Home / मनोरंजन (page 2)

मनोरंजन

‘बाख्राको जस्तो स्वर’ भन्दै गायनबाट निकालिएको थियो साकिरालार्इ

विश्वप्रसिद्ध पपगायिका साकिराको गीत र स्वर मन नपराउने संगीतप्रेमी सायदै होलान् । पृथक् गायन शैली र दमदार स्टेज प्रस्तुतिका कारण उनका फ्यान संसारभर छन् । कुनै समय उनलाई ‘स्वर राम्रो छैन’ भनेर गायन प्रतियोगिताबाट निकालिएको थियो भन्दा पत्याउन गाह्रो पर्छ । तर यो सत्यको खुलासा साकिराले नै गरेकी छन् ।
 shakira_251410013
साकिरा ११ वर्षको हुँदा विद्यालयमा भएको समूह गायन प्रतियोगितामा भाग लिन गएको बेला संगीतका शिक्षकले ‘बाख्राको जस्तो आवाज’ भन्दै साकिरालाई समूहबाट निकालेका थिए । तर गायनबाट करियर बनाउने दृढ संकल्पका साथ अगाडि बढेकी उनी यस्ता ‘रेजेक्सन’को बेवास्ता गर्दै अगाडि बढेकाले अहिले विश्वसंगीतमा सफलताको चुचुरो चुमेकी हुन् ।
सो घटनाबाट त्यतिबेला आफूलाई निकै लज्जा महसुस भए पनि हतोत्साही नभएको उनले हालै एक अन्तर्वार्तामा खुलासा गरेकी हुन् । पाँच वर्षको उमेरदेखि गाउन थालेको र संगीतबाहेक जीवनमा अर्को विकल्प नदेखेकाले अहिले यो स्थानसम्म आउन सकेको उनले बताएकी छन् । आठ वर्षको उमेरमा आफ्नो पहिलो गीत लेखेकी उनलाई बाबुले ‘तिमी राम्रो गाउँछ्यौ, कसैको कुरा नसुन’ भन्दै सम्झाउने गर्थे ।
शिक्षकले उनले आवाज बाख्राको जस्तो आवाज निकालेको आरोप लगाउँदा साकिरालाई आश्चर्य लाग्नुका साथै केही समय ‘ठीकै भनेको होला’ भन्ने पनि लागेको थियो । तर गायनमा आफ्नो आत्मविश्वास र स्वमूल्यांकनबाट त्यो गलत भएको र गाउन सक्छु भन्ने विश्वास भएकाले आफू हतोत्साही नभएको उनले बताएकी छन् । एजेन्सी

 

बिवाह गर्नु भन्दा नगर्नु राम्रो, एकल जीवन उत्तम हुन्छ- विज्ञानले यसै भन्छ र यसका कारण यस्ता छन

