दशैं बिदामा घुम्न जाँदै हुनुहुन्छ ? मुस्ताङदेखि रारासम्म यस्तो छ अफर

0
45

काठमाडौं। पर्यटकका लागी उपयुक्त मौसम हो यो घुम्नलाई । न त जाडो , न त गर्मी । त्यसकारण पनी उपयुक्त मौसम हो । पहिले पहिले विदेशी अर्थात गोराहरुले मात्र घुम्ने गर्दछन भन्ने थियो । तर अहिले त्यस्तो होईन । नेपालीहरु पनी समयले साथ दिन वित्तिकै घुम्न जान थाली सकेका छन् । अझ विदेशीहरु त घुम्नलाई निश्चित रकम तथा योजना बनाएर घुम्न जाने योजना बनाउने गर्दछन तर नेपालीहरु पनी अझै त्यती सारो योजना बनाएर घुम्न जाने गरेका पाईदैन ।

खप्तड

ADVERTISEMENT

प्राकृती सुन्दरको अनुपम उपहार हो खप्तड । चिसौ मौसमा सेताम्य हिउले ढाकिन्छ भने बैशाख जेठमा रगीचगी फुलले ढाकिन्छ खप्तड । खप्तड क्षेत्रको प्रमुख बिशेषता भनेको विशाल फाटहरुमा फुल्ने रगीचगी फुलहरु लगाएत मिलाएर फाटहरुको छे छेउमा मिलाएर रोपेका जस्ता देखीने रुखहरु पनी हो खप्तड क्षेत्रमा खप्तड बाबाको कुटी, त्रिबेणी नदी, खप्पर दह, शिवमन्दिर, सहस्रलिंग, गणेशस्थान, नागढुंगा, केदारढुंगाजस्ता धार्मिक स्थलहरुले खप्तड क्षेत्रलाई निकै प्रख्यात बनाएका छन् । खप्तड क्षेत्रमा ठुला साना गरि २२ वटा फाँटहरु पनि यहाको प्रमुख आर्कषण हुन् ।

यस क्षेत्रमा ४ रैथाने सहित १ सय ३५ किसिमका फूल फुल्ने गर्दछन् । त्यसकारण पनि यो क्षेत्र प्राकृतिक ईतिहासको संग्रहालय र जीवित बगैचा भएको रोकाय बताउछन् । नेपालमा पाईने ७ सय मुख्य जडिबुटीमध्ये २ सय २४ प्रजातिका जडिबुटी यसै क्षेत्रमा पाईन्छ । प्रकृतिको यो अनौंठो संग्रहालयमा ५ सय ६७ प्रजातीका वनस्पति र विभिन्न २ सय ७० जातका चराचुरुंगी छन् । खस्रेभ्यागुता र बझांगे पाहा गरी दुई प्रजातीका रैथाने उभयचर बाघबुट्टे निगांलो पाईने यो नेपालको एक मात्र राष्ट्रिय निकुञ्ज हो । बिश्वकै दुर्लभ जातीको हरियो छेपारो पाईने यहा २२ पाटन र ५२ झोती छन् । यो १ सय ७५ प्रजातीका चराले बच्चा कोरल्ने ठाउ पनि हो ।

कसरी पुग्ने खप्तड

काठमाण्डौ देखी धनगढी ६५० किमी बसमा । धनगढी देखी डोटीको सिलगढी सम्म बसमा ८ घण्टा त्यसपछी सुरु हुन्छ पैदल यात्रा । बगलेग सम्म जिप पनी चल्ने भएकाले जिप रिजर्भ गरेर पनी लान सकिन्छ । डोटीको सिलगडी देखी सुरु भएको पैदल यात्राको पहिलो दिन झिगराना । दोस्रो दिन खप्तड राष्टिय निकुन्ज प्रवेश सगै त्रिबेणी मन्दिर पुगिन्छ ।

