Home / बिचित्र संसार (page 4)

बिचित्र संसार

अमेरिकी ज्योतिषको भविष्यवाणीः अक्टोबर २ साँझ ६ बजे संसारको अन्त्य (भिडियाे सहित )

sansaar

एजेन्सी । अमेरिकाको क्यालिफोर्नियामा बस्ने एक चर्चित सन्त ज्योतिष हेरोल्ड क्याम्पिङले यो वर्षको अक्टोबर २ तारिखमा संसारको अन्त्य हुने दावी गरेका छन् ।अक्टोबर २ को साँझ ६ बजे संसारको अन्त्य हुने उनको भनाइ छ । उनको भनाइ अनुसार त्यतिबेला संसारको २ प्रतिशत जनसंख्या तत्काल स्वर्गवासी हुनेछ भने बाँकी अन्य कुनै स्थानमा पुग्नेछन् ।

पूर्व इन्जिनियर समेत रहेका ८९ वर्षीय क्याम्पिङले प्रत्येक दिन आफ्नो भविष्यवाणी रेडियो नेटवर्कको माध्यमबाट गर्ने गर्छन् ।यो रेडियो धार्मिक ब्रोडकास्टिङ संगठनले श्रोताको दान दातब्यको माध्यमबाट सञ्चालन गर्ने गर्छ । ७० वर्ष सम्म बाइबलको अध्यन गरेका सन्त हेरोल्ड क्याम्पिङले आफ्नो विशेष गणित विकाश गरेर भविष्यवाणी गर्दै आएका छन् ।

जिसस क्राइस्ट सुलीमा चढेको दिन देखि ७ लाख २२ हजार ५०० दिनपछि पृथ्वीको अन्त्य हुने तय रहेको दावी गर्दै उनले यो संख्या महत्वपूर्ण भएको बताएका छन् । बाइबलमा ५, १० र १७ लाई पवित्र तीन अंक मानिएको छ । यसको गुणनफलबाट आउने अंकलाई झनै महत्वपूर्ण मानिन्छ ।

सन्त हेरोल्ड क्याम्पिङले हैटी, जापान र नेपालमा आएको भूकम्पलाई समेत यो प्रलयको पूर्व संकेतकोरुपमा दावी गरेका छन् ।नेपाली हेडलाइनकाे सहयाेगमा   हेर्नुस् भिडियोः 

नाटकीय प्रेममा विश्वास गर्दा अपहरण मा परे भारतीय नागरिक

भाद्र २७, २०७३-

भारतीय सीमा सहर जुगौलीका खुर्सिद अहमद भदौ १२ गते सुनौलीबाट पोखरा आउने क्रममा निकै उत्साहित थिए । कारण उनलाई भेट्न भैरहवाकी एक युवतीले पोखरा बोलाएकी थिइन् । फोन–फोनमै चिनजान भएकी ती महिलाको आग्रहमा खुर्सिद पोखरा आउन तयार भए । ती महिलालाई भेटे पश्चातका योजना मनमा सजाउदै भदौ ११ गते रात्रि बस चढेका खुर्सिद १२ गते पोखरा आइपुगे ।

 

उनलाई लिन ती युवती पृथ्वीचोक बसपार्कमा उपस्थित थिइन् । अहमदलाई आफ्नो घर लाने भन्दै उनले लेखनाथ नगरपालिका–८ स्थित अशोक अधिकारीको घरमा रहेको आफ्नो डेरामा पुर्‍याइन् । त्यहाँ पुगपछि मात्र खुर्सिद अहमदलाई आफू अपहरणमा परेको थाहा भयो । उनी त्यही घरमा भाडा लिइएको कोठामा बन्धक बनेर बसे । कोठामा बन्दी बनाइएका अहमदले त्यहाँ झ्यालबाट निस्केर भाग्ने योजना बनाए । झ्यालबाट बाहिर निस्कने क्रममा उनलाई देखेपछि घरधनी र अरूले चोरी गर्न लागेको आरोप लगाए । त्यसपछि अहमदलाई प्रहरी कार्यालय पुर्‍याइयो ।

 