सामुदायिक मूल्य मान्यता पालना गर्नुपर्ने यो समाजमा ‘एकल व्यक्ति’ जहिले पनि जिज्ञासाको विषय बन्न पुग्छ। अनि एकल व्यक्तिलाई यो समाजले हेर्ने दृश्टिकोण पनि फरक हुन्छ!
एकातर्फ इन्टरनेटभरी नै एक्लै हुनेहरूले गुनासो गरिरहेका छन् भने अर्कोतर्फ सारा विश्व नै भ्यालेन्टाइन दिवसलाई भव्य रूपले मनाउने तरखर गरिरहेका छन्। यसैक्रममा, ‘साइकोलोजी टुडे’मा प्रकाशन भएको अनुसन्धानको एक रिपोर्टले भने एकल हुनुका केहि फाइदाहरूलाई टिपोट गरेको छ।Capture-332
“एकल व्यक्तिहरू अरूभन्दा लचिलो हुन सक्छन्”
विज्ञहरू भन्छन्, एकल व्यक्तिहरूले कुनै पनि जटिल मुद्दामामलालाई विवाहित व्यक्तिले भन्दा सजिलो तरिकाले हल गर्न सक्दछन्। सायद यो कुरा ठीकै हुन सक्छ, किनभने विवाहितले जस्तो एकल व्यक्तिले भावनात्मक झञ्झटलाई बेहोर्नुपर्दैन र वैकल्पिक ढङ्गले जुनकुनै अवस्थालाई पनि सामना गर्न सक्दछ।
“एकल व्यक्तिहरू सामाजिक क्रियाकलापमा बढि अग्रसर हुन्छन्”
हुन पनि हो, अधिकांश विवाहित व्यक्तिहरू आफ्नै परिवारको उत्तरदायित्व निर्वाह गर्नमै व्यस्त हुने गर्छन्। पुराना साथीहरू अनि परिवारका जेष्ठ सदस्यहरूसँग समय बिताउन पाउँदैनन्। तर ठ्याक्कै विपरीत, एकल व्यक्तिलाई पारिवारिक बोझले ओगटेको हुँदैन।
“एकल व्यक्तिको व्यक्तिगत सम्बन्ध सच्चा हुन्छ”
हुन त एकल व्यक्तिका साथीको जमात त्यति ठूलो हुँदैन, तर जति पनि साथीसङ्गी हुन्छन्, उनीहरूसँगको नाता एकदमै प्रगाढ हुन्छ।
“अधिकांश एकल व्यक्तिहरू रचनात्मकता र मौलिकतामा ध्यान दिने खालका हुन्छन्”
शान्त वातावरण रुचाउने एकल व्यक्तिले आफ्नो समयलाई कुनै रचनात्मक तथा बौद्धिक काममा लगाउने गर्छन्, जसले गर्दा उनीहरूको जीवन हरेक पक्षबाट समृद्ध हुन्छ।
“कसैको अनुमतीबिना नै स्वतन्त्र भएर हिँड्न पाउने व्यक्ति भनेको एकल व्यक्ति नै हो”
ल मानौँ, एक दिन तपाईँलाई कुम्लोकाम्लो बोकेर कतै यात्रा गर्न मन लाग्यो, अनि तपाईँ विवाहित हुनुहुन्छ। अब भन्नुहोस्, के तपाईँले त्यस्तो गर्ने स्वतन्त्रता पाउनुहुन्छ? तर यदि तपाईँ एक्लो हुनुहुन्छ भने तपा‌ईँलाई कसले रोक्न सक्छ र?
एकल जीवन बिताउन पाउनु एक प्रकारको आशिर्वाद नै मान्न सकिन्छ। तर समाजले यो कुरा बुझ्दैन। सम्भावनाको सुनौलो अवसरले भरिएको यो जीवनलाई अझै खोतल्दै जाने मौका हो भन्न सकिन्छ एकल जीवनलाई। बिभिन्न् अनलाइनहरूबाट साभार

जापानमा जीतुले फेसबुक प्रयोग गर्न नजान्दा आउने समस्या माथि ब्यङ्ग्य गर्दा…….

sakura-night

ग्रिस्मा इन्टरटेन्मेन्ट र सुर्य कर्पोरेसनले जापानमा ‘साकुरा नाइट’ भव्य रुपमा सम्पन्न गरेको छ । गोल्डेन विकको अवसर पारेर यो कार्यक्रम आयोजना गरिएको हो । फुकुओका स्थित च्युओ सिमिन सेन्टर हलमा नेपालबाट गएका चर्चित कलाकारले मनोरञ्जन दिने काम गरे ।

नेपालका ख्यातीप्राप्त गायक रामकृष्ण ढकालको साथमा हिमाल सागर र गायिका मिलन अमात्यले दर्शकलाई झुमाएका थिए । हिमाल र मिलनले गीत गाउँदा दर्शकले वन्स मोर भनेका थिए । यस्तै, हाँस्य कलाकार जीतु नेपालले फेसबुकलाई सदुपयोग गर्न नसक्दाको कमेडीले दर्शकलाई खुबै हसाँयो । उनले अन्य रोचक र घोचक कमेडी पस्किए । संचारकर्मी नरेश भट्टराइले कार्यक्रमको उद्घोषण गरेका थिए ।

