नभएपछि अतिरिक्त समयमा पोर्चुगलले फ्रान्सलाई १–० ले हराउँदै उपाधि उचाल्न सफल भएको हो ।5782c7abb509d1.37753039

घाइते भएपछि कप्तन तथा प्रमुख स्ट्राइकर क्रिस्टियानो रोनाल्डोलाई २४ औं मिनेटमा गुमाएको पोर्चुगलले त्यसपछि पनि निरन्तर संघर्ष गर्दै उपाधि उचाल्न सफल भएको हो ।

पोर्चुगलका लागि खेलको १०९ औं मिनेटमा इडरले गोल गरेका थिए । उनले डी बक्स नजिकैबाट गरेको सटिक प्रहार पोस्ट्को दाहिने कुना च्याप्दै गोलमा परिणत भएको थियो ।

समूह चरणका तीन खेलमा जितबिहीन बन्दै अघि बढको पोर्चुगलले सेमिफाइनलमा विश्वविजेता जर्मनीलाई पाखा लगाएको फ्रान्सलाई उसकै भूमिमा हराउँदै इतिहास बनाएको हो ।

सन् २००४ मा घरेलु भूमिमै ग्रिससँग पराजित हुँदै उपाधि गुमाएको पोर्चुगलले फ्रान्सलाई उसकै घरेलु भूमिमा हराउन १०९ मिनेटसम्म कुर्नुपर्यो ।

रोनाल्डो बाहिरिएपछि दबाबमा पर्ने अनुमानविपरित पोर्चुगलले घरमा बिजेता बन्न आतुर फ्रान्सविरुद्ध बहादुरी देखाउँदै उपाधि उचाल्न सफल भयाो ।

वेल्सलाई हराउँदै पोर्चुगल युरोकपको फाइनलमा

577d9c53b20a97.65138563

कामाठाडौंः युरोकपमा वेल्सको लोभलाग्दो प्रदर्शनलाई पूर्णविराम लगाउँदै पोर्चुगल युरोकप फुटबल प्रतियोगितको फाइनलमा पुग्न सफल भएको छ ।

पेरिसमा बिहीबार बिहान भएको पहिलो सेमिफाइनल खेलमा नानी र क्रिस्टियानो रोनाल्डोको कीर्तिमानी गोलसँगै पोर्चुगल पहिलो पटक युरोकपको उपाधि नजिक पुगेको हो ।

रियल मड्रिडका साथी खेलाडी क्रिस्टियानो रोनाल्डो र ग्यारेथ बेलको भिडन्तका रुपमा लिइएको पहिलो सेमिफाइनलमा रोनाल्डोले बाजरी मारे ।

पहिलो हाफ गोलरहित बराबरीमा सकिएको अवस्थामा पोर्चुगलले दोस्रो हाफको तीन मिनेटमा दुई गोल गर्न सफल भयो ।

उसका लागि पहिलो गोल खेलको ५० औं मिनेटमा राफाएलको पासमा कप्तान क्रिस्टियानो रोनाल्डोले गरे । उनले वेल्सको डी बक्सभित्रबाट हेडबाट गरेको शक्तिशाली प्रहारले जाली चुमेपछि पोर्चुगलले १–० को अग्रता लियो ।

रोनाल्डो पोर्चुगललाई जितको दिशातर्फ लगेको तीन मिनेट नबित्दै क्रिस्टियानो रोनाल्डोल नै मिलाइदिएको पासमा अर्का स्ट्राईकर नानीले गोल गर्दै २–० को अग्रता दिलाए ।

दोस्रो हाफको तीन मिनेटबीचमा गरेको दुई गोलले नै पोर्चुगललाई फाइनलमा पुर्याउन सफल भयो । समूह चरणमा एउटै जित ननिकाली कठिनसाथ अघि

बढेको पोर्चुगल प्रिक्वार्टरमा क्रोएसियालाई हराउँदै अघि बढेको थयो भने क्वार्टर भिडन्तमा पोल्यान्डलाई पेनाल्टी सुटआउटमा पराजित गर्दै सेमिफाइनलमा पुगेको थियो ।

अर्कातिर समूह चरणमा स्लोभाकिया र रसियालाई हराएको वेल्स इङ्ल्यान्डसँग मात्रै पराजित भएको थियो । वेल्सले प्रिक्वार्टरमा नेदरल्यान्डलाई र क्वार्टरमा बेल्जियमलाई पराजित सेमिफाइनलसम्म आएको थियो

