मुख्यमन्त्री पौडेल विरुद्ध अविश्वास प्रस्ताव पेश गरेका एमालेका २२ सांसदले नाम फिर्ता लिए

0
207

मकवानपुर- बागमती प्रदेशका मुख्यमन्त्री डोरमणि पौडेलकाविरुद्ध अविश्वास प्रस्तावमा हस्ताक्षर गरेका नेकपा एमालेका नेपाल पक्षका सांसदले नाम फिर्ता लिएका छन् । मंगलबार दिउसो ४ बजे नेपाल पक्षका २२ जना सांसदले बागमती प्रदेश सभा सचिवालयलाई पत्र लेखि अविश्वास प्रस्तावबाट नाम फिर्ता लिएको प्रदेशसभाका सचिब कृष्णहरि खड्काले जानकारी दिनुभयो ।

अविस्वासको प्रस्ताव फिर्ता लिए पनि यो कुरा गोप्य रुपमा राखिएको थियो । प्रस्तावब दर्ता गर्दा पत्रकार सम्मेलन मार्फत गरेका नेपाल पक्षका सांसले अविश्वास प्रस्तावबाट नाम फिर्ता लिंदा लुसुक्क गएर फिर्ता लिएका हुन् । संसद सचिवालयलाई समेत यो कुरा गोप्य राख्न भनिएको थियो ।

एमालेको माधवकुमार नेपाल पक्षका २२ सांसद र माओवादी केन्द्रका २३ सांसदले संयुक्त रूपमा मुख्यमन्त्रीविरुद्ध पुस १० गते अविश्वास प्रस्ताव दर्ता गराएका थिए । अब नेकपा माओबादीका सांसदले मात्र अविस्वासको प्रस्ता फिर्ता लिएका छैनन् ।

माधब नेपाल पक्षले अविश्वास प्रस्ताव अगाडि नबढाउने र हस्ताक्षर फिर्ता लिएपछि पौडेल नेतृत्वको सरकारको आयु लम्बिएको छ । अब एमालेकै बहुमत छ । माओबादी र एमालेका नेपाल पक्षका सांसदले मुख्यमन्त्रीका रूपमा नेत्री अष्टलक्ष्मी शाक्यलाई अगाडि सारेको थियो । बागमतीमा ५७ सांसद रहेको एमालेको एकल बहुमत छ । बागमतीमा सरकार गठनका लागि ५६ मत आवश्यक पर्छ ।

२३ जना सांसद रहेको माओवादी केन्द्रले प्रदेश सरकारलाई दिएको समर्थन फिर्ता लिने भएको छ । सोमबार काठमाडौंस्थित प्रदेश पार्टी कार्यालय बबरमहलमा बसेको संसदीय दलको बैठकले उक्त निर्णय गरेको हो । ‘तत्कालीन अवस्थामा अविश्वास प्रस्ताव अगाडि बढ्न सक्दैन । त्यसकारण सरकारलाई दिएको समर्थन तत्काल फिर्ता लिने निर्णय गरेका हौं,’ माओवादी केन्द्रको प्रदेश संसदीय दलका नेता शालिकराम जम्मकट्टेलले भन्न्ु भएको छ । एमालेकै नेपाल समूहले अविश्वासको प्रस्ताव फिर्ता लिइसकेको छ ।