रारा


रारा सबै नेपाली पुग्न चाहने स्थल मध्य एक हो । वरी परी जगलको विचमा समुन्द्रि सतहबाट २ हजार ९ सय ९० मिटर उचाइृमा अवस्थित रारा ताल । मा विश्वमै कहि पनी नभेटीने स्नो टाउट प्रजातीको माछा पाईन्छ । रारा तालका पुरा आकृती हेर्न लागी समुन्द्री सतह बाट करीब ४ हजार मिटर उचाईमा अवस्थित मुर्मा टप नै उपयुक्त स्थल हो । घाम किरण अनुसार राराले आफ्नो कलर दिने गर्दछ । नेपालको सबै भन्दा ठुलो रारा तालमा जती बाह्य पर्यटकका आगमन हुनु पर्ने हो त्यती हुन सकेको छैन । तर स्वदेशी पर्यटकको भने निकै उल्लेखनिय रुपमा आगमन हुने गरेको छ ।

कसरी पुग्ने

नेपालगन्ज देखी ५० मिनेटको हवाई यात्रा पश्चात पुग्न सकिन्छ मुगुको ताल्चा विमान स्थल । ताल्चा विमान स्थल बाट ३ घण्टाको पैदल दुरु पश्चात रारा ताल पुग्न सकीन्छ । सुर्खेत देखी दुई दिनको बस यात्रा पश्चात पुग्न सकिन्छ मुगुको गमगढी । गमगढी बाट तिन घण्टाको पैदल यात्रा पश्चात पुग्न सकिन्छ राराताल ।

बर्दिया

वर्दिया तराईको सबै भन्दा ठुलो राष्टिय निकुन्ज हो । ९६८ वर्ग किलोमिटर क्षेत्रफलमा फैलीएको यो निकुन्ज बाघ हेर्नका लागी सबैभन्दा उपयुक्त स्थान पनी हो । नेपालको बै भन्दा लामो नदी कर्णाली र बबई नदीको विचमा निकुन्जका केही भागहरु पर्ने भएकाले पनी जनावरका लागी उपयुक्त बनेको हो ।

निकुन्जको ७० प्रतिशन भुभाग शाल र यस्को सहाएका प्रजातीका वनले ढाकीएको छ भने बाकी ३० प्रतिशत घासे मैदान रहेको छ । निकुन्जमा ५४ प्रजातीका स्तनधारी, ४०० प्रजातीका चरा चुरुगी, २५ प्रजातीका घस्रने वन्यजन्तु र ६० भन्दा बढी प्रजातीका माछाहरु पाईने गर्दछ ।

वर्दीयमा राष्टीय निकुन्ज मात्र नभएर थारु सस्कृतीका लागी निकै प्रख्यात रहेको छ । बर्दिका भादागाउमा खोलिएको होम स्टेको पनी आन्तरीक तथा बाह्य पर्यटकका लागी थप आर्कषण हो । बर्दीया राष्टिय निकुन्ज नजीकै रहेको ठाकुरद्धरा मन्दिर पनी धार्मिक हिसावले निकै प्रख्यात रहेको छ । मध्यपश्चिमकै धार्मिक स्थल मध्य एक मानिने ठाकुरद्धरा मन्दिरमा लिच्छबीकालीन मुर्तिहरु रहेको छ । बिशेष गरी माघे सक्रान्त्रिका बेला मेला लाग्ने गर्दछ ।

कसरी पुग्ने ।

पश्चिम नेपालको प्रवेशद्धार नेपालगन्जबाट दुई घण्टामा सहजै पुग्न सकिने यस निकुन्ज महेन्द्र राजमार्गको अम्बासबाट जम्मा १३ किलोमिटर टाढा रहेको छ ।

