Home / बिचित्र संसार

बिचित्र संसार

यी हुन् दुनियाँका सबैभन्दा खतरनाक तथा झूर सार्वजनिक यातायात भएका सहरहरु

तपार्इंलार्इ लाग्दो हो, विश्वमा सबैभन्दा झूर तथा खतरनाक सार्वजनिक यातायात भएको देश हाम्रो नेपाल नै हो । वर्सेनि दर्जनौँ मानिसको ज्यान जाने तथा अव्यवस्थित र लुट मच्चाउने सार्वजनिक सवारी साधनको व्यवस्था देख्दा काठमाडाैं नै विश्वमा सबैभन्दा खराब सार्वजनिक यातायात भएको सहर हो भन्ने हाम्रो ठम्याई हुन्छ ।

तर नआत्तिनुस् । विश्वमा हाम्रो देशमा भन्दा निकै खतरनाक तथा पत्रु सार्वजनिक यातायात भएका देशहरु रहेछन् । द रिचेस्टले विश्वमा सबैभन्दा खराब सार्वजनिक यातायात प्रणाली भएका दश सहरहरुको सूची सार्वजनिक गरेको छ ।

 

यी हुन् विश्वका सबैभन्दा खराब तथा खतरनाक सार्वजनिक यातायात भएका देश तथा सहरहरुः

· मुम्बईः भारतको मुम्बई विश्वमा सबैभन्दा खराब सार्वजनिक यातायत भएको सहर बनेको छ । मुम्बईमा लोकल रेल नै सबैभन्दा चल्तीको सार्वजनिक यातायात हो । तर प्रायः लोकल रेलमा यति भिडभाड हुन्छ कि यात्रुले खुट्टा राख्ने ठाउँ पनि पाउँदैनन् । हरेक दिन ७५ लाख मानिसले मुम्बइमा लोकल रेलमा यात्रा गर्दछन् । भिडभाडका कारण मुम्बइमा रेलमा हुने दुर्घटनामा बर्सेनि ३५ सय मानिसको ज्यान जाने गरेको छ ।

· बंगलादेशः बंगलादेशको कुनै सहरमात्र होइन पूरै देश नै खराब सार्वजनिक यातायात भएको देशमा परेको छ । त्यहाँ धेरै मानिसहरु पानीजहाज तथा डुंगाबाट यात्रा गर्दछन् । तर कहिलेकाहीँ जहाज तथा डुंगाहरु यति भिडभाडपूर्ण हुन्छन् की समुद्रमा दुर्घटना भएर धेरैको ज्यान जाने गर्दछ ।

· नैरोबीः केन्याको राजधानी नैरोबीमा चल्ने मिनिबसलाई मातातु भनिन्छ । मातातुका चालकहरु विश्वमा सबैभन्दा खराब चालकहरुको नामले चिनिन्छन् ।

· दिल्लीः भारतको राजधानी दिल्ली विश्वमा सबैभन्दा खराब सार्वजनिक यातायात भएको चौथो सहर हो । दिल्लीमा व्यवस्थित मेट्रो नभएको होइन । तर सडकमा गुड्ने अटो तथा बस लगायतका सवारी साधनले अस्तव्यस्त बनाउने गर्दछ ।


· लिमाः पेरुको राजधानी लिमाको सार्वजनिक यातायत दुनियाँको पाचौँ खराब सार्वजनिक यातायतमा पर्दछ ।

· पाकिस्तानः पाकिस्तानको राजधानी इस्लामावाद तथा अन्य क्षेत्रमा समेत सार्वजनिक यातायातको अवस्था नाजुक छ । रेलहरु निकै जिर्ण र अव्यवस्थित छन् ।

· साओ पाओलोः ब्राजिलको साओ पाओलोमा कहिलेकाहीँ ट्राफिक यति अस्तव्यस्त हुन्छ की त्यसलाई छल्नको लागि धनाढ्यहरु देशभित्रै यात्रा गर्दा समेत निजी जहाज चढ्छन् ।

· मनिलाः फिलिपिन्सको मनिलामा चल्ने जिपनिस गाडीका कारण सडकमा अस्तव्यस्त जाम हुन्छ । यी गाडीमा यात्रा गर्दा सस्तो पर्ने भएकाले यात्रुहरुको रोजाइमा पर्ने र सोही कारणले यी गाडीहरुको संख्या बढिरहेको छ ।

