Home / बिज्ञान प्रबिधि / आउँदैछ यस्तो एप, जसले बलात्कारको झुटो आरोपबाट जोगाउनेछ

आउँदैछ यस्तो एप, जसले बलात्कारको झुटो आरोपबाट जोगाउनेछ

तपाइँ प्रेमी प्रेमिका वा कुनै पार्टनर सँग डेटिङमा जानुहुन्छ र डेटिंग पार्टनरसँग यौन सम्पर्क राख्ने सहमति बन्दछ । आपसी सहमतिमा भएको त्यस्तो यौन सम्बन्धले भविष्यमा कुनै समस्या सिर्जना नगरोस् र बलात्कार वा जबर्जस्तीको आरोप नलागोस् भन्ने चाहनुहुन्छ भने त्यसका लागि एउटा स्मार्टफोन एप आउँदैछ ।

यस एपमा यौन सम्बन्ध कायम गर्ने दुबैजना पार्टनरले एक अकालाइ यौन सम्पर्कका लागि सहमति प्रदान गर्दछन् । जुन सहमति कानूनी प्रमाणको रुपमा रहन्छ ।

 

यो एपको नाम हो LegalFling यस एपको वेबसाइटमा उपलब्ध जानकारी अनुसार यसमा तपाइँ आफ्नो कन्ट्याक्ट लिस्टमा भएका जोकोहीलाई पनि सेक्सका लागि अनुमति प्रदान गर्ने अनुराध पठाउन सक्नुहुन्छ ।

यो एपको उद्देश्य सम्बन्ध सुरक्षित बनाउनु नै रहेको बताइको छ । यसका सथौ तपाइँ यस्तो सम्बन्धमा आफ्नो शर्त तथा बरियता पनि निर्धारित गर्न सक्नुहुन्छ । यसमा फोटो, भिडियो बनाउने अनुमति, कण्डम प्रयोग गर्ने शर्त, यौन संक्रामक रोगमुक्त रहेको ग्यारेन्टी लगायतका विषयमा दोश्रो पक्षको सहमति लिन पनि सकिन्छ ।

एप निर्माताका अनुसार यो एपले हरेक खाले यौन सम्बन्धलाई सुरक्षित तथा कानूनी दायरमा ल्याउँदछ । दुबैको सहमति पश्चात् यो एपले एउटा कानूनी करार सम्झौता तयार गर्दछ, जसको उल्लंघन गरेमा जरिवाना वा कानूनी कारवाही भोग्नुपर्ने प्रावधान रहेको हुन्छ ।

यो एप इन्क्रिप्टेड भएको हुँदा प्रयोगकर्तालाई गोपनीयताको चिन्ता नहुने बताइएको छ । युजर्स रिक्वेस्टलाई फेसबुक, ह्वाट्सएप वा टेक्स्ट मेसेजको माध्यमबाट पनि पठाउन सकिन्छ ।

यो एप अहिलेसम्म गुगल प्ले स्टोर वा एपस्टोरमा आइसकेको छैन । यसका लागि गुगल र एप्पलको अनुमतिको पखाईमा रहेको छ ।

एजेन्सीको सहयोगमा

(Visited 1 times, 1 visits today)
x

Check Also

मङ्गल ग्रहमा अनौठो बनावट देखियोः प्राकृतिक संरचना कि उच्च वौद्धिक प्राणीको अस्तित्व ?

२९ मंसिर, एजेन्सी। पृथ्वीको सबभन्दा निकट रहेको र “रक्त ग्रह (रेड प्लानेट)” को नामबाट पनि ...