इटालीलाई हराउँदै जर्मनी युरोकपको सेमिफाइनलमा

5778662fef8355.09601953

एजेन्सीः जर्मनी युरोकप फुटबलको सेमिफाइनलमा प्रवेश गरेको छ । इटालीलाई सडन डेथमा पराजित गर्दै जर्मनी युरोकप फुटबल प्रतियोगिताको सेमिफाइनलमा प्रवेश गरेको हो ।

फ्रान्सको बोर्डोमा शनिबार राति भएको तेस्रो क्वाटरफाईनल खेलको निर्धारित समयमा दुवै टोलीले एक एक गोल गर्दै बराबरी खेलेका थिए । जर्मनीका मेसुत ओजिलले पहिलो गोल गरेका थिए भने ईटालीका लियानार्दो बोनुर्चीले पेनाल्टी मार्फत खेललाई बराबरी बनाएका थिए ।

 

त्यसपछि थपिएको ३० मिनेटको समयमा दुवै टोलीले कुनै गोल गर्न सकेनन् । त्यसपछि खेल पेनाल्टी सुटआउटमा पुगेको थियो ।
पहिलो पाँच प्रहारमा दुई दुई गोल गरेका दुवै टिमले दोस्रो पटकको पेनाल्टी सुटआउटको चौथो बलमा ईटालीका माटियो डार्मीयानले बललाई जाली चुमाउन नसकेपछि जर्मनीले जीत हात पारेको हो ।

अब सेमिफाइनलमा जर्मनीले फ्रान्स र आइसल्याण्डबीच भएको अन्तिम क्वाटरफाइनल खेलको बिजेतासँग प्रतिस्पर्धा गर्र्नेछ ।

अभागी स्वीस पेनाल्टीमा चुक्यो, पोल्याण्ड क्वार्टरफाइनलमा

poland-1

स्विट्जरल्याण्डलाई टाइब्रेकरमा हराउँदै पोल्याण्ड युरो कप २०१६ को क्वार्टरफाइनलमा पुगेको छ ।

निर्धारित र अतिरिक्त समयको खेल १-१ गोलको बराबरीमा सकिएपछि खेलको निर्णय टाइब्रेकरबाट लिइएको थियो ।

पेनाल्टी सुटआउटमा स्विट्जरल्याण्डका जाकाको प्रहार फ्रेममै परेन । स्वीस टिमलाई नकआउट चरणसम्म पुर्‍याउने क्रममा उत्कृष्ट प्रदर्शन गरेका जाका पि्र क्वार्टरफाइनलमा भने खलनायक झै देखिए ।

स्वीस टिमका अरु चार खेलाडीले गोल गरेका थिए । तर, पोल्याण्डका पाँचै खेलाडीले गोल गर्दै ५-४ को जित दिलाए ।

यसअघि खेलमा पोल्याण्डले ३९ औं मिनेटमा अग्रता लिएको थियो । सुरुवातमै गोल गर्ने राम्रो मौका गुमाएको उसका लागि जाकुब ब्लासचिकोस्कीले गोल गरे ।

दोस्रो हाफदेखि विपक्षीमाथि लगातार आक्रमणको योजना बुनेको स्वीस टिमले खेल सकिन ८ मिनेटमात्र बाँकी छँदा बराबरी गोल फर्कायो । उसका लागि साकिरीले बाइसाइकल किकमार्फत निकै उत्कृष्ट गोल गरे ।

९० मिनेटको खेल १-१ को बराबरीमा सकिएपछि थपिएको ३० मिनेटमा पनि दुबै टोलीबाट गोल हुन सकेन ।

खेलमा स्वीस टिम पटक पटक अभागी सावित भएको थियो । स्वीस प्लेयर वान भर्सेस वानमा समेत चुके भने केही प्रहार बारमा लागेर फर्किएको थियो ।

‘रोनाल्डोले पोर्चुगललाई युरोको फाइनलमा पुर्‍याउन सक्छन्’

काठमाडौं । क्रिष्टियानो रोनाल्डोले आफ्ना आलोचकलाई फेरि एक पटक गतिलो जवाफ दिएका छन् कि युरो २०१६ को फाइनलसम्म उनले पोर्चुगलको नेतृत्व गर्न सक्छन् । यो भनाइ उनकै टोलीका अर्का स्टार नानीको हो ।Nani

