Home / रास्ट्रिय खबर / प्रचण्ड र देउवाले मार्सल लगाउने भएपछि के गर्छन् ओली ?

प्रचण्ड र देउवाले मार्सल लगाउने भएपछि के गर्छन् ओली ?

१६ पुस, काठमाडौं।

संविधान संसोधन प्रस्ताव अघि बढाउन खोजिएको एक महिना बितिसक्दा पनि के हुने भन्ने प्रष्ट नभइरहँदा शुक्रबार र शनिबारपछि भने अघि बढ्ने संकेत देखिएको छ । सभामुखले जसरी पनि अघि बढाउने, सत्तारुढ दल र मधेस केन्द्रित दलहरुको छलफल पनि सकारात्मक बन्दै गएपछि संविधान संसोधन प्रस्ताव र निर्वाचनसम्बन्धी विधयेक अघि बढ्ने संकेत देखिएको छ ।kp-oli-202922614

सत्तारुढ दल कांग्रेसका शीर्ष नेताहरुले आफ्नै संसदीय दलको कार्यालयमा भएको छलफलका क्रममा मधेस केन्द्रित दलका नेताहरुलाई संसोधन अघि बढ्नेमा ढुक्क हुन आग्रह गर्दै निर्वाचनको लागि तयार हुन आग्रह गरेका थिए । कांग्रेसले ढुक्कता दिलाउँदा मधेसी मोर्चाका नेताहरु दुवै प्रस्ताव र विधयेक टेबल गर्ने र निर्वाचनमा जानसमेत तयार देखिएका थिए ।

संसदमा टेबल भएपछि प्रक्रियामा प्रवेश गर्ने, पास गर्नेसम्मको बाटो खुल्ने आशामा उनीहरु छन् । एमालेको अवरोध भए पनि संसोधन अगाडि बढाउने भएपछि मोर्चा पनि उत्साही हुन पुगेको छ ।

प्रस्ताव अघि बढाउँनको लागि फेरि पनि एमालेले अवरोध गरिरहे मार्सल लगाउने सम्मको रणनीतिमा प्रचण्ड र देउवा पुगेको बताइन्छ । यस्तोमा आधा दर्जनभन्दा बढीपटक संसद अवरुद्ध गर्दै आएको एमाले भने प्रस्ताव नै असंवैधानिक रहेको बताउँदै आएको छ ।

९ दलको विरोध रहेको भन्दै सत्तारुढ दलले भने जसरी अगाडि बढाउन नसक्ने एमालेका सचिव गोकर्ण विष्ट बताउँछन् । एमाले अध्यक्ष केपी ओलीले संसोधन प्रस्ताव जनताको भावना विपरीत भएको भन्दै प्रस्तावको विषयमा आफूहरुले सोच्न पनि नसक्ने बताइरहेका छन् । संसदमा मार्सल लगाएर भए पनि प्रस्ताव अघि बढाउने भयो भने के गर्छन् भन्ने अबको केही दिनमा नै थाहा हुनेछ । आगामी सोमबार सत्तारुढ दलले प्रस्तावलाई संसदमा टेबल गर्ने तयारी गरेका छन् ।

देउवा उत्साहित

देउवाले उत्साहित हुँदै ढुक्क हुन आग्रह गर्दै मोर्चाका नेताहरुलाई प्रस्ताव पारित हुने विश्वास दिलाएका थिए । एमाले ढिलोचाँडो संसोधनमा घिसारिएर आउँने भन्दै देउवाले मोर्चाका नेतालाई विश्वास गर्न आग्रह गरेका थिए । ओली पर्लक्कै पल्टिने स्वभावका नेता भएको भन्दै देउवाले विरोध गरे पनि उनी पग्लिएर आउने भन्दै प्रस्ताव पारित हुने आश्वासन दिएका थिए ।