विभिन्न चर्चित कलाकारको साथमा ग्रिस्मा इन्टरटेन्मेन्टले विदेशी भूमिमा कार्यक्रम आयोजना गर्दै आएको छ । कार्यक्रममा गि्रस्माका प्रमुख गृहेन्द्र घिमिरे पनि सहभागी थिए ।

अष्ट्रेलियामा सन्तोष र रश्नाको यस्तो प्रेम मोह भिडियो सहित

rasna

अष्ट्रेलिमा संचालनमा आएको राड स्टूडियोले नयाँ गीत तयार पारेको छ । ‘तिमी भित्र’ बोलको गीतमा निमुखा युवराजको शब्द छ । यो स्टूडियोमा राजेश घिमिरे र सरोज परियार आवद्ध छन् ।

डिजिटल की प्रोडक्शन सिड्नी र मोक्ष प्रोडक्शनको प्रस्तुतीमा यो म्यूजिक भिडियो तयार पारिएको हो । सौरम मानन्धरले यो गीतको भिडियोलाई छायांकन तथा निर्देशन गरेका छन् । मोक्ष प्रोडक्शनका प्रविण श्रेष्ठले भिडियोको सम्पादन गरेका हुन् ।

भिडियोमा सन्तोष कुमार श्रेष्ठ र रश्ना प्रधानले मोडलिङ गरेका छन् । अष्ट्रेलियामा रहँदै आउका सन्तोष कुमारले त्यहाँ फिटनेशनको तालिम पनि दिने गरेका छन् । उनले केही अन्तरराष्ट्रिय फिटनेश प्रतियोगीतमा स्वर्ण पदक पनि जितेका छन् । यस्तै, मोडल रश्नाले पनि नेपालमा विभिन्न र्‍याम्पमा मोडलिङ र टेलिभिजन विज्ञापनमा काम गरेकी थिइन् ।

यो टिमले तयार पारेको भिडियोलाई उत्कृष्ट बनाइएको छ । गीतको भाव अनुसार गीतलाई ढालिएको छ ।

बन्द भयो हाँस्य टेलिश्रृंखला ‘तितो सत्य’