लोमडथाड

प्राकृतिक स्रोतले धनी भएर पनी गरीवीको उपमा पाएको मुस्ताडले जब विश्वमा पर्यटकलाई घुम्न जानका लागी आग्रह गर्ने लोन्ली प्लानेटले उत्कृष्ट दश मध्य मा पारेपछी पर्यटको रोजाईमा अत्याधिक परेको छ । विदेशी पर्यटक मात्र नभएर नेपाली पर्यटकको लागी पनी उत्तिकै रोजाईमा परेको छ । मुस्ताडको मुक्तिनाथ दर्शन पनी गर्न पाईने साहसीक पदयात्रमा पनी हुने भएका कारण यो क्षेत्रमा स्वदेशी पर्यटकको रोजाईमा परेको हो ।

ल्याण्डस्केप, जनजिवन, गुफा तथा रहन सहनका लागी प्रख्यात रहेको मुस्ताडमा तल्लो र माथिल्लो मुस्ताड गरेर दुई तहमा विभाजीत छ । देशमा गणतन्त्र आईसक्दा पनी त्यहो राजा र राजपरिवार प्रति गर्ने सद्भावनै माथिल्लो मुस्ताडको अर्को आकर्षण हो । माथिल्लो मुस्ताडमा जब सडको पहुच पुगेपछी अहिले आन्तरीक तथा बाह्य पर्यटकको आगमनमा बृद्धी भएको छ ।

कसरी पुग्ने

पोखरा देखी जोमसोम सम्म हवाईजहाज । त्यसपछी पैदल यात्रा । तिन दिनमा लोमाडथाड पुग्न सकिन्छ । जोमसोम देखी जिपमा एकै दिनमा लोमाडथाड पुग्न सकिन्छ ।

घोरेपानी

नेपालमा आउने पर्यटको उत्कृष्ट दश मध्य एक मा पर्ने हो घोरेपानी पदयात्रा । अहिले विदेशी पर्यटकको मात्र नभएर स्वदेशी पर्यटकको रोजाईमा पर्ने गरेको छ । बिशेष गरी युवा पुस्ताको रोजाईमा पर्ने गरेको घोरेपानी पदयात्रामा खान बास बस्नका लागी सबै सुविधा रहेको छ । घोरपानी देखी आधी घण्टाको उकालो हिडाई पश्चात पुग्न सकिन्छ पुनहिल । पुनहिल देखी विश्वको सातौ अगलो धौलागीरी हिमाल हेर्दा कस्को पो मन नरमाउला । धौलागिरी हिमाल हेर्नलाई सबै भन्दा उपयुक्त स्थना हो म्यागदीको पुनहिल ।

पुनहिल पदयात्राको क्रममा दुई वटा विकल्प रहेका छन् । एक पुनहिल पदयात्रा मात्र अर्को पुनहिल हुदै अन्न पुर्ण हिमालको आधाशिवीर सम्म यात्रा गर्ने । यही कारण पनी यो पदयात्रा निकै रुचि देखीएको हो पर्यटकका लागी ।
पोखरा देखी पुनहिल हुदै पोखराका लागी पाच दिनको समय उपयुक्त हुन्छ । पोखरा देखी पहिलो दिन तिखे ढुगा, दोस्रो दिन घोरेपानी, तेस्रो दिन घोरपानी बाट सुर्य उदाएको दृश्य अवलोकन गर्नलाई पुनहिल टावर गएर पुन घोरेपानी आई टाडापानी, चौथो दिनघान्द्रुक र पाचौ दिन पोखरा पुगिन्छ । यो बाहेक पोखरा देखी पुनहिल हुदै अन्नपुर्ण आधारशिवीर पुगर पुन पोखरा आउनलाई ११ दिनको पदयात्रा राम्रा हुन्छ ।

कसरी पुग्ने

पोखरा देखी दुई दिनको पैदल यात्रा पुग्न सकिन्छ घोरपानी ।

स्वर्गद्धारी

पाच पाण्डवले स्वर्ग जादा अन्तिम स्थान यहीे बाटो भएर गएकाले यस्को धार्मिक महत्तव बोकेको छ । धार्मिक मात्र नभएर अन्नपुर्ण, धौलागीरी र मनास्लु लगाएत दर्जनौ हिमाल आखै अगाढी हेर्न पाईने स्थान हो स्वर्गद्धारी । विशेष गरी धौलागीरीलाई नजीक बाट नियाल्न पाईन्छ स्वर्गद्धारीबाट ।

