Home / बिचित्र संसार (page 13)

बिचित्र संसार

जब एयरपोर्टमा पोर्न फिल्म चल्न थाल्यो…

पोर्चुगलको लिस्वन एयरपोर्टमा हालै एउटा अनौठो तथा लज्जाजनक घटना भयो जसका कारण केही बेर …लाई भन्दा देख्नेलाई लाज भयो र सबै मानिस स्तब्ध भए ।

लिस्वन एयरपोर्टमा रहेको ठूलो टेलिभिजन स्क्रिनमा अचानक पोर्न फिल्म चल्न लागेपछि त्यहाँ रहेका मानिसहरुका एकाएक पसिना छुट्न थाले । यद्यपि टिभी स्क्रिनमा केही मिनेटका लागि मात्र पोर्न फिल्म चलेको थियो, तर केही क्षणभित्रमै एयरपोर्टमा हल्लीखल्ली मच्चियो । बिहान ३ बजे यो घटना भएको हो ।

एयरपोर्टमा पोर्न फिल्म चलेपछिको त्यहाँको रोचक अवस्थालाई एक विमान यात्रीले आफ्नो क्यामरामा कैद गर्न भ्याए । उनले उक्त भिडियो यु ट्युबमा पोष्ट गरेपछि त्यसले थप तहल्का मच्चाएको छ ।

एयरपोर्टका प्रवक्ताले अनुसार टेलिभिजनमा कुनै पोर्न फिल्मX नचलाइएको भन्दै टेलिभिजनमा स्थानीय एक च्यानल खोल्दा त्यसमा सफ्ट पोर्न प्रशारण भैरहेको हुँदा सोही प्रशारण देखिन गएको बताएका छन् ।

 

पेट्रोल सभापति, ग्यास प्रमुख अतिथि डिजेल र मटि तेल अतिथि

Capture

कार्तिक १४, २०७२- शनिबार बनेपामा अचम्मको दृश्य देखियो । अतिथि आसन ग्रहण गराउन राखिएका कुर्सीमा पेट्रोललाई सभापतिको आसनग्रहण गराइयो । ग्यासको सिलिण्डर प्रमुख अतिथि बन्यो । मिनिरल वाटरको बोतलमा भरिएको डिजेल विशेष अतिथि र मट्टितेल अतिथिको रुपमा रहे । जारी इन्धन अभावको सांकेतिक विरोध र सरकारको ध्यानाकर्षण गर्न आयोजित देउसी भैलोको दृश्य हो । श्रीकृष्ण म्युजिक प्रालिको आयोजना भएको कार्यक्रममा लोकगायक मच्छेश्वर सापकोटा, गायक रामहरि न्यौपाने, श्रवण रिमाल र शर्मिला श्रेष्ठले देउसीको भाकामा इन्धन उपलब्ध गराउन नसकेकोमा सरकार, दल र तीनका नेतालाई व्यङ्ग्य मिश्रित भावमा अनुरोध गरे ।

ए भन मेरा भाइ हो….. भन्दैनौं

के कति खान्छौ…. खाँदैनौं

म मागी दिउँला.. चाँहिदैन

के चाहिन्छ भन… इन्धन देऊ

इन्धन अभावले जनजीवन प्रभावित हुँदा सरकारको ध्यानाकर्षण गर्न कार्यक्रम आयोजना गरिएको गायक न्यौपानेले जानकारी दिए । देउसी गाउँदै उनीहरुले सरकारसँग बाँच्न पाउने अधिकार, शान्ति सुरक्षा, शिक्षा, स्वास्थ्य, रोजगारी, रासायनिक मल, बिउ मागेका थिए ।

