Home / रास्ट्रिय खबर / करोडौं कुम्ल्याएर कैंलाश बैंकका प्रवन्धक फरार, खोजिदिन सिआइबीसँग गुहार

करोडौं कुम्ल्याएर कैंलाश बैंकका प्रवन्धक फरार, खोजिदिन सिआइबीसँग गुहार

५ वैशाख, काठमाडौं । कैलाश विकास बैंकको लामाचौर शाखाका प्रवन्धक रवीचन्द्र खनाल बैंक र सर्वसाधारणको ठूलो रकम हिनामिना गरेर सम्पर्कविहीन भएका छन् ।

उनले बैंकका ग्राहकलाई उच्च व्याजदर दिने भन्दै प्रलोभनमा पारेर ठूलो रकम सापटी लिने तथा केही ग्राहकको पैसा डिपोजिट नगरी ठग्ने गरेको प्रारम्भिक अनुसन्धानबाट देखिएको छ । त्यसबाहेक खनालले किर्ते हस्ताक्षर गरेर ठूला ग्राहक र सहकारीको रकम निकाल्ने गरेको पनि अनुमान गरिएको छ । खनाल करिब आठ करोड रुपैयाँ लिएर फरार भएको प्रहरीको अनुमान छ ।

 

बैंकमा जम्मा गर्न आएका ग्राहकको रकम डिपोजिट गरिदिएको भन्दै उनले ठग्ने गरेको प्रहरीको भनाइ छ । स्रोतका अनुसार, खनाल चैत ३१ गतेसम्म बैंकमा कार्यरत थिए । त्यसपछि लगातार दुई दिन बन्द भएपछि आइतबार मात्र कार्यालय खुलेको थियो । कार्यालय खुलेको दिन खनालकी पत्नी लक्ष्मी देवकोटा श्रीमानको खोजी गर्दै बैंक पुगेको र खनाल सम्पर्कमा नआएपछि बल्ल उनले ठगी गरेको आशंका गरिएको थियो ।
नागरिक दैनिकका अनुसार, बैंकले ठूलो रकम ठगी भएको भन्दै प्रहरीको केन्द्रीय अनुसन्धान व्युरो (सिआइबी) मा उजुरी गरेको छ । खनाल अमेरिका भिषा पाएका व्यक्ति हुन् ।

Loading...
x

Check Also

bus-accident

तीर्थयात्री सवार बस कागवेनीमा दुर्घटना, ५ जनाको मृत्यु

९ बैशाख, पोखरा । जोमसोमबाट मुक्तिनाथ जाँदै गरेको तीर्थयात्री सवार बस कागबेनीमा दुर्घटना हुँदा ५ ...