प्यूठानको स्वर्गद्धारी धार्मिक हिसावले जती महत्तव रहेको छ प्राकृतीक सुन्दतरता पनी त्यती नै भरिपुर्ण रहेको छ । स्वर्गद्धारीको चर्चा विशेष नेपालमा भन्दा भारतमा बढी रहेको छ । यही भएर होला बर्षेनी एक लाख भन्दा बढी भारतीय भक्तजनहरुका स्वर्गद्धारी पुग्ने गर्दछन् ।

कसरी पुग्ने

काठमाण्डौ बाट नेपालगन्ज सम्म हवाई यात्रा त्यसपछी बसमा रोल्पा चल्ने बसमा भृगी सम्म सार्वजनीक यातायात चल्दछ । त्यसपछी ५ घण्टाको पैदल यात्रा अर्थात निजी सवारी साधन पनी चल्दछ स्वगद्धारी मिन्दर परिसर सम्म । अर्थात काडमाण्डौ देखी रोप्पा चल्ने सवारी साधनमा भृगी सम्म जाने र पैदल यात्रा गर्न सकिन्छ ।

पाथीभरा

खुल्ला आकासमा समुन्द्री सतहबाट ३ हजार ७ सय ९४ मिटरमा उचाईमा ताप्लेजुगमा अवस्थित पाथीभरादेवी स्वदेश र विदेशमा प्रख्यात रहेकी छिन् । स्वदेशी तथा विदेशी धार्मिक पर्यटकको रोजाईमा पर्ने पाथीभरा मनोरम हिमश्रृखला हेर्ने स्थल पनी हो । विश्वको तेस्रो अग्लो हिमाल कन्चनजघा लगाएत कुम्भकर्ण हिमाल हेर्न पनी सकिन्छ । पाथीभरा मन्दिर परिसरमा कुनै होटल नभए पनी भक्तजनहरुलाई बास बस्न र खानपिनको समेत ब्यबस्थापन रहेको छ । मन्दिर परिसर भन्दा केही तल बास बस्न र खानपिनको राम्रो ब्यबस्थापन रहेको छ ।

कसरी पुग्ने

काठमाण्डौ देखी दुई दिनको बस यात्रामा पुग्न सकिन्छ । काठमाण्डौ देखी सुकेटार मा हवाईजहाज । त्यसपछी चार घण्टाको पैदल यात्रा पश्चात पुग्न सकिन्छ ।

पाथीभरा दर्शन


ताप्लेजुङ जिल्लामा रहेको पाथीभरा मन्दिर हिन्दुधर्मालम्बीहरुको प्रसिद्ध तिर्थस्थल हो । विभिन्न स्थानहरुको अवलोकन गर्दै कन्याम चिया बगानमा जाने र सोही क्षेत्रमा बसोबास गर्ने ।

आधा दिन चिया बगानको अवलोकन गर्ने साथै सो दिन अन्तुडाडाँमा बासोबास गर्ने । अन्तु डाँडाँबाट ६ घन्टाकोे सवारीमा यात्रापछि ताप्लेजुङ पुग्न सकिन्छ सो दिन सोही स्थानमा बस्ने । ताप्लेजुङ बजार क्षेत्र, पाथीभरा मन्दिर क्षेत्रको दर्शन पछि सो दिन तप्लेजुङमानै बस्ने ।

रारा ताल

सडक क्षेत्रको पहुँच भएपछि मुगु जिल्लाको रारा ताल धेरैका लागि पर्यटकीय गन्तव्य बन्नपुगेको छ । समुद्रि सतहदेखि तीनहजार मिटर उचाइमा रहेको रारा तालले सुन्दरताका अनेक उपनाम पाएको छ ।