फाइल तस्बिर
फाइल तस्बिर

देउवाले निर्वाचनको विरोध गर्ने दलहरु पछाडि पर्ने भन्दै मोर्चाका नेताहरुलाई निर्वाचनमा सहमति जुटाउन आग्रह गरेका थिए । निर्वाचन नभए देशमा संवैधानिक संकट आउने र देशले प्राप्त गरेका महत्वपूर्ण राजनीतिक उपलब्धी नै धरापमा पर्ने भन्दै देउवाले २०७४ माघ ७ गतेसम्म तीनवटै निर्वाचन गर्नुपर्ने बताउँदै आएका छन् ।

प्रचण्ड औधी खुशी

यता प्रधानमन्त्री प्रचण्डले पनि मधेसी मोर्चाका नेताहरुसँग शनिबार बिहान छलफल गरेपछि आफू निक्कै उत्साहित भएको प्रतिक्रिया दिएका थिए । शुक्रबार मधेसी मोर्चासँगको छलफलमा नेपाली कांग्रेसले संसोधन प्रस्ताव अघि बढाउन तयार भएपछि आफू उत्साहित भएको बताएका हुन् ।prachanda-smiling

‘कांग्रेससँग डर थियो । देउवा प्रस्ताव अघि बढाउन सक्रिय भएपछि औधी खुशी भएको छु’ मोर्चासँगको छलफलमा प्रचण्डले भनेका थिए, ‘म अब उत्साही भएँ यो खुशी कसरी बाँडौं । संविधान संसोधन प्रस्ताव अब पारित हुन्छ ।’

कसरी अघि बढ्छ हामी पनि हेर्छौ : गोकर्ण विष्ट, सचिव नेकपा एमालेGokarna Bista 3

स्थानीय निकाय पुनर्संरचना आयोगले स्थानीय तहको विषयमा प्रतिवेदन पेश गर्दैछ । तर, आयोगको रिपोर्ट नलिएर अल्झ्याउँने काम सत्तारुढ दलहरुले गरेका छन् । निर्वाचनको कुरा गर्ने तर, निर्वाचन धकेल्ने काम सत्तारुढ दलहरुले गरेका छन् । अर्कोतिर संविधान संसोधन असंवैधानिक छ भनिहेका बेला जबर्जस्त अगाडि बढाउन खोज्नु नै असंवैधानिक छ ।

संविधानको धारा २७४ ले प्रदेशको सीमा हेरफेरको लागि प्रदेश सभा अनिवार्य हुुनुपर्ने व्यवस्था गरेको छ । सीमाका विषयमा सम्बन्धित प्रदेशले स्वीकृत गर्नुपर्ने हुन्छ । सोही कारण सीमा हेरफेरका लागि संघीय संसद अनिवार्य चाहिन्छ । सोहीकारण संघीय सीमाकंनका विषयमा रुपान्तरिक संसदले फैसला दिन सक्दैन ।

सत्तारुढ दलहरुले संविधानलाई लत्याएका छन्, कुल्चेका छन् । हाम्रो माग भनेकै लोकतन्त्रमा संविधान कानुन, नियमावली र विधिको आधारमा चल्नुपर्छ भन्ने हो ।
सरकारको यो प्रस्ताव असंवैधानिक छ अगाडि बढाउन मिल्दैन भनेर एमालेसहितका ९ प्रतिपक्षी दलहरुले भनिरहेका बेला कसरी अगाडि बढाइदो रहेछ हामी पनि हेर्छौ ।

हामीले यो विषयलाई गम्भीरतापूर्वक लिएका छौं । सरकारले जसरी सहजै अगाडि बढाउने भनेर चर्चा गरिरहेको छ अवस्था त्यस्तो छैन । सहज रुपमा अगाडि बढ्ने अवस्था नै छैन ।

Loading...
x

Check Also

काठमाडौंमा उदाउँदै गरेका ‘टोले गुण्डा’हरू पक्राउ, कथित ‘डन’ ‘डल्ले’पनि पक्राउ

काठमाडौं, ९ साउन । राजधानीमा हतियारसहित हिँड्ने तथा विभिन्न पेशा व्यसाय गरी बस्ने व्यक्तिहरूसँग असुली ...