पोर्चुगलका कप्तान रोनाल्डोले दुई गोल र १ गोलका लागि सहयोग गरेपछि बुधबार राति हंगेरीसँग बराबरी खेल्दै पोर्चुगल नकआउट चरणमा प्रवेश गरेको थियो । यति गरेपछि ३१ बर्षीय रियल मड्रिड सुपरस्टार रोनाल्डो युरोकपको पछिल्लो चार संस्करणमा गोल गर्ने एकमात्र फुटबलर पनि बने । साथै पोर्चुगिज टोलीबाट १२९ खेलमा ६० गोल पुर्‍याए । रोनाल्डोले पोर्चुगलका लागि पछिल्लो २९ खेलमा २३ गोल गरेका छन् ।

सुरुवाती दुई खेलमा खराव प्रदर्शनपछि रोनाल्डो आलोचित बनेका थिए । अझ केहि अश्वाभाविक प्रदर्शनपछि त झन उनी विवादितपनि बनेका थिए ।

तर, हंगेरीमा देखाएको ‘वान म्यान’ प्रदर्शनले उनी लयमा फर्केको संकेत देखिएको छ । उनका पूर्व म्यानचेस्टर युनाईटेड टिममेट नानीका अनुसार पोर्चुगललाई युरोको फाइनलसम्म पुर्‍याउन उनले आफ्नो लय कायमै राख्नु जरुरी छ ।

नानीले भोलि हुने क्रोएशिया बिरुद्धको खेलपछि पोर्चुगलका लागि १०० क्याप जित्दैछन् । नानीले भने, हामी सबैले क्रिष्टियानोलाई चिनेका छौं, उसले खेलको हरेक मिनेटमा जे पनि गर्न सक्ने सामर्थ्य राख्छ । म शतप्रतिशत विश्वस्त छु कि उसले धेरै भन्दा धेरै गोल गर्नेछ । र उसले सक्छ पनि ।’

नानीले थपे, ‘उसको बारेमा अरुले जेसुकै भनुन्, उ शानदार खेलाडी हो । हरेक समय उसले कठिन क्षण गुजारेको छ । मानिसहरुको आलोचनालाई उसले हंगेरीबिरुद्धको खेलमार्फत गतिलो जवाफ दिएको छ ।’

फर्नाण्डो सान्तोषको टोली पोर्चुगलले समूह चरणमा आइसल्याण्ड र अष्ट्रियसँग पछि पर्दै समूहको तेस्रो स्थानमा रहेर नकआउट चरणमा प्रवेश गरेको थियो । तर, नानी रोनाल्डोको प्रभाव मात्र गोलसँग तुलना गर्न नहुने मान्यता राख्छन् ।

नानी भन्छन्, ‘मेरो विचारमा उ जहिलेपनि सकारात्मक सोच लिएर खेल्छ र टोलीलाई जिताउन सँधै प्रयासरत हुन्छ ।’ फेनरबाचे फर्वाड नानीले थपे, ‘मलाई कहिल्यै लाग्दैन कि उसले गोल गर्न नसक्नुको अर्थ उसले राम्रो नखेल्नु हो । पूरै टिमकै हकमा यस्तै हो । हामीले समूहका सुरुवाती दुई खेलमा पनि उत्कृष्ट खेलेका थियौं ।

नानीले अगाडि भनेका छन्, ‘जरुर, म पनि समूह चरणमा हाम्रो प्रदर्शन लाई लिएर निराश थिए कि हामीले ३ अंकमात्र जोड् सक्यौं । तर, अहिले यो मानेमा खुसी छौं कि हामी दोस्रो चरणमा पुगेका छौं र हामीले अगाडिका खेलहरुका बारेमा सोच्नुपर्छ ।’

समूहको दोस्रो भएको भए पोर्चुगलले अन्तिम १६ मा इंग्ल्याण्डको साामना गर्ने सम्भावना बलियो थियो । तर आइसल्याण्डले अष्ट्रियाबिरुद्ध अप्रत्यासित जित निकालेपछि पोेर्चुगल र इंग्ल्याण्डको भेट टरेको हो । समूहमा तीन अंक ल्याएर तेस्रो हुँदै उत्कृष्ट चार टोलीभित्र रहेर नकआउट चरणमा छनौट भएको पोर्चुगलले शनिबार लेन्समा क्रोएशियासँग प्रतिस्पर्धा गर्नेछ ।

