Home / रास्ट्रिय खबर / दौरासुरुवाल नलगाई राप्रपाका नेता संसद छिर्न नपाउने मधेसी र जनजातिलाई दौरा सुरुवाल अनिवार्य छैन

दौरासुरुवाल नलगाई राप्रपाका नेता संसद छिर्न नपाउने मधेसी र जनजातिलाई दौरा सुरुवाल अनिवार्य छैन

२४ मंसिर, काठमाडौं । राप्रपाले व्यवस्थापिका संसदमा आफ्ना सांसदहरुलाई दौरा सुरुवाल अनिवार्यरुपमा लगाउनुपर्ने नियम लागू गरेको छ । तर, जनजाति र मधेसी सांसदलाई भने दौरासुरुवाल स्वेच्छिक गरिएको छ ।

शुक्रबार बसेको राप्रपा संसदीय दलको बैठकले आफ्नो सांसदहरुलाई दौरा सुरुवाल अनिवार्य गराएको हो । राप्रपा बैठकले पारित गरेको एक पन्ने आचार संहितामा पुरुष सांसदका लागि आफ्नो राष्ट्रिय पोशाक अनिवार्य गरिएको प्रमुख सचेतक दिलनाथ गिरीले अनलाइनखबरलाई बताए ।

‘पुरुषहरुलाई दौरा सुरुवाल अनिवार्य गरिएको छ र राप्रपाका महिला सांसदज्यूहरुले गुन्यु चोली नलगाई संसदमा जान नपाउने भएका छन्,’ गिरीले अनलाइनखबरसँग भने, ‘तर, मधेसी र जनजाति, मस्लिम समुदायका सांसदहरुले दौरा सुरुवालको साटो आफ्नो जातीय भेषभुषा झल्कने पोशाक लगाएर संसदमा जान पाउँछन्, त्यस्तो पोशाक नलगाउने हो भने दौरासुरुवाल वा गुन्युचोली अनिवार्य लगाउनुपर्नेछ ।’

राष्ट्रिय पोशाकलाई प्रवर्धन गर्न यस्तो आचार संहिता बनाइएको गिरीले बताए ।

संसदका पदाधिकारी चयन

यसैवीच राप्रपा संसदीय दलको बैठकले दलका तर्फबाट संसदीय पदाधिकारी चयन गरेको छ । जसमा प्रमुख सचेतक दिलनाथ गिरीलाई बनाइएको छ भने सचेतकमा पर्शुराम तामाङ, सचिवमा आनन्दीदेवी पन्त र कोषाध्यक्षमा दिनेश श्रेष्ठ चयन भएका छन् ।

(Visited 1 times, 1 visits today)
x

Check Also

थानकोटको सिन्डिकेट पनि तोड्दै मयुर, २३ ठूला बसले सेवा थाल्ने

६ वैशाख, काठमाडौं । अरनिको राजमार्गमा सिन्डिकेट तोडेर चर्चा कमाएको मयुर यातायातले थानकोटका यात्रुलाई पनि ...