काठमाडौं : नेपाल टेलिभिजन प्रसारण हुने चर्चित हाँस्य टेलिश्रृंखला तितो सत्य बन्द भएको छ ।
 Deepak_raj_giri_dipashree_niraula_tito_satya_899182898
१२ वर्षदेखि प्रसारण हुँदै आएको ‘तीतो सत्य’लार्इ निर्देशक एबम् मूख्य कलाकार दीपकराज गिरीले बन्द गरेको घोषणा गरेका हुन् ।
‘६ सय भागसम्म प्रसारण भइसकेको नेपालकै सबैभन्दा लामो हाँस्य धाराबाहिक ‘तीतो सत्य’ अब नेपाल टेलिभिजनमा प्रसारण हुने छैन,’ उनले आफ्नो फेसबुकमा लेखेका छन् ।
कार्यक्रम निर्माता संस्था मिडिया हब प्रालि भ्रष्टाचारमा मुछिएपछि आर्थिक अभावले ‘तितो सत्य’ बन्द गर्नुपरेको दीपकको भनाइ छ ।
‘पछिल्लो समय धेरै पटक पूराना भागहरू दोहोरिने, नयॉ बिषय बस्तु नआउने र बिभिन्न बाधाहरूबी दर्शकहरूको चाहनालार्इ सम्बोधन गर्न नसकिएको अबस्थालाइ बिचार गर्दा जबरजस्ती कार्यक्रमलार्इ टिकाइरहनु भन्दा पछाडि हटनु नै उपयुक्त ठानी यो १२ वर्षे यात्रालाइ पूर्णबिराम दिने निर्णय गरेका छौं’, दीपकले भनेका छन् ।
उनले विषय बस्तु दोहोरिन थालेपछि कार्यक्रमको विश्वसनीयतामा पनि प्रश्न उठेकाले बन्द गर्नुपरेको जनाएका छन् । भारतले नाकाबन्दी गरेपछि इन्धन अभावमा सुटिङस्थलसम्म आवतजावत गर्न समस्या भएपछि तितो सत्य र मेरी बास्सै ! सहितका टेलिश्रृंखलाले पुरानै भाग प्रसारण गर्दै आएका थिए ।
दीपकराज गिरीले फेसबुकमा राखेको वक्तब्य
तीतो सत्य आधिकारि रूपमा बन्द गरियो:
आदरणिय दर्शक महानुभाबहरू ६०० भागसम्म निरन्तर प्रसारण भैरहेको नेपालकै सबैभन्दा लामो हास्य धारावाहिक “तीतो सत्य” अब नेपाल टेलिभिजनबाट प्रसारण हुने छैन ।
पछिल्लो समय धेरै पटक पूराना भागहरू दोहोरिने नयॉ बिषयबस्तु नआउने र बिभिन्न बाधाहरूबीच दर्शकहरूको चाहनालार्इ सम्बोधन गर्न नसकिएको अवस्थालार्इ विचार गर्दा जबरजस्ती कार्यक्रमलार्इ टिकाइरहनु भन्दा पछाडि हटनु नै उपयुक्त ठानी यो १२ वर्षे यात्रालाइ पूर्णबिराम दिने निर्णय गरेका छौँ ।
यो लामो समय साथ दिने आदरणीय दर्शक नेपाल टेलिभिजन, सोम दाइ, मिडिया हब कलाकार, टेक्निसियन लगायत सम्पूर्ण बिज्ञापनदाताहरूमा ह्दयदेखि धन्यबाद दिन चाहन्छौँ ।
कूनै पनि विश्राम शक्तिसंचयका लागि हुनुपर्छ । अत: यो पनि छोटो विश्राममात्रै हो । तीतो सत्य यूनिटले दर्शकहरूमाझ सबै हाँस्य कलाकारको सहयोगमा “छ एकान छ”, वडा नम्बर छ” जस्ता चलचित्र पनि नयॉ सोचकै कारण निर्माण गर्न सफल भयो ।

अत: भबिष्यमा पनि फेरि नयॉ सोचका साथ हाँस्य धारावाहिक तथा चलचित्र निर्माणलार्इ निरन्तरता दिने नै छ । दर्शकको माया निरन्तर पाउने आशा भरोसा सधैँ झैँ मनमा सॉचेर बिदा हुदैछौँ

हॉसखेल गर्दैमा छूटिने बेला भो आजको दिनैमा ।
जय नेपाल

 

मुस्ताङ, नेवारी खाना र मरिचमान सिंह अशिष्मा नकर्मीलाई के-के मनपर्छ ?

कार्तिक १६, २०७२- नायिका अशिष्मा नकर्मी यति बेला प्रदर्शनरत फिल्म ‘अधकट्टी’ को गीत ‘मेरो फिगर कोकाकोला…’ मार्फत फिल्मी दर्शकमा बढी चिनिइन्। उनी त्यसअघि नै नेवारी फिल्मका दर्शकमाझ परिचित कलाकार हुन्। अभिनयमा दत्तचित्त अशिष्मा पछिल्लो समय निर्देशककी मनपर्ने नायिकामा पर्छिन्। उनलाई चाहिँ के मनपर्छ त?  Capture

ठाउँ

अहिलेसम्म पुगेका गाउँमध्ये मन परेको त मुस्ताङ नै हो। नेपाललाई स्वर्ग भनिन्छ। त्यहाँ पुगेपछि बल्ल फिल भयो। सुन्दर क्षितिज, ताल, हिमाल सबैको सम्मिश्रण नै त्यही भएकाले नेपालको स्वर्ग नै मुस्ताङ हो जस्तो लाग्यो।