दैनिक साढे दुई किलो खुर्सानी खान्छन् खुर्सानीका राजा

अचम्म लाग्दो घटना घट्ने देशमा चीन सबैभन्दा अगाडी छ । चीनकै हेनान प्रान्तस्थित साओली गाउँमा एउटा त्यस्ता मानिस बस्छन् जसले दैनिक ५ पाउन्ड खुर्सानी खान्छन् । लि योंगजी अहिले खुर्सानीको राजा भनेर चिनिन्छन् । उनले उठ्नासाथ खुर्सानीले दाँत माझ्छन् । त्यसपछि ब्रेकफास्ट, लन्च र डिनरमा समेत खुर्सानी नै खान्छन् । उनले सञ्चामाध्यमलाई अन्तरवार्ता दिदैँ आफू स्पाईसी खानाको प्रेमी रहेको र खुर्सानी आफ्नो सदाबहार आहार रहेको बताएका छन् ।king-of-chillies2
उनी मासु वा अण्डा बीना खाना खान सक्छन्, तर खुर्सानी बिना कहिल्यै खाना खान सक्दैनन् । भन्छन्, धेरै मानिस बिहानै उठेर दाँत माझ्छन् । तर म आफ्नो सासलाई ताजा राख्न खुर्सानी खान्छु । मेरा लागि खुर्सानी बिनाका कुनै पनि खाना स्वदविहान हुन्छन् । उनले आफैँ विभिन्न आठथरीका खुर्सानी रोपेका छन् । दश वर्षअघि उनी खुर्सानीप्रति आशक्त भएका थिए । त्यतिबेलासम्म उनी धेरै खुर्सानी खादैँन थिए । उनको छोरा दुर्घटनामा परेपछि उनले अस्पतालमा १० हजार युआन बिल बुझाउनुपर्यो । त्यसपछि उनीसँग खाना खानका लागि पनि पैसा हुन छाड्यो । गरिबीका दिनमा उनी एकपटक सडकमा हिड्दैँ गर्दा वहोश भए । त्यसपछि उनले आफ्नो छोराको उपयुक्त स्याहार गर्नुअघि आफैँ स्वस्थ रहनुपर्ने आवश्यकता बोध गरे ।
उनले पैसा जोगाउन रेस्टुरेन्टमा गएर दुईवटा कचौरामा खुर्सानीको धुलो मात्रै मगाएका थिए । त्यसमा पानी मिसाएर खाँदा उनको पेट भरियो । तर उनको पेटमा केही गडबढी देखिएन । त्यसपछि उनले आम व्यक्तिको तुलनामा आफूले धेरै स्पाईसी खाना पचाउन सक्ने अनुभव गरे । स्वास्थमा खुर्सानीको प्रभाव राम्रो देखिएपछि उनी बिस्तारै यसतर्फ आर्कषित भए । अहिले उनी दैनिक ५ पाउन्ड खुर्सानी खान्छन् । दैनिक खाना खाने बेला बाहेक खाजा खाँदा तथा फुर्सदको समय काट्न पनि उनी खुर्सानी नै खान्छन् ।

एक पटक रेस्टुरेण्टमा खाना खान जाँदा उनले खुर्सानीको बोतल नै रित्याइदिए । त्यसपछि रेस्टुरेण्ट मालिकले उनीमाथि खुर्सानी चोरेको आरोप समेत लगाएका थिए । पछि उनले आरोपलाई गतल प्रमाणित गर्ने क्रममा रेस्टुरेण्टमा म्यानेजरकै सामून्न अर्को एक बोतल खुर्सानी मगाएर पुरै खाइदिए । उनको यो व्यवहारले सबै छक परेका थिए । उनी भन्छन्, डाक्टरले म अन्य मानिसजस्तै सामान्य रहेको बताएका छन् । मसँग कुनै सुपर पावर छ्रैन् । मलाई खान मनपर्छ र म धेरै खान्छु । सन् २००९ मा खुर्सानी खाने प्रतियोगिता जितेपछि उनलाई हुनान सरकारले खुर्सानीको राजा घोषणा गरेको थियो ।एक पटक रेस्टुरेण्टमा खाना खान जाँदा उनले खुर्सानीको बोतल नै रित्याइदिए । त्यसपछि रेस्टुरेण्ट मालिकले उनीमाथि खुर्सानी चोरेको आरोप समेत लगाएका थिए । पछि उनले आरोपलाई गतल प्रमाणित गर्ने क्रममा रेस्टुरेण्टमा म्यानेजरकै सामून्न अर्को एक बोतल खुर्सानी मगाएर पुरै खाइदिए । उनको यो व्यवहारले सबै छक परेका थिए । उनी भन्छन्, डाक्टरले म अन्य मानिसजस्तै सामान्य रहेको बताएका छन् । मसँग कुनै सुपर पावर छ्रैन् । मलाई खान मनपर्छ र म धेरै खान्छु । सन् २००९ मा खुर्सानी खाने प्रतियोगिता जितेपछि उनलाई हुनान सरकारले खुर्सानीको राजा घोषणा गरेको थियो ।

 

गालाभरि भ्वांग पारेर विश्वरेकर्ड (फोटाफिचर सहित)

जिउको मासुमा सबैभन्दा धेरै सुरुंग बनाएर विश्व रेकर्ड कायम गरेका छन् एक लक्का जवानले । २२ वर्षका जर्मन युवक जोए मिग्लरले गिनिज बुकमा नाम त लेखाएका छन् तर उनले जे कामका लागि किर्तिमानको प्रमाणपत्र पाए त्यो देख्दा कसैले पनि उनलाई धन्यवाद दिने खालको छैन । किनकी उनल साँच्चीकै डरलाग्दो तथा अनावश्यक र हानिकारक काम गरिरहेका छन् भनेर जो कोहीले पनि भन्छ ।

उनले आफ्ना दुबै गालमा ठूला ठूला दुइवटा गोलाकार प्वाल पारेका छन् । ती प्वालबाट उनले आफ्नो जिब्रोलाई बाहिर निकाल्न सक्छन् । जिब्रो पनि सद्दे कहाँ छ र, टुप्पोमा च्यातिएर दुइहाँगे भएको छ ।
Miggler
जिब्रोमा मात्र होइन उनले अनुहारका अन्य ११ ठाउँमा पनि प्वाल पारेका छन् । नाकदेखि ओठसम्म पारिएका ती साना ठूला प्वालहरुमा गच्छे अनुसारका ठेटी ठोकिएका छन् ।

उनी १३ वर्षको हुँदादेखि यसरी जिउमा प्वाल पार्न थालेका रहेछन् । अहिले त जिउमा प्वाल पार्नु उनका लागि लत जस्तै बनेको छ ।
आफु आफ्नो जिउका सुरुंगका कारण निकै खुसी रहेको र सधै नयाँ नयाँ प्वाल पार्ने इच्छा रहेको उनी बताउँछन् ।

holes2

holes3

 

दुनियाकै कुरुप महिलाको दर्दनाक कथा, कसरी बदलिन् शोकलाई शक्तिमा ?