नानीले भने, ‘म तपाईंहरुसँग साँचो कुरा गर्छु कि यहाँ आउनुअघि हाम्रो लक्ष्य निक्कै ठूलो थियो । हामीले भनिसकेका छौं हामी प्रतियोगिता जित्न चाहन्छौं । जो सँग हामी प्रतिस्पर्धा गर्छौं हामी उनीहरुलाई जित्न सक्छौं भन्ने मान्यता हाम्रो हो । प्रतिस्पर्धी जोसुकै होउन त्यो ठूलो कुरा होइन ।’ नानीले थपे, ‘त्यसैले क्रोएशिया विरुद्धको खेलपनि हाम्रा लागि चुनौति हो । उनीहरुले हामीभन्दा एकदिन धेरै आराम गर्न पाएका छन् तर, हामी व्यवसायिक छौं ।’

रोनाल्डोको छायाँमा परेेर पनि नानीले यस युरोमा दुई गोल गरिसकेका छन् । ‘म जव राष्ट्रिय टोलीबाट मैदानमा उत्रन्छु हरेकपटक आफ्नो शतप्रतिशत योगदान दिन्छु, म सँधै अरुलाई सहयोग गर्न रुचाउँछु ।’ नानीले भने, ‘कहिले अरुले भन्दा म राम्रो खेल्छु कहिले मैलेभन्दा अरुले राम्रो खेल्छन् । तर अहिले म राम्रो लयमा छु, यसकारण म खुसी छु । मलाई आशा छ कि पोर्चुगिज टोलीलाई मेरो प्रदर्शनले अगाडि पुर्‍याओस् ।’

source : onlinekhabar

अर्जेन्टिना र चिलीबीच कोपा अमेरिकाको उपाधि भिडन्त

काठमाडौंः कोपा अमेरिका फुटबल प्रतियोगिताको उपाधिकालागि फेरि पनि डिफेन्डिङ च्याम्पियन चिली र अर्जेन्टिना भिड्ने भएका छन् ।

बिहीबार बिहान अमेरिकाको सिकागोमा भएको दोस्रो सेमिफाइनल खेलमा कोलम्बियालाई २–० ले हराउँदै डिफेन्डिङ च्याम्पियन चिलीले अर्जेन्टिनासँगको भिडन्त पक्का गरेको हो ।576b548243b772.57243041

स्टेडियम रहेको क्षेत्रमा चलेको ठूलो आँधीहुरीका कारण दोस्रो हाफको खेल तीन घन्टासम्म रोकिएको थियो । दोस्रो हाफमा पनि चिलीले पहिलो हाफकै नतिजालाई कायम राख्न सक्दा अर्जेन्टिनासँगको उपाधि भिडन्त पक्का गर्यो ।

बुधबार बिहान भएको खेलमा अर्जेन्टिनाले अमेरिकामाथि ४–० को नतिजा निकाल्दै फाइनल यात्रा पक्का गरिसकेको छ ।

चिलीलाई फाइनल पुर्याउन खेलको सातौं मिनेटमा एरानग्वुइजले सातौं मिनेटमा पहिलो गोल गरे ।

त्यसको चार मिनेट नबित्दै चिलीले जाजे फ्युन्जालिडाको गोलमा अग्रता दोब्बर बनायो । पहिलो हाफमा गरेको दुई गोल नै चिलीलाई जितका लागि पर्याप्त भयो ।

दोस्रो हाफको ५७ औं मिनेटमा कार्लोस सान्चेजले दोहोरो पहेँलो कार्ड खाँदै मैदान छाडेपछि १० खेलाडीमा सीमित कोलम्बिया झन दबाबमा परेको थियो । तनावपूर्ण खेलमा रेफ्री दुबै देशका नौ खेलाडीलाई पहेँलो कार्ड देखाएका थिए ।

घरेलु भूमिमै भएको अघिल्लो संस्करणको उपाधि चिलीले अर्जेन्टिनालाई हराउँदै उचालेको थियो । त्यसयता भएका भिडन्तमा भने अर्जेन्टिना विजयी हुँदै आएको छ ।