· जोहानसबर्गः दक्षिण अफ्रिकाको जोहानसबर्गमा ६५ प्रतिशत मानिसहरु मिनी ट्याक्सीमा यात्रा गर्दछन् । जसका कारण सार्वज्निक यातायात अव्यवस्थित बन्नुका साथै दुर्घटना पनि बढेका छन् ।


· बोलिभियाः बोलिभियाका केही सडकहरु यति खतरनाक छन् की त्यहाँ गाडी चलाउनु मृत्युको मुखमा पार्नु सरह हुन्छ ।

एजेन्सीको सहयोगमा

एउटा बाइकमा ५८ जना चढेर विश्व कीर्तिमान

भारतीय सेनाले एउटा नयाँ कीर्तिमानी कार्य गरेर विश्व कीर्तिमान कायम गरेको छ । इण्डियन आर्मीका ५८ जवानहरु एउटै मोटरसाइकलमा एकैपटकमा चढेर कीर्तिमान राखेका हुन् । बैैैैगलोरको यलाहांकामा रहेको भारतीय वायुसेनाको क्याम्पमा यस्तो कीर्तिमानी कार्य भएको हो ।

५ सय सीसीको रोयल इनफिल्ड मोटरसाइकलमा ५८ जना सैनिकहरु एकैपटकमा चढेर १२ सय मिटर टाढासम्म मोटरसाइकल गुडाएका थिए ।

 

मोटरसाइकलमा यतिधेरै यात्रुलाई अटाउनका लागि दायाँ–बायाँ दुवैतर्फ टेक्ने ठाउँ जोडिएको थियो । तौल बढी नहोस् भनेर सैनिकले १ सय मिलिमिटर पानी तथा बिस्कुट मात्र खाएका थिए ।

स्मरण रहोस्, भारतीय वायु सेनाको आर्मी सर्भिस कप्र्सले विभिन्न २० विधामा विश्व तथा राष्ट्रिय कीर्तिमान राखिसकेको छ ।

एजेन्सी

चोरले यस्तो चिज चोरेपछि भयो लाजमर्नु…

चोरले हाम्रा केही चिज चोर्यो भने पिर पर्छ, सातो पुत्लो उड्छ । तर आयरल्याण्डकी लीसा कोएनलाई भने आफ्नो चिज चोरी हुँदा समेत त्यस्तो कुनै दुख लागेन । उल्टै मज्जा आयो ।

 

राजधानी डब्लिनमा ट्रामबाट यात्रा गरिरहेको बेला चोरले उनको यस्तो चिज चोर्यो की उनलाई रिस उठेन, उल्टै हाँसो उठ्यो ।

वास्तवमा चोरले उनको गोजीबाट रजस्वला हुँदा लगाउने प्याड चोरेको रहेछ । जब चोरले उनको गोजीबाट झिकेको चिज रजस्वला हुँदा लगाउने वस्तु हो भन्ने थाहा पायो, ऊ मनमनै निकै लज्जित भएछ । त्यसपछि उसले त्यो वस्तु पुनः लिसाकै गोजीमा राखिदिने कोसिस गर्यो । तर त्यसबेला सम्म लिसाले आफ्नो प्याड चोरले चोरिसकेको र चोरले पुनः आफ्नो गोजीमा राखिदिने प्रयास गरिरहेको पत्तो पाइसकेकी थिइन् ।

ट्राममा उक्त चोरलाई उनले के भनिन् भन्ने त खुलाएकी छैनन् । तर उनले पछि यसबारेमा खुलासा गर्दै टि्वट गरेकी छिन् । टि्वटमा उनले लेखेकी छिन्ः त्यस चोरका लागि मैले प्रार्थना गर्दछु जसले पकेटमारी गरेर मेरो ट्याम्पोन निकाल्यो अनि लज्जित महसुस गर्दै पुनः मेरो गोजीमै राखिदिने कोसिस गर्न थाल्यो ।

उनले अगष्ट ६ मा गरेको उक्त टि्वट निकै चर्चित बनेको छ । ८ हजार भन्दा धेरैले रिट्वीट गरेका छन् भने झण्डै ३५ हजारले लाइक गरेका छन् ।