प्रहरीले सोधपुछ गरेपछि मात्र थाहा भयो उनी चोरी गर्ने मनासयले नभई अपहरणबाट मुक्त हुन झ्यालबाट भाग्न खोजिरहेका थिए । उता अपहरणकारीले भने उनका दाजुसँग एक करोड रुपैयाँको माग गर्दै फोन गरिसकेका थिए । अपहरणमा परेका अहमदलाई भदौ १३ गते साँझ कास्कीको लेखनाथ–८ शिशुवास्थित अशोक अधिकारीको घरबाट अपहरण मुक्त गरिएको प्रहरी नायव उपरीक्षक गजुसिद्धी बज्राचार्यले जानकारी दिए ।

 

डीएसपी बज्राचार्यका अनुसार अपहरणकारीले एक महिनाअघि यो योजना बनाएका थिए । सोहीअनुसार अहमदलाई उनीहरूले पोखरा घुम्न बोलाएर अपहरण गरेका हुन् । अपहरणमा संलग्न भएको आरोपमा प्रहरीले भारतीय नागरिक सहाबुद्धिन कुरैसीलाई पक्राउ गरेको छ । उनको साथबाट प्रहरीले एक थान पेस्तोलसमेत बरामद गरेको छ । उक्त घटनामा संलग्न नवलपरासी कावासोती–११ बस्ने वर्ष २१ का अरुण घलेलाई रूपन्देहीबाट पक्राउ गरी कास्की ल्याइएको छ । अहपरणका मुख्य योजनाकारको खोजी भैरहेको डीएसपी बज्राचार्यले जानकारी दिए ।

 

पक्राउ परेकाहरूको बयानका आधारमा मुख्य योजनाकार पनि छिट्टै पक्राउ पर्ने बज्राचार्यको दाबी छ । घटनाका मुख्य योजनाकार पनि भारतीय नागरिक नैभएको अनुसन्धानका क्रममा देखिएको उनले बताए । अहमदसँग नाटकीय प्रेम गर्ने ती महिलासमेत फरार छिन् । पक्राउ परेकाहरू विरुद्ध अपहरण शरीर बन्धक मुद्दामा कास्की जिल्ला अदालतबाट म्याद थप गरी अनुसन्धान अघि बढाइएको कास्की प्रहरी प्रवक्ता बज्राचार्यले बताए ।

 

चन्द्रमा मा समेत भूकम्प! सुन्दा अचम्म लाग्छ भूकम्पको कम्पन १० मिनेट लामो !

