ब्राजिलमा कोरोना विकराल बन्दै, एकैदिन ४ हजारभन्दा बढीको मृत्यु

0
5
Advertisements

कोरोना भाइरस (कोभिड–१९) का कारण दक्षिण अमेरिकी देश ब्राजिलमा पछिल्लो २४ घण्टामा ४ हजार भन्दा बढी नागरिकको मृत्यु भएको छ । यो तथ्यांक कोरोना महामारी सुरु भएयताकै यो सबैभन्दा उच्च हो । ब्राजिलमा नयाँ प्रकारको कोरोना संक्रमितको संख्या पनि उल्लेख्य बढेको छ ।

देशभरका अस्पतालहरुमा भिडभाड बढेको छ । केहि शहरमा नागरिकहरु उपचारको पर्खाइमा रहँदै मृत्युवरण गर्न बाध्य छन् । यस्तो अवस्थामा देशको स्वास्थ्य प्रणाली नै ध्वस्त हुने स्थितिमा पुगेको छ ।

कोरोनाका कारण ब्राजिलमा अहिलेसम्म ३ लाख ३७ हजारभन्दा बढीको मृत्यु भइसकेको छ । यो संख्या अमेरिकापछि को विश्वकै सर्बाधिक हो । कोरोनाले देश को स्वास्थ्य प्रणाली र नागरिकको जीवन तहसनहस भइरहेका बेला ब्राजिली राष्ट्रपति जाइर बोल्सोनारो कुनै पनि प्रकारको लकडाउनको विरोध गर्न छाडेका छैन ।

उनका अनुसार लकडाउन गर्दा देशको अर्धव्यवस्थामा कोरोनाले भन्दा धेरै नकारात्मक असर पर्नेछ । स्थानीय सरकारले लगाएका केहि प्रतिबन्धहरुसमेत अदालतको साहरामा केन्द्र सरकारले फुकुवा गरिदिएको छ ।

मंगलबार राष्ट्रपति भवनबाहिर समर्थकहरुसँग कुरा गर्दै बोल्सोनारोले क्वारेन्टिन मापदण्डको आलोचना गर्दै यसले नागरिकमा मनोवैज्ञानिक समस्या र बेरोजगारीको समस्या निम्त्याउने दावी गरे । तर पछिल्लो २४ घण्टामा ४ हजार १ सय ९५ नागरिकले कोरोनाकै कारण मृत्युवरण गर्नुपरेको बारेमा भने उनले कुनै टिप्पणी गरेनन् । नेपाल प्रेस बाट