विदेश

युरोप मलाई एकदमै मनपर्छ। आइफल टावर हेर्ने ठूलो इच्छा थियो, त्यो पूरा भयो। अब जान मन लागेको ठाउँ अस्ट्रेलिया हो।

परिकार

नेवारी खाना मनपर्छ। तर म धेरै पिरो खान सक्दिनँ। त्यसैले नेवारीबाहेक जापनिज, कोरियन खाना मनपर्छ। किनकि ती खानामा अलिक स्पाइसी कम हुन्छ।

पहिरन

किन किन मलाई साडी, लेहेंगा नै मनपर्छ। दैनिक रूपमा त म क्याजुअल पाइन्ट, सर्ट नै लगाउँछु। तर अकेजनल्ली साडी, लेहेंगा लगाइरहेकी हुन्छु।

सवारी साधन

हाम्रो सडकको अवस्था हेर्दा सबैभन्दा सजिलो त स्कुटर नै हो। मसँग पनि स्कुटर नै छ, त्यही मनपर्छ। ड्याडीले सधैं गाडी किन भन्नुहुन्छ। पैसा पनि दिइसक्नुभएको छ। उहाँको इच्छा पूरा गर्न लिन पनि सक्छु। तर जब मेरो कमाइ बलियो हुन्छ र मेन्टेन गर्न सक्ने हुन्छु तब मात्रै लिन्छु। अहिले पाँच सयले हुन्छ भने गाडी भएपछि पाँच हजार रुपैयाँले पनि नपुग्ला।

फिल्म कि म्युजिक भिडियो?

दुवै उत्तिकै मनपर्छ। खासमा मलाई अभिनय मनपर्ने भएकाले फिल्म, सर्टफिल्मको होस् वा म्युजिक भिडियोको, सबै मनपर्छ।

नेवारी फिल्म कि नेपाली फिल्म?

दुवै। नेवारी फिल्म मेरो पहिचान हो भने नेपाली फिल्मले मलाई अशिष्मा भनेर अलि बृहत् रूपमा चिनाएको छ। दुईमध्ये कुन रोज्ने भन्नु भनेको कुन चाहिँ आँखा फुटाउने भनेर सोधे जस्तै हो मेरा लागि।

फिल्म

लभस्टोरी र त्यसपछि कमेडी फिल्म मनपर्छ। ऐतिहासिक फिल्म पनि हेर्न मनपर्छ। विदेशी फिल्ममा ‘अ वक टु रिमेम्बर’ मनपर्छ भने नेपाली फिल्ममा ‘प्रेमपिण्ड’ र ‘कुसुमे रुमाल’।

अभिनेता

अहिलेसम्म मनपर्ने एक्टर मेरा लागि त मह जोडी (मदनकृष्ण श्रेष्ठ र हरिवंश आचार्य) नै हुनुहुन्छ।

अभिनेत्री

मिथिला शर्मा र गौरी मल्ल।

पुस्तक

म त्यस्तो साहित्यको पाठक त होइन। तर पढेकामध्ये एकदम मन परेको भनेको ‘द सेक्रेट’ पुस्तक हो।

नेता

मरिचमान सिंह। अहिलेको अवस्थामा आएर बुझदा देशलाई चाहिने नेता भनेको उहाँ नै हो जस्तो लाग्यो। अहिले हामीलाई राष्ट्रिय स्वाधीनता रक्षाका लागि मरिचमान जस्तो नेता चाहिएको छ।

ईन्डीयाको भर नपरम चाईना तिरै जाम

12165897_1056670527710969_1370823914_n

कतारको स्टुडीयोमा रेकर्ड भएको समय सान्दभिक गीत मार्फत कलाकार यूवराज छन्त्याल , राधिका हमाल र देविका के सी आफ्नो आवजलाई बुलन्द बनाऊन लागी परेका छन । यूवराज छन्त्याल को लय तथा शब्दमा रहेको यस गीतमा यूवराज छन्त्याल , राधिका हमाल र देविका के सीको आवाज रहेको छ । मिलिजुली बसम अब बाडिचुडी खाउ, नुन र तेल लिनलाइ चाइना तिर जाउ भन्ने शब्दमा रेकर्ड गरिएको ऊक्त गीत मिक्सीङको लागी नेपाल पठाईएको जानकारी गायीका देवीका केसी बाट प्राप्त भएको छ । च्यानलएनपी डट कमलाई प्राप्त भएको यो छोटो अडीयो क्लीप सुन्नुहोस्