moonquake-earthquake
भदौ २५, काठमाडौं । चन्द्रमामा पनि धेरै भूकम्प जाने गरेको वैज्ञानिकहरुले बताएका छन् । चट्टानले बनेको साथै त्यहाँ भौगर्विक गतिविधि निकै कम हुने गरेपनि चन्द्रमामा धेरै भूकम्प जाने गरेको उनीहरुले बताएका छन् । चन्द्रमामा जाने भूकम्पलाई मुनक्वेक भनेर चिनिन्छ भने त्यो ४ प्रकारका हुन्छन् । सूर्यको तापले हुने, उल्काहरुका कारण हुने भूकम्प र डिप क्वेक सामान्य हुने भएपनि स्वालो मुनक्वेक भने खतरनाक हुने गरेको छ । स्वालो मुनक्वेक ५ दशमलव ५ रेक्टर स्केलसम्मको हुने र यसको कम्पन १० मिनेटसम्म रहन सक्ने वैज्ञानिकले बताएका छन् । यस्तो प्रकारको भूकम्प जाँदा चन्द्रमामा घण्टीको जस्तो आवाजसमेत निस्कने नासाले जनाएको छ । चन्द्रमामा पृथ्वीमा जस्तो सक्रिय टेक्टोनिक प्लेट नभएकाले के कारणले भूकम्प जान्छ भन्ने कुरा भने अध्ययनको विषय बनेको छ ।
चन्द्रमा सम्बन्धि बिशेष जानकारी 
१. चन्द्रमा चिहान बनिसकेको छ 
चिहान बनेको चन्द्रमा चन्द्रमालाई मानिसले अहिले पनि भगवान मानेर पूजा गर्छन् । तर चन्द्रमा चिहानको रुपमा पनि प्रयोग भएको छ । प्रख्यात भूगर्भविद् तथा खगोलविद् युजिन सुमेकरको अस्तु चन्द्रमामा विसर्जन गरिएको छ । उनले ब्रम्हाण्डको अध्ययनका लागि विभिन्न वैज्ञानिक अनुसन्धान गरेका थिए, जुन अध्ययनको सहयोगमा एपोलो यान चढेर चन्द्रमा पुग्ने मानिसको सपना पूरा भएको थियो । आफ्नो जीवनकालमा चन्द्रमा पुग्ने सुमेकरको धोको भएपनि त्यो पूरा हुन पाएन । उनको इच्छालाई पूरा गर्न सन् १९९८ मा लुनार प्रोस्पेक्टरमा उनको अस्तु चन्द्रमामा पठाइएको थियो ।
२. घातक धूलोको भण्डार 
घातक धूलोको भण्डार चन्द्रमामा रहेको धुलोका कण अर्थात लुनार डस्ट निकै घातक रहेको छ । पृथ्वीमा बालुवा भएजस्तै चन्द्रमामा पनि लुनार डस्ट प्रशस्त छ । यो धुलो मैदाको पिठो जस्तै मिहीन रहेपनि निकै खस्रो रहेको चन्द्रमा पुगेका अन्तरिक्षयात्रीले बताएका छन् । यो धुलोकै कारण धेरै वैज्ञानिक अनुसन्धानमा पनि असर परेको छ । चन्द्रमामा पुगेका अन्तरिक्षयात्रीलाई यसले मु हे फिभर समेत भएको थियो । साथै अनुसन्धान गर्न राखिएका विभिन्न उपकरणमा यस्ता धुलो पस्दा बिग्रने गरेको छ । यो धुलो गन्ध भने बारुदको जस्तै हुन्छ ।
३. चन्द्रमामा छायाँ पनि चुक घोप्टेजस्तो अँध्यारो 
चन्द्रमामा छायाँ पनि चुक घोप्टेजस्तो अँध्यारो चन्द्रमामा कुनै पनि वस्तुको छायाँ पृथ्वीमा भन्दा निकै गाढा हुने गरेको छ । जब नील आर्मस्ट्रङ र बज एल्ड्रिनले पहिलो पटक चन्द्रमामा पाइला टेके, उनीहरुको आफ्नै छायाँले अगाडिको बाटो अध्यारो बनाएको पाएका थिए । चन्द्रमामा वायुमण्डल नभएका कारण यस्तो भएको हो । आकाशमा सूर्य उदाएपनि छायाँ परेको ठाउँमा निस्पट्ट अन्धकार हुने हुँदा हिँड्न तथा उपकरणको मर्मत लगायत काम गर्न निकै अप्ठेरो परेको उनीहरुको अनुभव छ ।
४.  डम्पिङ साइट बन्दै 
डम्पिङ साइट बन्दै चन्द्रमा चन्द्रमामा मानिस पुगेको झण्डै आधा दशक पुग्न लागेको छ । यसबीचमा चन्द्रमामा फोहोर थुप्रिने क्रम पनि बढेको छ । वैज्ञानिकका अनुसार अहिले चन्द्रमामा झण्डै १ लाख ८१ हजार ४ सय ३७ किलो फोहोर थुप्रिएको छ । अन्तरिक्षयात्रीले प्रयोग गरेका सामान लगायत विभिन्न परीक्षणका काम नलाग्ने सामान चन्द्रमामा थुप्रिएको हो

अल्छी हुनु बुद्धिमानीको निसानी

03092016121129lazy-1000x0

अमेरिकी अनुसन्धानकर्ताहरूले बडो अचम्मको कुरो पत्ता लगाएको दाबी गरेका छन् । त्यो के भने, अल्छी व्यक्ति सक्रिय रहनेहरूको दाँजोमा बढी बुद्घिमान् हुन सक्छन् रे । सर्तचाहिँ के छ भने, त्यस्ता अल्छी व्यक्तिहरू बढी समय चिन्तन गर्नेचाहिँ हुनुपर्छ ।

जर्नल अफ हेल्थ साइकोलजीमा प्रकाशित उपर्युक्त अध्ययन अनुसार सक्रिय व्यक्तिलाई आफ्नो मस्तिष्क सदैव ‘फ्रेस’ राख्नका लागि बढी सक्रियताको आवश्यकता पर्छ । यस्ता व्यक्ति बोर हुनबाट बच्नसमेत शारीरिक रूपमा बढी सक्रिय रहन्छन् । उच्च आईक्यू भएका व्यक्ति छिट्टै थाक्दैनन् ।

