Home / बिज्ञान प्रबिधि / ७५ जिल्लामै टेलिकमको वाइम्याक्स सेवा

७५ जिल्लामै टेलिकमको वाइम्याक्स सेवा

११ कात्तिक, काठमाडौं । नेपाल टेलिकमले वाइम्याक्स ‘ब्रोडब्याण्ड इन्टरनेट’ सेवाको पहुँच ७५ वटै जिल्लामा विस्तार गरेको छ ।

telecom-humlaमुलुकमा उच्च गतिको इन्टरनेट सेवा विस्तार गर्ने क्रममा कम्पनीले यसअघिसम्म ७४ वटा जिल्लामा वाइम्यक्स सेवाको पहुँच विस्तार गरिसकेको थियो ।

कात्तिक ७ गतेदेखि हुम्लामा पनि यो सेवा विस्तार गर्दै टेलिकमले सेवाके विस्तार ७५ वटै जिल्लामा सुरु भएको जनाएको छ । नेपाल टेलिकमले २०६९ चैत्र १४ गते देखि आम उपभोक्तालाई यो सेवा उपलब्ध गराउन थालेको हो ।

कम्प्ानीले प्रारम्भमै वाईम्याक्स सेवा कर्णाली अञ्चलवाहेक मुलुकका १३ अञ्चलका ४९ जिल्लामा सञ्चालनमा ल्याई त्यसपछि क्रमशः बाँकी अन्य दुर्गम तथा अति विकट जिल्लाहरुमा विस्तार गर्दै आएको थियो ।

वाइम्याक्स सेवा लिन चाहनेको लागि निम्न अनुसारको डाटा प्याकेज उपल्बध रहेको छ ।

समयावधि भोल्युम (जीबी) महशुल (रुपैयाँमा )
१ महिना ६५०।-
३ महिना १५ १,५००।-
६ महिना ३० ३,३००।-
१२ महिना ६० ५,३००।-
१२ महिना १२० ८,०००।-
१२ महिना २०२ १२,७५०।-
१२ महिना ३३६ २०,४००।-

 

हाल टेलिकमले उपलब्ध गराइरहेको वाइम्याक्स प्रविधिको डाटा वेस सेवाहरु मध्ये सबैभन्दा आधुनिक फोरजी प्रविधिको इन्टरनेट सेवा रहेको दाबी गरेको छ ।

उपभोक्ताले यो प्रविधिमार्फत इन्टरनेट चलाउनका लागि सीपीइ खरिद गर्नुपर्छ । यो उपकरण आउट डोर, इनडोर र युएसबी डोंगल गरी किसिमको हुन्छ ।

Loading...
x

Check Also

facebook

अब डेस्कटप र ल्यापटपमा पनि फेसबुक लाइभ

सोसल नेटवर्किंग साइट फेसबुकको लाइभ ब्रोडकास्टिंग फिचर, फेसबुक लाइभ अब डेस्कटप र ल्यापटप कम्प्युटरमा पनि ...