रारासँगै यस आसपासको पर्यटन पनि फस्टाउँदो छ । गर्मि समयमा रारा तालको यात्रा सुखद अनुभुति बन्न सक्नेछ । रारा तालको अवस्थिती र आकार नै प्राकृतिक सुन्दरताको उच्चतम नमुना मानिन्छ ।

तालसँगै रहेको जङ्गल र आसपासका मनोरम दृश्य रारा तालमा आकर्षण बढाउन पर्याप्त छन् । रारा ताल टे«्किङ्का लागि पनि प्रसिद्ध छ । एक हप्तादेखि १० दिनसम्मको समय रारा तालको घुमघामका लागि पर्याप्त हुन सक्छ ।

डोल्पा

से फोक्सुण्डो राष्ट्रिय निकुञ्ज अन्तर्गत पर्ने डोल्पो अहिलेसम्म आन्तरिक पर्यटकका लागि अझै गन्तव्य बन्न सकेको छैन । गर्मिमा टे«किङ र ग्रामिण क्षेत्रको खास अनुभुति गर्ने चाहना छ भने डोल्पोलाई रोजाइमा राख्नुहोस ।

यात्रा अवधिभर देखिने हिमालका अनेक रुप र वन्यजन्तुका रहर लाग्दा गतिविधि डोल्पोका आकर्षणका माध्यम हुन् । स्थानीय संस्कृति पनि आन्तरिक तथा बाह्य दुवै पर्यटकका लागि नयाँ अनुभव बन्न सक्छन् ।

तल्लो र माथिल्लो गरी डोल्पोमा दुई ओटा टे«किङ रुट छन् । नेपालगञ्जबाट दुनै हुँदै ताराकोट र तारफ खोलापछि डोल्पो क्षेत्र प्रवेश गरीन्छ । पुरा क्षेत्रको टे«किङको लागि कम्तिमा तीनहप्ता लाग्छ ।

पोखरा–लुम्बिनी–सौराह

केही दिनको विदामानै घुम्न उपयुक्त स्थान हुन सक्छ काठमाडौं–पोखरा–लुम्बिनी–सौराहा । स्वदेशी विदेशी दुवै खालका पर्यटकका लागि प्रख्यात स्थान हुन गन्तव्य । काठमाडौंबाट पोखरा गएर एकरात दुई दिन बसेर मुख्या स्थानहरु घुमेपछि रात्री बस चढेर लुम्बिनी जान सकिन्छ । लुम्बिनी जाने उपयुक्त मौसम हो अहिले ।

त्यसपछि सौराह आएर थारु संस्कृतिको अवलोकन, साँझ राप्ती र नारायणी नदीको दोभानमा सुर्यास्तको दृश्य, अनि जंगलसफारीका लागि प्रख्यात छ चितवन । यतिमात्र नभएर चराचुरुङ्गी अवलोकनाका लागि पनि चितवन उपयुक्त गन्तव्य हुन सक्छ ।

यो ठाउँ मयुर, च्याखुरा, पानी हाँस र चखेवाको वथानसहित अन्य चराहरुको बसोबासको थलो हो । शान्त र राष्ट्रिय निकुन्ज नजिकै भएकाले पनि बाघसमेत हेर्ने मौका मिल्न सक्छ ।

खप्तड

सुदुरपश्चिमको खप्तड जान काठमाडौबाट सात रात आठ दिनको समय छुट्याउनुपर्छ । काठमाडौंबाट १५ घण्टाको वसयात्रा गरेपछि धनगढी पुगिन्छ ।

धनगढीदेखि डोटी सदरमुकाम सिलगढीसम्म पनि वसमै आठघण्टाको यात्रा हुन्छ । सिलगढीबाट बखलेकसम्म जिप रिजर्भ गरेर कच्चीबाटोमा यात्रा गर्न सकिन्छ । पैदालयात्रा गर्दा भने सिलगढीबाटै सुरु गर्नुपर्छ ।