यसै कारण उनीहरू बढी समयसम्म चिन्तनमा व्यस्त रहन्छन् । अनुसन्धाताहरूले अध्ययन अन्तर्गत ३० जना विचारक र गैरविचारकलाई भेला पारे, तिनलाई दुइटा समूहमा बाँडे अनि सबैका हातहातमा एउटा यन्त्र लगाइदिए, जसका माध्यमले सक्रियताको स्तर निगरानी गरे ।

निचोडमा के देखियो भने, गैरविचारकको दाँजोमा विचार गर्ने समूह कम सक्रिय रहे । उसो त अनुसन्धाताहरूले के पनि भनेका छन् भने, कम सक्रिय व्यक्ति जतिसुकै विद्वान् भए पनि आफ्नो स्वास्थ्यका लागि उनीहरूले सक्रियताको स्तर नबढाई हुन्न ।

 

रुखले ठाउँ सरेको आरोपमा पक्राउ, १२० बर्षदेखी सजाय स्वरूप साङ्लाले बाँधियो

भाद्र २४, काठमाडौं । पाकिस्तानको पेशावरमा भएको एउटा रुखलाई चारैतिरबाट साङ्लोले बाँधेर राखिएको छ । झट्ट हेर्दा यस्तो लाग्छ विगतमा बेलायती उपनिवेशका क्रममा भोगेको दासत्वको प्रतीकका रुपमा- रुख त्यसरी बाँधेर राखिएको हो । तर यथार्थ भने निकै फरक छ । रुखको नजिकै पुगेपछि वास्तविकता बुझ्न गार्हो पर्दैन । किनभने रुखमा लेखिएको छ – म पक्राउ परेको छु ।
एक साँझ एकजना बेलायती अधिकारी रक्सिले मातेका थिए, उनले सोचे म आफ्नो पहिलेको ठाउँबाट सरेँ । त्यसैले उनले मलाई पक्राउ गर्न आदेश दिए । त्यहिबेलादेखि म बन्धक छु । सन् १८९८ तत्कालिन बेलायती अधिकारी जेम्स स्क्विडले आफू रक्सिले मातेको बेला रुखलाई पक्राउ गर्न आदेश दिएका थिए ।

रसियाको नदी एक्कासी रातो भएपछि स्थानियवासी आश्चर्यचकित, मन्त्रालयले विज्ञप्ती नै निकाल्यो

२३ भदौ, एजेन्सी।

रसियाको नोरिलिक्स शहरस्थित डाल्डीकन नदीको पानी एक्कासी रातो भएपछि स्थानियवासी आश्चर्यचकित भएका छन । नदीको पानी पुरै रातो भएको फोटो अहिले सामाजिक सञ्जालहरुमा भाइरल भएको छ ।russia river red (2)

स्थानिय अधिकारीहरुले नदीको पानी रातो भएको पुष्टी गरेपनि यसको कारण पत्ता लाउने प्रयास गरिरहेका छन ।russia river red (3)

केहीले वातावरणमा आएको परिवर्तनले यस्तो हुन सक्ने अनुमान गरेका छन ।

यसैबीच रसियाको प्राकृतिक स्रोत एवं वातावरण मन्त्रालयले एक विज्ञप्ती जारी गर्दै अनावस्यक हल्लामा नलाग्न सर्व साधारणलाई आह्वान गरेको छ । मन्त्रालयले नदी नजिकै रहेको मेटालर्जिकल प्लान्टको पाइप फुटेपछि त्यहाँबाट निस्केको रसायनका कारण नदीको पानी रातो देखिएको बताएको छ ।russia river red (1)

नोरिलिक्स निकले प्लान्ट विश्व कै सबै भन्दा ठुलो निकेल उत्पादक कम्पनी हो । उता, कम्पनीले भने आफ्नो कारण घटना नभएको दाबी गरेको छ ।

स्थानिय पत्रिकाहरुले भने नदीको पानी रातो भएको यो पहिलो पटक नभएको बताएका छन । यद्यपी ती अखबारहरुले यस बारे विस्तृत विवरण दिएका छैनन।

यहाँका महिलाहरु विवाहपछि परपुरुषसँग राख्छन् सम्बन्ध

niger-1

एजेन्सी । हाम्रो समाजमा महिलाहरुले एक भन्दा बढी पुरुषसँग यौनसम्बन्ध राख्नुलाई अपराध मानिन्छ ।

तर, अफ्रिकी देश नाइजेरियामा महिलाहरु विवाहपछि परपुरुषसँग बढी सम्बन्ध राख्ने गरेको तथ्या बाहिर आएको छ ।