लिसाले यस्तो ट्वीट गरेपछि अन्य टि्वटेहरुले पनि चोरीमा परेको आफ्नो अनौठो अनुभव शेयर गर्न थाले । त्यसमध्ये एक महिलाले लेखेकी छिन्ः जब मैले मेरो बच्चालाई ट्याक्सीबाट झार्दै थिएँ तब मेरो ब्याग चोरी भयो । हामी घर फर्किरहेका थियौँ र उक्त ब्यागमा प्रयोग भैसकेका न्यापकिन मात्र थिए ।

एक अर्की महिलाले लेखेकी छिन्ः मेरो एकजना विद्यार्थीले मेरो झोलाबाट रिवार्ड स्टिकर चोरी गर्ने कोसिस गरेको थियो तर उसले रजश्वला हुँदा प्रयोग गर्ने सामान हात पार्‍यो ।

अर्का एकजना व्यक्तिको अनुभव अझै गज्जबको रहेछ । उनी भन्छन्ः मेरो भाइको साथीले झोलामा दिसाको नमूना लिएर ल्याब जाँदै रहेछ । बाटोमा एकजना चोरले उसको हातबाट झोला खोसेर बाइकमा चढेर फरार भएछ ।

एजेन्सी

कण्डममा अचारको बासना, सोसल मिडियामा हंगामा

छिमेकी देश भारतमा एक फमास्यूटिकल्स कम्पनीले अचार स्वादको कण्डम बजारमा ल्याएकाे छ ।

म्यानफोर्स नामक कम्पनीले कम्पनीको फेसबुक पेज मेनफोर्स कण्डममा हालै यो आचार स्वादको कण्डमको विज्ञापन पोष्ट गरेको छ । कम्पनीले आफ्नो वेबसाइट तथा ट्विटर ह्याण्डलमा भने यस नयाँ कण्डमको बारेमा कुनैपनि जानकारी दिएको छैन ।

 

अचार स्वादको कण्डम भन्दै फेसबुक पेजमा विज्ञापन प्रकाशन भएसँगै यस कण्डमको अचारी स्वादलाई लिएर फेसबुक प्रयोगकर्ताहरुमा तरंग उत्पन्न भएको छ ।

फेसबुक प्रयोगकर्ताले यो कण्डमका बारेमा अनेकथरी प्रतिक्रिया जनाएका छन् ।

त्यसमध्ये एकजनाले लेखेका छन् – अब अचार कण्डमपछि चियावाला कण्डम पनि आउनुपर्छ । तब नास्ता र सेक्स दुबै एकैचोटी गर्न पाइन्छ ।

अर्का एकजनाले लेखेका छन् – यदि पसलमा कसैले अचारी मस्ती फ्लेबर माग्यो भने के दिने भनेर पसलेहरु द्विविधामा परेका छन् ।

या त ब्रम्हचारी होउ, या त अचारीमा जाउ:अर्का एकजनाको सल्लाह छ ।

एजेन्सी

ट्वाइलेटबाट निस्किएको सर्पले महिलालार्इ डसेपछि…

सायद अब उनले आफ्नै घरको ट्वाइलेटमा दिसा बस्दा पनि दुईपटक सोँच्नेछिन् । आखिर पर्नु पिर जो परेको छ उनलाई ।

थाइल्याण्डमा एक ४२ वर्षीया महिलालाई आफ्नै घरभित्रको ट्वाइलेटमा दिसा गरिरहेको बेला ट्वाइलेटभित्रैबाट निस्केको सर्पले डसेको छ, त्यो पनि मलद्धार क्षेत्रमै ।

 

फनारन चैबुन नामकी ती महिलालाई आफ्नै घरको ट्वाइलेटको बाउलमा लुकेर बसेको अजिंगरले डसेको हो ।

सर्पले डसेपछि उनी तत्कालै फायाथी अस्प्तालमा भर्ना भइन् । उनलाई डस्ने सर्प अजिंगर भएको पत्ता लागेपछि डाक्टरहरु ढुक्क भए र उनलाई एन्टी भेनोम औषधि चलाएनन् । किनकी अजिंगर विषालु हुँदैन । तर अजिंगरको टोकेको ठाउँको घाउको भने उपचार गरियो ।