२६ वर्षको कल्कलाउँदो उमेर हो उनको । तर उनको लागि उमेर र वौशको कुनै अर्थ रहेन । किनकी उनको जिउमा यस्तो रोग छ, जसका कारण उनी विश्वकै सबैभन्दा कुरुप महिलाको उपाधि बोक्न बाध्य छिन् ।Women

लिजी वेलास्क्वेज अमेरिकाको टेक्सासमा सन् १९८९ मा जन्मिइन् । सामान्य मिति भन्दा ४ हप्ता अघि नै उनको जन्म भएको थियो र जन्मिँदा उनको तौलो जम्मा १२ सय ग्राम थियो । आखिर उनको सरीरमा दुर्लभ वंशाणुजन्य रोग रहेछ, जसका कारण जन्मिसकेपछि पनि उनको सरीरको वृद्धि विकाश खासै भएन ।

उचाइ बढेपनि जिउको मोटाइ भने फिटिक्कै बढेन । उनको जिउको तौल केवल २९ किलो मात्रै छ ।

रोगकै कारण उनको एउटा आाखा अन्धो पनि भयो । सरीरमा बोसो नै जम्मा नहुने त्यो रोगको कारण उनको जिउ निकै कुरुप छ । तर त्यो शोकलाई उनले शक्तिमा बदलेकी छिन् अहिले । अनि विभिन्न खाले दुव्र्यवहारबाट पीडित भएका मानिसहरुका लागि हिम्मत र प्रेरणाको पात्र बनिरहेकी छिन् ।

अशक्त र कुरुप जिउ घिसारिरहेकी लिजीको जिवनमा एउटा दुखलाग्दो घटनाले मोड नै परिवर्तन गरिदियो । उनले एकदिन यु ट्युबमा आफ्नै भिडियो देखिन् । विश्वकै सबैभन्दा कुरुप महिला शिर्षकमा अपलोड गरिएको उनको भिडियो ४० लाख भन्दा बढिले हेरिसकेका थिए, अर्थात् भिडियो सुपरहिट भएको रहेछ अनलाइनमा ।

उनको भिडियो यति धेरै चर्चित भयो, तर भिडियो मुन्तिर मानिसहरुले लेखेका टिप्पणीहरु भने निकै बिझाउने तथा होच्याउने खालका थिए । एकजनाले लेखेको थियो, आफैलाई आगो लगाएर मर । अनि अर्काले लेखेको थियो किन सबैले भनेको मान्दैनौ ? आत्महत्या गर ।

मानिसहरुका कमेण्ट यस्ता थिए की उनी मरे यो दुनिया नै निकै राम्रो बन्नेछ ।

फक्स च्यानलसागको अन्तरवार्तामा लिजीले भनेकी छिन् : हरेक कमेण्टहरु पढ्दा मलाई लाग्यो की मानिसहरु उक्त भिडियो हेर्दै स्क्रिनमा ममाथि मुड्की हानिरहेका छन् ।

त्यसपछि उनले त्यो शोकलाई शक्तिमा बदल्ने प्रण गरिन् । हिम्मत जुटाइन् । उनी भन्छिन् : मानिसहरुले मलाई चिन्नै सकेका छैनन् र म आफुलाई चिनाउन चाहन्छु भन्ने मलाई लाग्न थाल्यो ।

अहिले उनी प्रसिद्ध लेखिका तथा उत्प्रेरक वक्ता बनिसकेकी छिन् । बालबालिकामाथि हुने दुव्र्यवहारको विषयमा उत्प्रेरक भाषण गर्न तथा परामर्श दिनका लागि उनी विश्वका विभिन्न देशमा पुगिसकेकी छिन् । उनले विभिन्न किताबहरु समेत लेखेकी छिन् । सन् २०१० मा पहिलोपटक आफ्नी आमासाग मिलेर एउटा किताब लेखेकी थिइन् उनले । उनका चर्चित तथा प्रेरणादायी किताबहरुमा बि ब्युटिफुल, बि यु, चूजिंग ह्याप्पिनेस आदि रहेका छन् । साथै उनको जिवनकथामा आधारित डकुमेन्ट्री ए ब्रेभ हार्ट : दी लिजी वेलास्क्वेज स्टोरी पनि बनिसकेको छ ।