अन्तर्राष्ट्रिय पत्रिका डेली मेलका अनुसार नाइजेरियाको तुआरेग क्षेत्रमा महिलाहरु तथा युवतीहरु पुरुषको बलात्कार पनी गर्छन् । जबरजस्ती पुरुषसँग सम्बन्ध राख्छन् । यहाँ सबै ठिक उल्टो छ । महिला स्वतन्त्र छन् । पुरुष पीडित छन् ।

तुआरेगका जनजाति युवतीहरु खुलेयाम घुम्छन् र केटाहरु घर हेर्छन् । यहाँका केटाहरु विहेपछि केटीको घरमा दुलहीजस्तै भित्रिन्छ ।

यहाँ पुरुषहरुले काम गर्नका लागि महिलालाई सोध्नुपर्छ । उनीहरुले हुन्छ भनेमात्रै गर्न पाउछ । युवतीहरु युवकसँग जबरजस्ती यौनसम्बन्ध राख्छन् । यहाँ विहेभन्दा पहिला पनी महिला जुनसुकै पुरुषसँग पनी यौनसम्पर्क गर्न सक्छन् ।

विहेपछि पनी महिलाहरु जुनसुकै परपुरुषसँग पनी खुलेयाम रुपमा यौनसम्बन्ध राख्छन् । यसमा उनीहरु स्वतन्त्र हुन्छन् । श्रीमानको हस्तक्षेप हुँदैन् ।

तुआरेगका जनजाति महिला कुनै पुरुषसँग पनी शारीरिक सम्बन्ध बनाउन सक्छन् र कुनै पनी बेला श्रीमानसँग सम्बन्ध विच्छेद गर्न सक्छन् ।

यी हुन् माउसुलीको सुप खाने मान्छे

lezard

विदेशी टेलिभिजनमा देखिने विभिन्न एडभेन्चर शोहरुमा मानिसहरुले सर्प, किराफट्यांग्रा तथा छेपारो लगायतका जिवहरु खाएको देख्नुभएकैै होला ।

यस्ता टेलिभिजन कार्यक्रममा देखाइएजस्तै साँच्चै उनीहरुले ती चिज खान्छन् की खान्नन् त्यो दर्शकलाई थाहा हुने कुरा भएन । तर भारतमा भने एकजना यस्ता व्यक्ति छन् जो माउसुलीकोे सुप नखाइकन बस्नै सक्दैनन् ।

भारतको मध्यप्रदेशस्थित मैना गाउँमा बस्ने कैलाश नामका व्यक्ति माउसुली खाने कुराको शौखिन व्यक्ति हुन् । जसका कारण उनलाई मानिसहरुले विषपुरुषको नामले चिन्दछन् । पछिल्लो २० वर्षदेखि उनले माउसुली पकाएर सुप खाने गरेका छन् ।

यति मात्र कहाँ हो र उनले माउसुली उमालेको पानी नै दिनहुँ पिउँछन् । सुत्नुअघि यिनले तिनवटा माउसुलीको सुप पिउँछन् । माउसुलीको सुप नपिएसम्म आफुलाई निद्रा नै नलाग्ने उनी बताउँछन् ।

अहिलेसम्म आफुले विभिन्न ६० प्रकारका जिवजन्तुको स्वाद चाखिसकेको उनको भनाई छ । अचम्मको कुरा उनलाई सर्पको विषले पनि असर गर्दैन ।

गाउँमा कसैलाई सर्पले टोक्यो भने उनले उक्त मानिसको सरीरबाट सर्पको विष चुसेर मानिसको ज्यान बचाइदिन्छन् ।

एजेन्सी

दाजु र भाइको एकै श्रीमती : पेमा घरमा दाजु श्रीमतीसँग हुँदा भाइ गोठमा, भाइ घरमा हुँदा दाइ गोठमा…

pema-brothers-wife

गोरखा । दाजु र भाइकी एकै श्रीमती। घरमा दाजु श्रीमतीसँग हुँदा भाइ गोठमा, भाइ घरमा हुँदा दाइ गोठमा। वर्षौं पहिले उत्तरी गोरखाको दुर्गम भेगमा एकैघरका दुई दाजुभाइका एउटै श्रीमती खुबै भेटिन्थे। तर हिजोआज पहिलेभन्दा कम भए पनि एउटै बिहे गर्ने परम्परा हटेको भने छैन।अहिले पनि बिही, छेकम्पार ,सामागाउँ लगायत गाविसका दुई भाइले एकै श्रीमती बिहे गरेको भेटिन्छ। ‘पहिले गाउँपिच्छे थुप्रै थिए, अहिले थोरै छन्, बिस्तारै एउटै बिहे गर्ने परम्परा हटे पनि पूर्ण रुपमा हटेको छैन,’ बिहीकी स्थानीय शिक्षिका लुना गुरुङले भनिन्।

