सामाजिक सुरक्षा कोषमा समावेश गर्न र न्यूनतम पारिश्रमिक दिन स्वास्थ्य मन्त्रालयको निर्देशन

0
27

काठमाडौं- स्वास्थ्य तथा जनसंख्या मन्त्रालयले आफ्ना सबै कर्मचारीलाई अनिवार्य सामाजिक सुरक्षा कोषमा सहभागी गराउन र अनिवार्य न्यूनतम पारिश्रमिक उपलब्ध गराउन सबै अस्पताललाई निर्देशन दिएको छ ।

मन्त्रालय मातहतको स्वास्थ्य आपतकालिन कार्यसंचालन केन्द्रले एक विज्ञप्ती जारी गर्दै सामाजिक सुरक्षा कोषमा सहभागि नभएको र न्यूनतम पारिश्रमिक भन्दा कम पारिश्रमिक दिइएको गुनासा पाइएको भन्दै सबै अस्पताललाई अस्पतालमा कार्यरत कर्मचारीलाई कोषमा अनिवार्य समावेश गर्न र न्यूनतम पारिश्रमिक दिन निर्देशन दिएको हो ।

सोमबार बसेको मन्त्रीस्तरीय बैठकले यस्तो निर्णय गरेको केन्द्रका प्रमुख डा.समिरकुमार अधिकारीले जारी गरेको विज्ञप्तीमा भनिएको छ ।

स्वास्थ्य तथा जनसंख्या मन्त्री शेरबहादुर तामाङले सोमबार नै आयोजना गरेको पत्रकार सम्मेलनमा पनि सामाजिक सुरक्षा कोषमा समावेश भए नभएको र न्यूनतम पारिश्रमिक लागू भए नभएको विषयमा अनुगमन गरिने जानकारी गराइसकेका छन् । नेपाल प्रेसबाट