आफ्नो घरको भुइँतलामा एउटा प्वाल रहेको र त्यहीँबाटै अजिंगर छिरेको हुनसक्ने उनले बताएकी छिन् । यो घटनापछि उनकी १५ वर्षीया छोरी घरमा बस्नै डराएकी छिन् । एजेन्सी

बाँदरको सेल्फी पुग्यो माथिल्लो अदालतमा

एक इण्डोनेसियाली बाँदरको सेल्फीसम्बन्धी विवाद अमेरिकाको माथिल्लो अदालतमा पुगेको छ ।

अमेरिकाको सनफ्रान्सिस्कोस्थित नाइन्थ सर्किटको पुनरावेदन अदालतले यस विषयमा सुनुवाई गर्दैछ ।

 

संघीय न्यायाधीशले गत वर्ष बाँदरलाई कुनै पनि तस्वीरको प्रतिलिपि अधिकार दिन नसकिने फैसला गरेसँगै मुद्दाको वादी पक्षको रुपमा रहेको जनावर अधिकारकर्मी संस्था पेटाले पुनरावेदन अदालतमा अपिल गरेको थियो ।

उक्त सेल्फीको प्रतिलिपि अधिकार सम्बन्धित बाँदरकै हुनुपर्ने दाबी पेटाको छ ।

स्मरण रहोस् इण्डोनेसियाको सुलावेसीस्थित जंगलमा सन् २०११ मा एक बाँदरले खिचेको सेल्फीको प्रतिलिपि अधिकारका विवाद निकै चर्चित बन्दै आएको छ ।

बेलायती फोटोग्राफर डेभिड स्लेटरले जंगल घुम्ने क्रममा भुइँमा राखेको क्यामरा बाँदरले भेट्टाएपछि त्यसलाई चलाउँदै गर्दा आफ्नै सेल्फी खिच्न पुगेको थियो । बाँदरले खिचेका अनेक फोटाहरुमध्ये उसको दाँत देखाएर मुस्कुराइरहेको सेल्फी निकै सुन्दर थियो र फोटोग्राफर डेभिडले आफूले खिचेका प्राकृतिक तस्वीरहरुको संग्रह वाइल्डलाइफ पर्सनालिटी नामक पुस्तकमा उक्त बाँदरको सेल्फीलाई समावेश गरेका थिए । अमेरिकाको एक नीजि प्रकाशक संस्थाले उक्त पुस्तक प्रकाशन गरेको थियो ।

उनले आफ्नो क्यामराले खिचेको उक्त तस्वीरमा आफ्नो प्रतिलिपि अधिकार समेत सुरक्षित गरिसकेका छन् । तर यस विषयमा विरोध जनाउँदै पेटाले उक्त फोटोको प्रतिलिपि अधिकार फोटो खिच्ने बाँदरकै हुनुपर्ने माग गरी सन् २०१५ मा मुद्दा हालेको थियो, अमेरिकामा ।

यदि अमेरिकी पुनरावेदन अदालतले बाँदरका पक्षमा फैसला गरेमा प्रतिलिपि अधिकार बाँदरको नाममा दिइएको यो पहिलो घटना हुनेछ ।

एजेन्सी

सेक्सपछि ‘भर्जिन’ बन्न यस्तो पनि गर्छन् युवतीहरु (एउटा खोजमुलक रिपोर्ट)

यास्मिन (नाम परिवर्तन) निकै भाबुक देखिन्छन् । उनी आफ्नो नङ दाँतले लगातार टोकिरहेकी छिन् अनि लगातार
मोबाइन चलाइरहेकी छिन् । ‘म यसलाई धोकाका रुपमा मान्छु र यसकारण निकै दुःखी छु ।’- उनले भनिन ।

हामी ट्युनिशियाको एक प्राइभेट क्लिनिकको चौथो तलामा छौं । जहाँ महिला रोग विज्ञहरु छन् । गुलाबी रङको वेटिङ रुममा महिलाहरु निकै धैर्यताका साथ प्रतिक्षा गरिरहेका छन् ।

ट्युनिशियामा जब युवतीको विवाह हुन्छ, तबसम्म उनीहरु भर्जिन भएको विश्वास गरिन्छ । यसैकारण यहाँ भर्जिनिटी फेरि हासिल गर्नका लागि ‘हाईमन’ लगाउने कारोबार निकै फस्टाएको छ ।