बिही गाविसमै यस्ता गाउँ पनि छन् जहाँ एकै घरका दुई दाजुभाइले एउटै बिहे गर्छन्। बिही १, क्रोका एकै घरका दुई दाजुभाइले वडा नम्बर ९ की पेमा लामालाई बिहे गरे। फुर्बु तेन्जिङ र छेवाङ दुई दाजुभाइ हुन्। पेमा उनीहरु दुवैका श्रीमती हुन्।

बिहेवारी गर्ने परम्परा भने अन्यत्रभन्दा त्यहाँ बेग्लै छ। मन परेको केटीलाई मेलापात, गोठालो जाँदा, घट्ट जाँदा, बाटोमा भेटेका बेला र राति सुतेको ठाउँमै गएर तान्ने प्रचलन छ। पेमालाई पनि नुर्बु र छेवाङले सुतेका बेला घरबाटै तानेका थिए। केटीका आमाबाबुलाई खुसी बनाउन सके भने छोरीलाई जबरजस्ती तानेर, बोकेर दलबलसहित आएर लैजान प्रचलन छ। बिही गाविसमा अहिले पनि तानेर जबरजस्ती बिनामन्जुरी बिहे हुने क्रम रोकिएको छैन।

बिही ४ की सोनाम साङ्मोको १६ वर्षे उमेरमा तानेरै बिहे भएको थियो। ‘घरमा आमाबुवालाई टन्न रक्सी खुवाए,’ उनले सुनाइन्, ‘मलाई तानेर लगे, फर्कियो भने घरमा पनि नराम्रो, आमाबाबुलाई केटा पक्षले कुटपिट गर्ने, झगडा हुने, पैसा दिनुपर्ने सम्म हुन्छ, डरले म बसिरहेँ।’ उनको अहिले तीन छोरी र दुई छोरा छन्। ‘म त एउटा मात्रै श्रीमती, अझै गाउँमा कोही केटी त दुईजना भएको ठाउँमा पर्छन्,’ साङ्मोले भनिन्। उत्तरी गोरखाका अधिकांश दुर्गम गाविसमा तानेरै बिहे गर्ने, एकै परिवारका दुई दाजुभाइले एउटै केटीसँग बिहे गर्ने प्रचलन अहिले पनि छ। दाजुभाइले बिहे गरेपछि आलोपालो घरमा बस्ने गर्छन्।

‘बिहीमा मात्र होइन, छेकम्पार, सामागाउँमा दुई दाजुभाइको एउटै बूढी अहिले पनि छन्,’ स्थानीय शिक्षिका लुना गुरुङले भनिन्, ‘पहिले धेरै थियो तर अहिले बिस्तारै हराउँदै गएको छ।’ तानेर बिहे गर्ने प्रवृत्ति भने बढिरहेको उनी बताउँछिन्। तानेर बिहे गर्नुलाई संस्कारसँग जोडेर हेर्ने गरिन्छ। उनले भनिन्, ‘केटीको घरपरिवार नमान्दासम्म यो सम्भव हुँदैन, तर मानिहाल्छन्।’ कमजोर चेतना स्तर र संस्कारका कारण यो परम्परा तोडिन गाह्रो भएको उनले बताइन्।

गाउँमा केटा नभेट्दा हुँदैन बिहे

बिही ६, न्याककी कान्छी गुरुङ २९ वर्ष पुगिन्। न घरमा बिहे गर्ने कुरा गर्छन् न कसैले उनलाई बिहे गरौं भन्ने प्रस्ताव राख्छ। अहिलेसम्म उनको लगन जुरेको छैन। ‘गाउँमा केटा छैनन्, म मात्र होइन हाम्रो गाउँमा थुप्रै केटीको बिहे भएको छैन, कतिको बिहे नभएरै कपाल फुलिसक्यो,’ गुरुङले भनिन्।