कोपा अमेरिकाको समूह चरणकै खेलमा पनि अर्जेन्टिनाले चिलीलाई २–१ ले पराजित गर्न सफल भएको थियो ।

यी दुई देशबीच कोपा अमेरिकाको सयौं संस्करणको उपाधिका लागि आइतबार अमेरिकाको न्यू जर्सीस्थित मेटलाइफ स्टेडियममा प्रतिस्पर्धा हुनेछ ।

अर्जेन्टिना सन् १९९३ देखिको ठूलो उपाधिको खडेरी टार्न तथा गत सिजनको बदला लिने गरी मैदानमा उत्रिने छ भने चिलीले उपाधिका रक्षाका लागि खेल्नेछ ।

नयाँ एकदिवसीय लिगको प्रस्ताव, नेपालले टप १० टेष्ट टिमसँग खेल्न सक्ने !

५ असार, काठमाडौं । अन्तराष्ट्रिय क्रिकेट काउन्सिल (आईसीसी)ले नयाँ एकदिवसीय लिगको प्रस्ताव तयार पारेको छ ।

जसमा टेष्ट मान्यता प्राप्त शीर्ष दशसहित १३ देशको सहभागिता रहनेछ र, १३ औं टिमको रुपमा नेपाल प्रमुख दाबेदार छ ।
यो प्रस्ताव आईसीसीको अब हुने बाषिर्क साधारणसभामा पेश हुनेछ र त्यहाँबाट पास भए २०१९ बाट लागू हुनेछ ।

टेलिग्राफका अनुसार प्रस्तावित लिगमा १० शीर्ष टेष्ट टिम रहनेछ । यस्तै अफगानिस्तान र आयरल्याण्डे पनि खेल्ने पक्का जस्तै छ । १३ औं टिम एशोसिएट नेशनबाट हुनेछ ।

यो लिग तीन वर्षको हुनेछ र यो अवधिमा सबै देशले एक अर्कासँग होम एण्ड अवेका आधारमा खेल्नेछन् । प्रस्तावित योजना अनुसार हरेक टिमले तीन म्याचको सिरिज खेल्नेछन् । यस आधारमा हरेक टिमले तीन वर्षमा ३६ एकदिवसीय खेल खेल्नेछन् ।

लिगको शीर्ष दुई टिमले प्ले अफ सिरिज खेल्नेछ र, त्यसको विजेता एकदिवसीय लिगको विजेता हुनेछ । यसलाई हरेक चार वर्षमा हुने विश्वकपको तयारीका रुपमा समेत हेरिएको समाचारमा जनाइएको छ  । यदि यो प्रस्ताव पारित भएमा स्वत छनोट हुने र विश्वकपमा सहभागी हुने प्रणाली बस्नेछ ।

लिगमा पुछारमा रहने टिम विश्व क्रिकेट लिग च्याम्पियनसिपमा घटुवा हुनेछ । यदि यो प्रस्ताव पास भएमा अफगानिस्तान र आयरल्याण्डको क्रिकेट विकासमा ठूलो फ्ड्को हुनेछ ।

१३ औं टिमका रुपमा नेपालको सहभागितामा भने केही प्रश्न रहेको क्रिकइन्फोले जनाएको छ । आईसीसीलाई नेपालमा बढ्दो क्रिकेटको लोकपि्रयता राम्ररी थाहा छ । र, त्यही आधारमा नै नेपाललाई विश्व क्रिकेट लिग च्याम्पियनसिप खेल्ने मौका दिइएको छ ।

अब एकदिवसीय लिगमा आफ्नो स्थान सुरक्षित गर्न विश्व क्रिकेट लिग च्याम्पियनसिपमा प्रदर्शन सुधार्न जरुरी छ । च्याम्पियनसिपको शीर्ष स्थानमा नेदरल्याण्ड्स छ । नेपाल भने छैटौं स्थानमा छ । यदि नेपाल यो लिगमा रेलिगेशनमा परेमा यो एकदिवसीय लिग खेल्ने सम्भावना कम हुनेछ ।

टेलिग्राफले भने एकदिवसीय लिगमा १३ औं स्थानको दाबेदार स्कटल्याण्ड पनि भएको बताएको छ ।

अल्बानियालाई हराउँदै फ्रान्स नकआउट चरणमा

२ असार, काठमाडौं । खेलको अन्त्यतिर एन्टोनी ग्रिजम्यान र दिमित्री पयेटले गरेको गोलको मदतमा अल्बानियालाई हराउँदै फ्रान्स युरो कप फुटबलको नकआउट चरणमा प्रवेश गरेको छ ।Griezmann