यास्मिनले नक्कली हाइमन लगाएको बताइन् । एक सानो मेडिकल प्रक्रियाबाटै महिलाको गोप्य अंगमा हाइमन जोड्ने गरिन्छ । हाइमन एक प्रकारको झिल्ली जस्तो हुन्छ, त्यसलाई चिकित्सकहरुले जोड्ने गर्छन् । हाइमनलाई पुनः जोड्नु भर्जिनिटीलाई फिर्ता ल्याएको रुपमा लिने गरिन्छ ।

यास्मिनको दुई महिनापछि बिहे हुँदैछ । त्यसैले २८ बर्षीया यास्मिनलाई आफू भर्जिन नभएको चिन्ता छ । कतै श्रीमानले उनी भर्जिन भएको शंका पो गर्ने हुन कि भनेर चिन्तित देखिन्छन्, यास्मिन ।

‘एक दिन गल्तीपूर्वक कुराकानीको क्रममा मैले यसको पर्दाफास नगरुँ,’ उनी भन्छिन्, ‘वा मेरा श्रीमानलाई यसबारे शंका नहोस् ।’

दबाब

ट्युनियसामा कतिपयको बिहे हुनासाथ डिभोर्स हुने गरेको घटना बाहिर आउन थालेको छ । त्यसको मुख्य कारण पुरुषले आफ्नी श्रीमती भर्जिन नभएको शंका गर्ने गरेको देखिएको छ ।

यास्मिन जन्म एक उदार परिवारमा जन्मेकी थिइन् । र, केहीबर्ष विदेशमा पनि बसेकी थिइन् । उनलाई डर छ कि उनका हुनेवाला जीवनसाथले उनका अतितका यौन सम्बन्धका बारेमा शंका लाग्यो भने विवाह टुट्नेछ ।

‘मेरो एक पुरुषसँग अफेयर थियो ।’, यास्मिनले भनिन्, ‘त्यतिबेला मैले कल्पना पनि गरेको थिइनँ कि भर्जिनिटीका विषयमा हाम्रो समाजमा कति दबाब हुने गर्छ र त्यसले कस्तो परिस्थिति ल्याउँछ ।’

‘यस्तो अवस्थामा म निकै डराएकी छु । यदि मैले आफ्नो अफेयर सम्बन्धबारे भविष्यका श्रीमानलाई भनेँ भने निश्चय नै मेरो विवाह टुट्नेछ ।’,- चिन्तित हुँदै उनले भनिन् ।

यास्मिनले हाइमन लगाउन करिब ४ सय अमेरिकी डलर (४० हजार रुपैँया) तिरिन् । यो लगाउन आधा घण्टाको समय लाग्छ ।

फेरि हाइमन लगाउन आधा घण्टाको समय लाग्छ । यही हाइमन लगाउन यास्मिनले केही महिनादेखि पैसा बचाएर राखेकी थिइन्, जुन उनको परिवारलाई समेत थाहा छैन् ।

यास्मिनलाई पुनः भर्जिन बनाउने प्रक्रिया एक गाइनाकोलोजिस्टले पूरा गर्नेछन्, जसको नाम हो डा. रशिद । डा. रशिदले एक हप्तामा दुईवटा यस्तो शल्यक्रिया गर्दछन् ।

डा. रशिदका अनुसार, पुनः हाइमन राख्न आउनेमध्ये ९९ प्रतिशत त्यस्ता महिला हुन्छन् जो आफ्नो परिवार र आफन्तको इज्जत जाने कुरामा डराएका हुन्छन । यास्मिनकै जस्तो बढी उमेर भएका युवतीहरुले आफूहरु भर्जिन भएको लुकाउन चाहन्छन् ।

यद्यपि, हाइमन बिभिन्न कारणले टुट्ने गर्छ, सेक्सका कारणले मात्रै हैन् । तर पनि महिलालाई गलत तरिकाले अपराधी ठहराइन्छ र उनीहरुमाथि विवाह पूर्व सेक्सको आरोप लगाइन्छ ।