हवाईजहाजबाट जाँदा भने धनगढी ओर्लेर सोही दिन सिलगढी पुगेर बास बस्न सकिन्छ । सिलगढीदेखि बखलेखसम्म जीप जाने कच्चि बाटो छ । त्यसका लागि रिर्जभ गर्नु पर्छ ।

सिलगढीदेखि सुरु पैदलयात्राको पहिलो दिन विहानको खाना बगलेखमा खाएर झिगरानमा बेलुकाको बास हुन्छ । दोस्रो दिनको यात्रामै खप्तड राष्ट्रिय निकुञ्ज प्रवेश गर्न सकिन्छ । निकुन्जक्षेत्रमा पसेपछि यात्राको सबैभन्दा अप्ठ्यारो ठाडो उकालो सुरु हुन्छ । विहानको खाना बीचपानीमै खाएर जानु राम्रो हुन्छ ।

त्यहाँबाट अघि बढेपछि खाना खाने ठाउँ पाइन्न । बीचपानीबाट चार घन्टा लाग्छ, निकुञ्जको मुख्यालय पुग्न । ठूल–ठूला चट्टान र घना जंगल र बाटोमा फूलेका रंगीचंगी फूलको बासनाले थकान मेटिन्छ ।

दिनभरको यात्रापछि साँझ त्रिवेणी मन्दिर पुगिन्छ । त्रिवेणी मन्दिरबाट शुरु हुन्छ खप्तडक्षेत्रको सुन्दर दृश्य । खप्तडको त्रिवेणी मन्दिर, हरिया फाँट, थारु संस्कृति, डडेलधुरको उग्रताराम मन्दिर, डोटीको शैलेश्वरी र भागेश्वरी–सालमुनिको यस क्षेत्रका आकर्षण हुन । खप्तड यात्राको लागि काठमाडौं देखि १० दिनको समय उपयुक्त हुन्छ ।

भोटेकोशी र त्रिशुलीमा र्‍याफ्टिङ

साहसिक जलायात्रा र्‍याफ्टिङ लागि नेशनल जोग्राफी च्यानलले विश्वका दशौं उत्कृष्ट गन्तव्यमा भोटेकोशीलाई पनि राखेको छ । पछिल्लो समय भोटेकोशीमा जलयात्रा गर्ने आन्तरिक पर्यटकको संख्या पनि बढिरहेको छ ।

काठमाडौंमा बसिरहेकाहरु छुट्टीको समयमा त्रिशुली र भोटेकाशी नदीमा र्‍याफ्टिङ गर्न आउने क्रम बढेको व्यावसायीहरुको भनाई छ । यी नदीमा बढीमा दुई दिने प्याकेजको व्यवस्था व्यावसायीहरुले गरेका छन ।

भोटेकोशी र त्रिशुलीमा दिनभरी ¥याफ्टिङ गरेर साँझ आरम गर्न पनि सकिने तथा र्‍याफ्टिङ गरेर यहाँबाट काठमाडौ पनि पुग्न सकिन्छ । माथिल्लो भोटेकोशी र तल्लो भोटेकोशीमा याफ्टिङ व्यवस्था गरिएको छ । याफ्टिङ लागि माथिल्लो भोटेकाशी तल्लो भन्दा साहसिक मानिन्छ ।

माथील्लो भोटेकोशीमा याफ्टिङ गर्दा केही कम अनुभवीलाई तल्लो भोटेकोशी उपयुक्त छ । पहिलो पटकमै पनि माथील्लो भोटेकोशीमा र्‍याफ्टिङ सकिन्छ । त्रिशुलीमा नदिमा परिवारसहित र्‍याफ्टिङ गर्न सकिन्छ । त्रिशुलीमा विद्यार्थी र अन्य आन्तरिक पर्यटकहरु र्‍याफ्टिङ  लागि आउने गरेका छन् । राजधानीबाट नजिकै र पहिलो पटक र्‍याफ्टिङ गर्नेलाई पनि यो उपयुक्त गन्तव्य हुन्छ ।