बिहीबार विहान भएको खेलमा आयोजक फ्रान्सले अल्बानियालाई २-० गोल अन्तरले हराएको हो । लगातार दोस्रो जितसँगै फ्रान्स अन्तिम १६ मा स्थान बनाउने पहिलो टोली बनेको छ ।

फान्सेली प्रशिक्षकले आफ्ना दुई स्टार ग्रिजम्यान र पल पोग्बोलाई बेच्नमा राखेका थिए । पहिलो खेलमा उत्कृष्ट गोल गरेका पयेटलाई आक्रमणको जिम्मा दिए ।

तर, अल्बानियाको डिफेन्सका अगाडि फ्रान्सलाई निकै अाक्रामक खेल प्रस्तुत गर्‍यो । पोग्बा पहिलो हाफको अन्तिममा मैदान प्रवेश गरे भने ग्रिजम्यान ६८ औं मिनेट ।तर, गोलका लागि भने घरेलु टोलीले अन्तिम मिनेटसम्म कुर्नु परेको थियो ।

निर्धारित ९० मिनेटको खेल सकिन एक मिनेट मात्र बाँकी छँदा फ्रान्सका ग्रिजम्यानले गोल गरे । थपिएको अतिरिक्त सात मिनेटको अन्त्यतिर पयेटले गोल गरे र फ्रान्स २-० ले विजयी भएको छ ।

यसअघि दोस्रो हाफको सुरुमा नै अल्बानियाको प्रहार पोष्टमा लागेको थियो भने ग्रिजम्यानले विस्थापित गर्नु अघि ओलिभर जिरउडको प्रहार पनि बारमा लागेको थियो ।

समूह बिजेता बन्दै अर्जेन्टिना क्वार्टरफाइनलमा

काठमाडौं: कोपा अमेरिका अन्तरगत आज बिहान भएको खेलमा अर्जेन्टिनाले बोलिभियालाई ३-० ले पराजित गरेको छ।
बोलिभियामाथि सहज जित निकालेको अर्जेन्टिना समूह ‘डी’ का तीनै खेल जितेर समूह बिजेता बन्दै नौ अंकका साथ अमेरिकामा जारी कोपा अमेरिकाको क्वार्टरफाइनलमा पुग्न सफल भएको हो।argentina_reach_copa_quarter_final_281445956
अर्जेन्टिनाको सहज जितका क्रममा खेलको १३ औं मिनेटमा पाएको फ्री किकलाई एरिक लमेलाले जाली चुमाएका थिए । उनले डी बक्सभन्दा बाहिर करिब २५ यार्ड टाढाबाट हानेको बल बोलिभियाको पर्खाल चिर्दै जाली चुम्न पुगेको थियो।
कप्तान लियोनेल मेसीलाई पहिलो हाफ बेन्चमा राखेको अर्जेन्टिनाले पहिलो गोल गरेको दुई मिनेटमै अर्को गोल थप्यो।उसका लागि पिएसजीका स्ट्राइकर लाभेजीले १५ औं मिनेटमा गोल गर्दै अग्रता दोब्बर बनाए।
त्यसपछि खेलको ३२ औं मिनेटमा लाभेजीले पोस्टतर्फ हानेको बललाई भिक्टोर क्युएस्टाले जालीतर्फ छिराउन सफल भए। दोस्रो हाफको शुरुवातमै गोन्जालो हिग्वाइनको स्थानमा छिरेका कप्तान लियोनेल मेसीले भने स्कोर गर्न सकेनन्।
समूह चरणको पहिलो खेलमा डिफेन्डिङ च्याम्पियन चिलीलाई २-१ ले हराएको अर्जेन्टिनाले दोस्रो खेलमा पनामालाई ५-० गोल अन्तरले पराजित गर्न सफल भएको थियो।
आजै भएको यही समूहको खेलमा चिलीले पनामालाई ४-२ ले पराजित गर्दै समूहमा दोस्रो स्थान पक्का गरी कोपा अमेरिकाको क्वार्टफाइनलमा पुग्न सफल भएको थियो।

 

Watch WWE ExtremeRules 2016 5/22/16 Online

part – 2

PART – 3