‘गाइनाकोलोजिस्टले हाइमनलाई पुनः राखिदिने गर्दछन् । यो कुनै अपवाद होइन । यहाँ कुनै पनि डाक्टरले यसो गर्दैनन् । म निजी रुपमा यस्तो गर्छु किनभने म ती मानिससँग सहमत छैन जसले भर्जिनिटीलाई पवित्र मान्छन् । म भन्छु कि यो सबै पुरुष प्रभुत्व हो र म यसकाविरुद्ध युद्ध जारी राख्नेछु ।’- डा. रशिदले भने ।

भर्जिन नभए सम्बन्ध विच्छेद

ट्यूनिशिया उत्तरी अफ्रिकामा यस्तो देश हो, जहाँ महिलालाई अधिकार सम्पन्न गराएकोमा चर्चित छ । तर, धर्म र परम्पराका कारण यहाँ महिलालाई विवाह अघिसम्म भर्जिन रहन बाध्य बनाइन्छ । ट्युनिशियाको डिभोर्स नियममा यो प्रावधान पनि छ कि यदि श्रीमानलाई श्रीमती भर्जिन छैन भन्ने थाहा भए उनले डिभोर्स दिन सक्छन् ।

समाजशास्त्री सामिया एलुमी भन्छिन- ‘ट्युनिशियाको समाज एक खुल्ला समाज हो तर हामी पाखण्डी भइरहेका छौं । यहाँ सामाजिक रुढिवादी निकै प्रबल रुपमा छ र हामी यसलाई आधुनिक समाजमा सही मान्न सक्दैनौं । महिलाको कामुकता र उनीहरुको स्वतन्त्रताको मामलामा आधुनिकता अहिले पनि कोषौँ टाढा छ ।’

एउटा सरकारी विश्वविद्यालयमा मेरो भेट इशेनसँग भयो । २९ वर्षीय इशेन आउने बर्ष बिहे गर्दैछन् । मैले उनलाई सोधेँ – ‘के तिमी तिम्रो हुनेवाला श्रीमतीको भर्जिनटीको बारेमा वास्ता गर्छौ कि गदैनौँ ?’

तर, उनले जबाफ दिए- ‘यो मेरो लागि धेरै भन्दा धेरै महत्वपूर्ण छ ।’

‘यदि मलाई विवाहपछि मेरी श्रीमती भर्जिन छैन भन्ने थाहा भए म उनलाई पुनः विश्वास गर्दिन । म यसलाई धोकाको रुपमा हेर्नेछु । म नक्कली हाइमनमा विश्वास गर्दिनँ । मलाई लाग्छ कि यसले काम गर्दैन ।’- इशेनले भने ।

इशेन नजिकै बसेका उनका साथीले भने ट्युनिशियाली परम्पराका कारण महिलाले प्रताडना झेल्नुपरेको बताए । ‘यो पाखण्ड मात्र हो मेरो लागि,’ उनले भने, ‘यदि पुरुषले विवाहपूर्व यौनसम्बन्ध राख्न सक्छ भने महिला भने महिलालाई मात्रै किन कठघरामा खडा गरिनुपर्ने ?

सेहम हसैनी, बीबीसी

गुडिरहेको कारभित्र सेक्स गर्दा भयानक दुर्घटना, आइरिस युवकको मृत्यु

थाइल्याण्डमा एउटा त्राशदीपूर्ण कार दुर्घटनामा आइरिस नागरिकको मृत्यु भएको छ । दुर्घटना हुँदा उनी कारको पछाडि सिटमा सेक्स गरिरहेका थिए ।

मृत्यु हुने ३९ वषिर्य जोन मालोन एक भूतपूर्व अंग्रेजी शिक्षक हुन् । उनी एक युवतीसँग कालो सुजुकी कारमा यात्रारत रहँदा बुधबार दिउसो १ बजे दुर्घटनामा परकेा थिए । पछाडि सिटमा उनीहरुको राससिलाले गर्दा ड्राइभरले सन्तुलन गुमाउन पुगेको र कारले पोलमा ठोक्किएइकोसमाचारमा जनाइएको छ ।

 

दुर्घटनामा कार ड्राइभर र दुई थाई युवती सख्त घाइते भएका छन् । दुईमध्ये पछाडि सिटमा बसेकी युवती पुरै नग्न अवस्थामा थिइन् भने मालोन कम्मरमुनी नग्न अवस्थामा उद्दार टोलीले भेट्टाएको थियो ।

