Home / प्रवास / साउदीका गैरकानुनी विदेशी कामदारले आममाफी नलिए २८ लाखसम्म जरिवाना

साउदीका गैरकानुनी विदेशी कामदारले आममाफी नलिए २८ लाखसम्म जरिवाना

saudi-arebia

१० चैत, काठमाडौं । साउदी अरेबियाले आममाफीका लागि दिएको ९० दिनको समयसीमा भित्रमा देश नछोड्ने अवैध (इलिगल) आप्रबासी कामदारलाई ठूलो जरिवाना रकम लगाउने निर्णय गरेको छ । आममाफीका लागि जारी गरिएको सूचनाअनुसार आफू स्वदेश फर्किन प्रक्रिया अघि नबढाउने कामदारले अब २८ लाख रुपैयाँसम्म जरिवाना तिर्नुपर्ने भएको छ ।

धेरै नेपाली कामदार पनि साउदीमा अवैध कामदारका रुपमा रहेकाले उनीहरुले आममाफीका सदुपयोग नगरे ठूलो जरिवाना तिर्नुपर्ने छ ।

 

कम्तिमा ४ लाख २० हजार रुपैयाँदेखि २८ लाख रुपैयाँ अर्थात १५ हजार देखि १ लाख रियालसम्म जरिवाना लगाउने निर्णय साउदीले गरेको हो । साउदीको अध्यागमन विभागले यसरी जरिवाना तिरेर फर्किएकालाई फेरि साउदीमा आउन नदिने निर्णय पनि गरेको छ ।

आममाफीको प्रक्रिया चैत १६ गतेदेखि लागू हुनेछ । यसको ९० दिनको अवधिमा श्रम ऐन उल्लंघन गर्दै साउदी अरबमा कार्यरत विदेशी कामदारले विना सजाय देश छाड्न सक्नेछन् ।

यो अभियान १९ वटा सरकारी निकायहरुले सञ्चालनमा ल्याउने छन् । यस्तो सुविधा हज वा उम्राहको दर्शनको लागि आएर भिषा अवधि समप्त भएपछि पनि घर फिर्ता नभएका र भिसासँग सम्बनिधत अन्य मामिलामा पनि यो सुविधा लागू हुनेछ ।

यो सुविधा अवधि समाप्तिपछि पनि बसाई नटुंगाउनेहरुले भने जरिजाना सहित सजाय भोग्नु पर्ने पनि त्यहाँको सरकारले स्पष्ट पारेको छ । यसअघि ३ वर्ष पहिले यस्तै कार्यक्रम सञ्चालनमा ल्याउँदा करिब २५ लाख मानिसले साउदी छोडेका थिए ।

(Visited 1 times, 1 visits today)
x

Check Also

मलेसियामा मृत्युदण्ड पाएका १३ नेपाली भन्छन्ः बाँच्ने आश मर्‍यो

  १० फागुन, काठमाडौं । जेलमा नेपाली अधिकारी भेट्न पुग्दा ‘मलाई फाँसी दे’ भन्दै ठुल्ठूलो ...