पुनहिल पदयात्रा

दसैं विदामा एक हप्ता घुम्न जानेहरुका लागि पुनहिल यात्रा उपयुक्त हुन्छ । ५ रात ६ दिनका लागि पुनहिल यात्रा उपयुक्त छ । धौलागिरी हिमाल हेर्दै पदयात्रा गर्नेलाई यो यात्राले भरपूर मनोरञ्जन दिन्छ ।

पुनहिल पदयात्रामा बास बस्न समस्या छैन । पर्यटकीय नगरी पोखराबाट पुनहिल यात्रामा प्यारागलाईडिङको पनि मजा लिन सकिन्छ । प्याराग्लाईडिङका लागि भने थप एकदिन छुट्याउनुपर्छ ।

पोखराबाट नयापूलसम्म सवारीसाधनको सुविधा छ । नयापूलबाट शुरु हुन्छ पुनहिल पदयात्रा पोखराबाट नयापूलसम्म गाडी र त्यहाँबाट पैदल हिंड्दा हिले पुग्न सकिन्छ । पदयात्राको दोस्रो दिन म्याग्दीको घोडेपानी पुगिन्छ ।

समुद्री सतहबाट २९०० मिटरमा उचाईमा अवस्थित घोडेपानीबाट एकघण्टाको ठाडो उकालो चढेपछि पुनहिल डाँडामा पुगिन्छ । समुद्रीसतहबाट ३ हजार २ सय १० मिटर उचाईको पुनहिलबाट धौलागीरी, अन्नपुर्ण माछापुच्छे, निलगीरीसहित १५ वटा हिमालको मनोरम दृश्य हेर्न पाईन्छ ।

पुनहिलको अर्को विशेषता धौलागिरीमा सुर्योदयको दृश्य हेर्न पाउनु पनि हो । धौलागीरीसहित माछापुच्छ्रे र निलगिरी हिमालबाट सूर्य उदाएको दृश्य हेरेपछि यात्राभरीको थकान भुल्न सकिन्छ ।

लोमाङथाङ

हिमालपारीको जिल्ला मुस्ताडको आफ्नै मौलिक संस्कृतिका कारण पनि प्रख्यात छ । अन्नपूर्ण संरक्षण क्षेत्रमा पर्ने लोमाङथाङ घुम्ने पर्यटकको संख्या बढिरहेको छ ।

गत वर्ष करिब तीन हजार पर्यटक लोमाङाथाङ पुगेका थिए । लोमाङथाङ जाने पर्यटकहरुको संख्या प्रत्येक वर्ष बढिरहेको छ । गुजुमुक्क घरहरु । घरमाथि एकनासले राखिएका दाउराका थुप्रा । यही ठाउँमा गुजुमजुक्क घरहरु भन्दा भिन्न, अग्लो र लामो एउटा घर । जुन घरलाई देखेपछि सबैले अनुमान लगाउन सक्छन । लोमाङथाङको पहिचान बनाएको ऐतिहासक दरबार भनेर ।

गुम्बाको जिल्ला भनिने मुस्ताड जान मोटरको सुविधा छ । उक्त क्षेत्रमा जाँदा मुस्ताङको मुक्तीनाथ पनि जाने उपयुक्त गन्तव्य हो ।

लाङटाङ

वरीपरी हिमालको वीचमा हिउँले ढाकिएको बस्ती । बस्ती नजिकै मन शान्त बनाउने ७ सय वर्ष पुरानो आकर्षक गुम्बा । ऐतिहासिक तथा धार्मिकरुपमा धेरै महत्व भएपनि गुम्वा भने जीर्ण अवस्थामा । यो जीर्ण गुम्वामा बौद्ध धर्मावलम्बीहरुको गहिरो आस्था छ ।