थाइल्याण्डको चियाङ राई रोडमा उक्त कार पोलमा ठोक्किएर फनफनी घुमेको र झर्‍यापझिरिप भएको सीसीटीभी फुटेजमा देखिएको छ । तत्कालै उद्धारकर्ताहरु आएर चारै जनालाई त्यहाँबाट निकालेका थिए ।

मालोनको घटनास्थलमै मृत्यु भयो भने ड्राइभर र अगाडि सिटमा बसेकी युवती सख्त घाइते भएका छन् । नग्न युवती सामान्य घाइते भएकी छन् । तीनै जनाको एक स्थानीय अस्पतालमा उपचार भइरहेको छ ।

श्रीमान् र श्रीमती नै वेश्यावृत्ति धन्दामा, ग्राहकसँगै पक्राउ परे

काठमाडौं, ३१ जेठ । श्यावृत्ति गराएको आरोपमा एक जोडीसहित चारजना पक्राउ परेका छन् । गेस्ट हाउसमा कोठा भाडामा लिएर वेश्यावृत्तिको धन्दा चलाएको आरोपमा सपना विक र उनका श्रीमान् विवेक केसीलाई प्रहरीले पक्राउ गरेको हो ।

उनीहरूले गोंगबुको शुभलक्ष्मी गेस्ट हाउसका कोठा भाडामा लिएर युवतीहरूलाई राखी वेश्यावृत्ति गराउँदै आएको प्रहरीले जनाएको छ । गेस्ट हाउसका सञ्चालक प्रमोद पाण्डेलाई पनि प्रहरीले पक्राउ गरेको छ ।

साथै उक्त अखडामा जाने ग्राहक झापाका मोदबहादुर कार्कीलाई पनि महानगरीय प्रहरी वृत्त महाराजगन्जले पक्राउ गरी कारबाही अघि बढाएको छ । नयाँ पत्रिका दैनिकले समाचार छापेको छ ।

दुई साताअघि पक्राउ गरी उनीहरूविरुद्ध मानव वेचविखन मुद्दामा कारबाही अघि बढाइएको महाराजगन्ज वृत्तका डिएसपी गोबिन्द पुरीले बताए ।

उनीहरूले गोरखाका तीन किशोरीलाई जागिर लगाइदिने भन्दै उक्त गेस्ट हाउसमा राखेर जबर्जस्ती वेश्यावृत्तिमा लगाएका थिए । २० वैशाखदेखि २ जेठसम्म आफूहरूलाई वेश्यावृत्तिमा लगाइएको उनीहरूले बताएका छन् । १० जेठमा उजुरी परेपछि प्रहरीले गेस्ट हाउसमा छापा मारी चारजनालाई पक्राउ गरेको हो ।

५६ मिनेटमा पैदलै घुमेर सकिन्छ यो देश

पैदल हिँडेरै केही मिनेटमै एउटा पूरै देश घुम्न सम्भव होला ? सुन्दैमा अचम्म लाग्नसक्छ, एउटा यस्तो देश पनि छ दुनियामा जुन ५६ मिनेटमा पैदलै घुमेर सकिन्छ ।

फ्रान्स नजिकै रहेको मोनाको नामक देश दुनियाको दोश्रो सानो देश हो । यो देश फर्मुला वान कार दौड, ग्लामरस क्यासिनो, शुन्य आयकर, सुरक्षा तथा सुविधा अनि चौबिस घण्टे बजारका लागि चर्चित छ । यो देशको क्षेत्रमा केवल १.९५ वर्ग किलोमिटर छ । त्यसैले १ घण्टा भन्दा पनि कम समयमा पैदलै हिँडेर यो देश पूरै घुम्न सकिन्छ ।

भुमध्यसागरको उत्तरी मध्य तटमा अवस्थित यो देशको तिनवटा दिशाको सिमा फ्रान्ससँग जोडिएको छ । यहाँ संवैधानिक राजतन्त्र छ । यो देशका सबै मानिस करोडपति छन् । यो देशको सुरक्षाको जिम्मा फ्रान्सले लिएको छ ।

स्मरण रहोस् विश्वको सबैभन्दा सानो देश चाहीँ भ्याटिकन सिटी हो । जसको क्षेत्रफल ०.४४ वर्ग किलोमिटर रहेको छ । जुन मोनाको भन्दा निकै सानो हो ।

एजेन्सी