Home / अन्तर्राष्ट्रिय खबर / सिरियामा अमेरिकाले गर्‍यो मिसाइल आक्रमण

सिरियामा अमेरिकाले गर्‍यो मिसाइल आक्रमण

missile

२५ चैत, काठमाडौं । अमेरिकाले सिरियामा मिसाइल आक्रमण सुरु गरेको छ । विद्रोहीको कब्जामा रहेको क्षेत्रमा रासायनिक आक्रमण भएपछि अमेरिकाले यो कदम चालेको हो ।

 

पेन्टागनका अधिकारीहरुका अनुसार भूमध्यसागरमा रहेको नौसैनिक युद्धतोपबाट ५० भन्दा बढी टोमाहक क्षेप्यास्त्र प्रहार गरिएको छ ।

अमेरिकाले उत्तरी सिरियाको होम्स नगरको सिरियाली हवाई अखडालाई निशाना बनाएको बताइएको छ ।

राष्ट्रपति डोनाल्ड ट्रम्पले रासायनिक हमला भएको भनिएको सिरियाली हवाई अखडामा सैन्य कारबाहीका लागि आफूले आदेश दिएको बताएका छन् । उनले भने, रासायनिक अस्त्रको विस्तार र प्रयोग अमेरिकी राष्ट्रिय सुरक्षा स्वार्थ विपरित छ ।’

मंगलबार मात्र सिरियाको एक इलाकामा नर्व ग्यासको प्रयोग भएको थियो, जुन इलाका विद्रोहीको कब्जामा छ ।

यो घटनापछि अमेरिकी विदेशमन्त्री रेक्स टिलिरसनले भविश्यको सिरियामा त्यहाँका वर्तमान राष्ट्रपति बसर अल असदको कुनै भूमिका हुन नहुने बताएका थिए ।

(Visited 1 times, 1 visits today)
x

Check Also

प्रहरी अधिकारीको कुटेर हत्या

१० असार, श्रीनगर (भारत) । भारत अधिनस्थ काश्मिरमा रहेको एक मस्जिदको बाहिर गस्तीमा रहेका एकजना ...