उत्तरी गोरखाको बिही ६, न्याकमा रहेको करिब ४५ धुरीघरको एकै गाउँमा घरेपिच्छेजस्तो बिहे गर्ने उमेरका तर नभएका युवती छन्। बिहे गर्ने उमेरका युवती धेरै हुने, युवक पढाइ, रोजगारीको सिलसिलामा गाउँ छाडेर जाने भएपछि गाउँका युवतीको बिहे नभएको स्थानीय बताउँछन्। ‘मैले एक कक्षा पनि पढिनँ, घरमा घाँसदाउरा गरेर बसेँ, केही नजान्ने मलाई कसले पो बिहे गर्थ्यो?’ स्थानीय देवानी गुरुङले भनिन्। उनी अहिले ३५ वर्ष पुगिन् तर बिहे भएको छैन। ‘छिमेकमा एकै घरमा दुईतीन जनाको बिहे नभएको धेरै छन्, म त बूढी भएँ, भर्खरका बिहे गर्ने उमेरका पनि केटी धेरै बाँकी छन्।’

देवानी अहिले मनास्लु पदमार्गको बाटोछेउमा होटल गरेर बस्छिन्। अब उनलाई बिहे गरौं जस्तो पनि लाग्न छाडिसक्यो। ‘लगन जुरेन, कर्ममा नलेखेर होला नि,’ उनले भनिन्, ‘बिहे गर्न कसलाई पो मन हुँदैन र!’ मसँगैको र बिहे हुन बाँकी साना पनि थुप्रै छन्। ६ वर्षअघि आमाको मृत्यु भएपछि उनी भावविह्वल भएर घरबाट निस्किइन्। खेतीपाती र घरधन्दाबाहेक केही नजानेकी उनी पेवामा होटल व्यवसाय गरेर बसेकी छिन्।

न्याकका स्थानीयले अहिले पनि छोरालाई सहर र छोरीलाई गाउँमै राख्ने गर्छन्। कतिपयले छोरीलाई पढाउँदैनन्। पढ्न, रोजगारीको सिलसिलामा सहर झरेका युवाले गाउँका केटी बिहे नगर्दा थुप्रै युवतीको बिहे भएको छैन। अहिले गाउँमा युवतीको र बिहे नभएका महिलाको संख्या धेरै छ। अन्यत्रबाट त्यहाँका युवती बिहेवारी गर्न युवक पुग्दैनन्। – पूर्वेलीन्यूज ।

यो हो पैसा फल्ने रुख

money-tree

वास्तवमा पैसा कमाउन सजिलो छैन । भनिन्छ पैसा रुखमा फल्दैन । तर यो दुनियामा यस्तो रुख पनि छ, जसमा पैसा फल्दछ । जहाँ एउटा देशको मात्र कहाँ हो र अन्य देशको पनि पैसा फल्दछ । तपाइँले यसरी रुखमा पैसा फलेको तलका तस्वीरमा प्रष्ट देख्न सक्नुहुन्छ ।

यसरी पैसा फल्ने रुखको विरुवा त आफ्नो घरमै ल्याएर रोप्न पाए हुन्थ्यो भन्ने चाहना जाग्यो होला हैन ? तर के गर्नु, यो रुख अप्राप्य छ र यो जस्तो अर्को कुनै रुख यो दुनियामा छैन । यो रुख आफ्नो प्रजातिको अन्तिम रुख हो पृथ्वीमा ।

बेलायतको स्कटिस हाइल्याण्डस्थित पिक डिस्टि्रक्ट जंगलमा यो अनौठो रुख छ । पैसाले लादिएको यो रुख १७ सय वर्ष पूरानो हो । यो रुखको काण्डमा कुनैपनि त्यस्तो ठाउँ छैन जहाँ बेलायती मुद्राका सिक्का नटाँसिएका होउन् । देख्दैमा अद्भुत छ यो रुख ।

वास्तवमा यो रुखमा पैसा फलेका भने होइनन् । मानिसहरुले टाँसेका हुन् यसमा पैसा । रुखमा पैसा टाँस्नका लागि टाढा टाढाबाट मानिसहरु आउँछन् । धेरै विदेशी पर्यटक पनि आउँछन् यहाँ ।

त्यसैले रुखमा बेलायती तथा अन्य विदेशी सिक्का पनि टाँसिएका छन् । यहाँ कुनैपनि जोडी गएर रुखमा सिक्का टाँस्नाले मानव जोडीको सम्बन्ध अटूट हुने मान्यता छ ।