जुन् गुम्बा हो, रसुवाको क्यानजेन गुम्बा । बाहिरबाट हेर्दा सानो र जीर्ण देखिने गुम्बाको भित्री भाग निकै आकर्षक र सुन्दर छ । नेपालमा आउने विदेशी पर्यटकहरुको तेस्रो रोजाईमा पर्छ लाङटाङ पदयात्रा ।

पर्यटकको रोजाईमा सगरमाथा र अन्नपूर्ण पदयात्रा पछि पर्छ, लाङटाङ पदयात्रा । हिमाली जनजीवन र हिमालको मनोरम दृश्यका लागि चर्चित छ, लाङटाङ पदयात्रा ।

हलेसी महादेव दर्शन टुर

नेपाल पर्यटन बोर्ड र नेपाल एसोसिएसन अफ टुर एन्ड ट्राभल्स एजेन्ट्स (नाट्टा) को सहकार्यमा हलेसी महादेव दर्शन टुर प्याकेज सार्वजनिक गरिएको छ ।

आन्तरिक पर्यटकलाई लक्षित गरी सार्वजनिक गरिएको उक्त प्याकेजमा विशेष गरी धार्मिक पर्यटकहरु समावेश हुन सक्ने छन । खोटाङ जिल्लामा रहेको हलेसी महादेव बौद्ध धर्मालम्बीहरुको लागि समेत चिर्चित क्षेत्र हो ।

उक्त क्षेत्रमा जानको लागि हवाई र सडक दुवै प्रयोग गर्न सक्ने छन । खासगरी हवाई मार्गको प्रयोग गर्दा पहिलो दिन काठमाडौ–कटारी, जनकपुर अथावा विराटननगर जुन सुकै स्थानमा पनि जान सकिन्छ । त्यो दिन कटारीका बसेर पहिलो दिन बास बस्नुपर्ने हुन्छ ।

जनकपुरधाम

एतिहासिक मन्दिर जनपुरधाम विश्वभरका हिन्दुहरुको लागि चर्चित रहेको छ । जसमा बोर्डले तीन दिने प्याकेज सार्वजनिक गरेको छ ।

जनकपुर पुगेपछि आधा दिन जानकी मन्दिर, राममन्दीर, विवाह मन्डप, राजदेवी मन्दिर लगायत क्षेत्रको अवलोकन गर्न सकिन्छ । धनुस धामको पुजा, त्यसपछि सिताको विवाह भएको क्षेत्र लगायत ऐतिहासिक क्षेत्रको अवलोकन गर्न सकिन्छ ।

कोशी क्षेत्रको अवलोकन

कोशी क्षेत्रमा जान पनि हवाई र सडकदुवै मार्गको प्रयोग गर्न सक्दछन । पाँच दिन सम्म संचानल हुने प्याकेज हो । काठमाडौं बाट विराटनगर हवाई मार्ग मार्फत पनि जान सकिन्छ ।

आधा दिन नजिकमा क्षेत्रहरुको अवालोकन, साथै सोही दिन ६० किलोमिटर दुरी पार गर्दै कोशी टप्पु क्षेत्रमा जान सकिन्छ । सो दिन सोही क्षेत्रमा बसोबास । कोशी टप्पु बाट फर्किएर बराह क्षेत्रको अवलोकन गर्न सकिन्छ ।

त्यसको साथै सप्त कोशी नदीको बाँध स्थल लगायत अन्य क्षेत्रको अवलोकन र सोही दिन भेडेटारमा बसोबास । नाम्जे भिलेज, पानी ट्यांकी डाडाँ, धनकुटा तथा नमस्ते झरनाको अवलोकन । पार्खीवास गाँउको अवलोकन तथा ५ किलोमिटर दुरीमा रहेको हिले बजारको अवलोकन गर्न सकिन्छ ।