गरिमाको रोटेपिङमा कपाल बेरियो, नन्दिताले टाट बनाइन् फुपुलाई

नेपालीहरुले दसैं मनाइरहेका छन् । तर, यसपटक भने दसैंमा नेपालीलाई इन्धन र ग्यास जोड्ने चपेटाले नै हैरान बनाएको छ । सायद, यसैले पनि होला यसपटकको दसैंमा गतबर्षको जस्तो उमंग देखिएन । तर, पनि नेपाली चलचित्रका कलाकारहरुले आफ्नो अविस्मरणिय दसैंलाई यसरी संझिएका छन् ।
garima-panta
रोटेपिङमा कपाल बेरियोः गरिमा पन्त

अहिले पनि मलाई अरुले पीङ खेलेको देख्दा आङ सिरिङ्ग भएर आउँछ । डोरी पिङमा त म पनि रमाइलो गर्छु । तर, रोटेपिङ सम्झदै कहाली लागेर आउँछ ।

मेरो घर तनँहुमा हरेक दसैंमा रोटे पिङ हाल्ने चलन थियो । हामीहरु साथी साथी मिलेर रोटेपिङ खेल्न जान्थ्यौं । म १३ वर्षकी थिएँ । पीङ खेल्दा खेल्दै मेरो कपाल बेरियो । म जोडले चिच्याएर रोएँ । हत्त न पत्त पिङ रोकेर मलाई पिङवाट ओराल्नु भयो ।

त्यो घटना म कहिल्यै बिर्सन्न । अहिले सम्झन्छु, तीस सेकेण्ड मात्रै ढिला भएको भए जे पनि हुन्थ्यो ।

benisha

मुगु बस्दा घर सम्झिँएः बेनिषा

पोहोर साल चलचित्र ‘कालोपोथी’ को सुटिङ गर्दा मुगुमै दसैं मनाएँ । सुटिङ युनिटमा संलग्न धेरै साथीहरु रमाईला थिए तर, पनि घरको याद आउँदो रहेछ । म त चितवनको मान्छे । हाम्रो घरतिर ठूलाले सानालाई टिका लगाएर आर्शिवाद दिने चलन हुन्छ । तर, मुगुतीर सबैले पालै पालो टिका लगाईदिने चलन देखेर नौलो अनुभुती भएको थियो ।

आफ्नै फुपुलाई टाट बनाएँः नन्दीता केसीCapture

हरेक वर्ष म दसैंमा घर अर्घाखाची नै जान्छु । प्राय यस्ता चाडमा हामी तास खेलेर रमाईलो गर्छौं । प्राय म फुपूसँग तास खेल्छु । तर, आजसम्म मलाई फुपुले जित्न सक्नु भएको छैन । हरेक वर्ष कम्तिमा पनि दश हजार रुपैयाँ फुपुको पैसा मैले मारेकै हुन्छु । हामी घरमै म्यारिज खेल्छौं । उधारो हुन्न हाताहाती खेल्ने चलन छ ।

onlinekhabar

बिजया दशमी को शुभकामना

बिजया दशमी को पावन अबसर मा सम्पूर्ण नेपालि आमा बुवा दाजु भाइ तथा दिदि बहिनि मा शुभबिहानी .com को तर्फ बाट हार्दिक मंगल मय शुभकामना टक्र्याउन चाहान्छु |बिजया दसमी ले सबै को घर मा हासो खुसि र उमंग ल्याओस फेरी पनि बिजया दशमी को शुभकामना

 

12036305_1040185386026150_1793339647_n