Home / रास्ट्रिय खबर / येसरी धोका दिय प्रचण्ड ले ओली लाइ ९-९ महिना प्रधानमन्त्री बन्ने देउवा र प्रचण्डको गोप्य सहमति

येसरी धोका दिय प्रचण्ड ले ओली लाइ ९-९ महिना प्रधानमन्त्री बन्ने देउवा र प्रचण्डको गोप्य सहमति

२९ असार, काठमाडौं ।
बाहिर सात बुँदे सहमति गरेको देखाए पनि कांग्रेस र नेकपा माओवादी केन्द्रबीच तीनवटै चुनाव दुई पार्टीले गर्ने गरी सहमति भएको छ । कांग्रेसको केन्द्रीय समिति र संसदीय दलको बैठकमा ओली सरकार गिराउन लागेका विमलेन्द्र निधिले यो खुलासा गरेका हुन् ।sher br deuwa prachanda

धोका दिंदै आएको माओवादीले फेरि पनि धोका दिन सक्ने भन्दै कांग्रेस नेताहरुले असन्तुष्टी व्यक्त गरिरहेका बेला निधिले माओवादीसँग दीर्घकालीन सत्ता साझेदारीबारे बोलेका हुन् । ‘अबको माओवादी नेतृत्वको सरकारले स्थानीय तहको निर्वाचन मात्रै गर्ने हो’ निधिले बैठकमा भने, ‘त्यसपछि कांग्रेस नेतृत्वमा सरकार बन्छ र त्यसले प्रदेशको पनि चुनाव गर्छ र संसदको पनि चुनाव गर्छ । यो सात बु“देमा यी विषय छैनन् तर, अर्को तीन बुँदे सहमतिमा यी विषय उल्लेख छन् ।’

यसरी गरिएको सत्ताभागबण्डामा प्रचण्डलाई ९ महिना भाग परेको छ । यता देउवालाई पनि ९ महिना नै परेको छ । प्रचण्डले स्थानीय निकायको चुनाव गरेपछि उनी फेरिनेछन् । र चैतपछि कांग्रेसबाट देउवा प्रधानमन्त्री बन्नेछन् । देउवा प्रधानमन्त्री भएपछि यो संसदको आयु रहेको समय अर्थात् २०७४ माघसम्म प्रदेशको चुनाव गरिसकेर केन्द्रको तल्लो तहको सदनको चुनाव गरिसक्नुपर्ने छ । यसका लागि संघीयता कार्यान्वयन गर्नुपर्ने चुनौति देखिएको छ । सात बुँदे र तीन बुँदे सहमति गर्नका लागि कांग्रेसबाट विमलेन्द्र निधि र माओवादी केन्द्रबाट कृष्णबहादुर महरा लागेका थिए ।

 

सजिलो छैन नयाँ सरंचनासहितको स्थानीय चुनाव
यस अघि प्रधानमन्त्री केपी ओलीले चुनाव घोषणा गर्दा कांग्रेसले विरोध गरेको थियो । तर, अब प्रदेशको सीमांकन, मिलाएर स्थानीयपालिका चुना गराउन भने सहज छैन । किनकी सीमांकन निक्कै जटिल बन्दै गएको छ । सीमांकनलाई आयोग नै गठन भए पनि यसले यो जटिल विषयमा सहमति जुटाएर चैतभित्रै सीमांकन तोक्न सहज छैन ।

स्थानीय पालिका नबन्ने र चुनाव पनि हुने अवस्था आयो भने कांग्रेस र माअ‍ोवादीबीचको यो सहमतिको हावा खाने देखिन्छ । र, गठबन्धनमा नै समस्या आउनेछन । सरकारलाई कमजोर बनाइ गठबन्धन टुटाउन त्यतिखेर प्रमुख प्रतिपक्ष बन्ने एमालेले असहयोग गर्न सक्नेछ । तल्लो तहमा स्थानीयपालिका बनाउँदा कति गाविसलाई मिलाउने भन्नेमा नै विवाद छ । कही एउटै गाविस ठूला छन् भने कहीं असाध्यै साना गाविस छन् । यस्तो अवस्थामा स्थानीयपालिका कति वटा हुने, सीमाकंकन जिल्ला नटुक्र्याए कसरी गर्ने भन्नेमा पनि समस्या छ ।

यसरी देउवा र प्रचण्ड मिले पनि सीमाकंनमा दशतिर मुख फर्किएका दलबीच सहमति भएर स्थानीयपालिका नै बन्न सबैभन्दा जलिट विषय छ । यस्तो जटिलताले यी दुई दलबीचको गठबन्धनमा असर पुर्याउने आँकलन गर्न थालिसकिएको छ ।

देउवालाई समस्या
माओवादीसंग सत्तामा जोडिनै लाग्दा गरिएको सहमतिप्रति कांग्रेसकै रामचन्द्र पौडेल, प्रकाशमान सिंह, सुजाता कोइराला, महेश आचार्य, रामशरण महतसहितका नेताको विरोध छ । पहिले विधिमा पार्टी चलाउनुपर्छ भन्दै राजनीति गरेका देउवाले नै आफूखुशी माओवादीसंग सहमति गरेको आरोप उनीहरुले बुधबारको केन्द्रीय समिति र संसदीय दलको बैठकमा लगाएका थिए । आफूखुशी यस्तो गर्न नहुने भन्दै आइन्दा पार्टीमा छलफल गरेर मात्र अघि बढ्नका लागि उनीहरुले ध्यानाकर्षण गराएका छन् ।

x

Check Also

चितवनमा भेटियो डेंगु, सतर्क रहन चिकित्सकको सुझाव

४ भदौ, चितवन । स्क्रब टाइफस र स्वाइनफ्लु रोगको संक्रमण फैलिरहेको चितवन जिल्लामा डेंगु रोगसमेत ...